سکھرشہر کی سڑکوں پر آوارہ مویشیوں کی بھرمار
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت )سکھر شہر کی سڑکوں پر چھوڑے گئے آوارہ مویشیوں کی تعداد دن بدن بڑھتی جارہی ہے اور اس وجہ سے یہاں ہونے والے سڑک حادثات میں بھی اضافہ دیکھنے کو مل رہا ہے۔دن اور رات کے وقت شہر کے مختلف تجارتی و کاروباری مراکز سمیت اہم سڑکوں پر آوارہ مویشیوں کا ہجوم لگ جاتا ہے جبکہ بیچ سڑک پر سوئے پڑے جانوروں کی وجہ سے موٹر سواریوں کو بہت زیادہ دقت کاسامنا کرناپڑ رہاہے اور اکثر آدھی رات کو یا ذرا اندھیرے علاقے میں دور سے یہ جانور نظر نہ آنے کی وجہ سے حادثات واقع ہوجاتے ہیں اس حوالے شہریوں کا کہنا ہے کہ دودھ کے لئے گائیں پالنے والے لوگ اپنے گھر میں جانوروں کو باندھنے کا انتظام نہ ہونے کی وجہ سے انہیں یونہی آوارہ گردی کرنے کے لئے سڑکوں پر چھوڑ دیتے ہیں۔اسکے علاوہ سڑک کنارے پائے جانے والے کچرے کے ڈبوں اور ڈھیر کی وجہ سے بھی بعض جانور اپنے مالکین کے گھر نہیں جاتے بلکہ ادھر ادھر گھوم پھر کر کچرا کھاتے اور پھر سڑک پر ہی رات گزاری کرلیتے ہیں۔اس کا نتیجہ یہ ہوا ہے کہ سکھر شہر کی سڑکیں مویشیوں کا باڑہ بن کر رہ گئی ہیں شہریوں نے الزام عائد کیا کہ شہر میں آوارہ مویشیوں کی تعداد روزبروز بڑھتی جارہی ہے، لیکن شہر کی میونسپل کارپوریشن کوئی بھی قدم اٹھائے بغیر اس طرف سے آنکھیں بند کرکے بیٹھی ہوئی ہے۔شہری و سماجی حلقوں نے بالا حکام سے نوٹس لینے کا مطالبہ کیا ہے۔
.ذریعہ: Jasarat News
کلیدی لفظ: ا وارہ مویشیوں کی وجہ سے سڑکوں پر شہر کی
پڑھیں:
کراچی: بارش کے بعد سڑکوں پر گڑھے پڑنے سے گاڑیاں دھنس گئیں
کراچی میں گزشتہ روز ہونے والی بارش کے بعد شہر کی مرکزی شاہراہوں سے تو پانی کلیئر ہو گیا لیکن کئی اندرونی علاقوں اور سڑکوں کی صورتِ حال ابتر ہے جہاں کچھ علاقوں میں ابھی بھی پانی سڑک پر موجود ہے وہیں بارش کے باعث سڑکوں پر پڑنے والے بڑے بڑے گڑھے شہریوں کے لیے اذیت کا سبب بن رہے ہیں۔
کراچی میں ہونے والی حالیہ بارشوں کے بعد شہر کی مرکزی شاہراہوں سے تو پانی کی نکاسی ہو گئی ہے لیکن شہر کے مختلف علاقوں کی اندرونی سڑکوں اور گلیوں کی صورتِ حال انتہائی خراب ہے۔
کہیں سیوریج کے مسائل سامنے آ گئے ہیں تو کہیں ٹوٹی پھوٹی سڑکوں سے گزرنا شہریوں کے لیے ایک امتحان ثابت ہو رہا ہے۔
کراچی: کئی علاقوں میں خراب سڑکوں کے باعث شہری مشکلات کا شکارکراچی میں مون سون کی بارشوں کا سلسلہ شروع ہوچکا ہے...
کراچی کے علاقے گارڈن میں اب تک پانی سڑک پر موجود ہے جس کی وجہ سے شہریوں کو دشواری کا سامنا ہے۔
اولڈ سٹی ایریا میں بولٹن مارکیٹ، نیو چالی، گرومندر، لیاری سمیت کچھ علاقوں میں تاحال بارش کا پانی موجود ہے۔
شہریوں کا کہنا ہے کہ یہاں ہر بارش میں یہی صورتِ حال ہوتی ہے لیکن انتظامیہ کی جانب سے اس مسئلے کے حل کے لیے کوئی ٹھوس اقدامات نہیں کیے جاتے۔
شہریوں کا کہنا ہے کہ ایک طرف جہاں گیس کی پائپ لائنز بچھانے کے لیے مختلف علاقوں کی سڑکوں کی صورتِ حال خراب تھی تو بارش کے بعد وہ مزید ابتر ہو گئی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی