جعلساز پرائیویٹ سیکورٹی گارڈز سمیت گرفتار ، اسلحہ اور گاڑیاں برآمد
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)لطیف آباد بی سیکشن پولیس نے جعلساز کو پرائیوٹ سیکورٹی گارڈز سمیت گرفتار کرکے اسلحہ اور گاڑیاں برآمد کرلیں، گرفتار جعلساز خود کو حساس ادارے کا افسر ظاہر کرکے، لوگوں سے لوٹ مار میں ملوث تھا۔ لطیف آباد بی سیکشن پولیس نے دانش اقبال نامی جعلساز سمیت پانچ پرائیوٹ سیکورٹی گارڈز کو گرفتار کرلیا اور ان کے قبضے سے دو عدد پستول، دو کلاشنکوف نما رائفل، ایک رپیٹر، ایک ایم پی فائیو رائفل برآمد کرلی، پولیس کا کہنا ہے کہ انہیں شکایت ملی تھی کہ لطیف آبا دمیں ایک جعلساز جو خود کو ایک حساس ادارے کا افسر ظاہر کرتا ہے شہریوں کو سرکاری نوکریوں اور دیگر مقاصد کا جھانسہ دے کر لوٹتا ہے، اسے گرفتار کرکے اس کے ساتھ پانچ سیکورٹی گارڈز اور گاڑیاں برآمد کرلیں، پولیس کا کہنا ہے کہ مذکورہ ملزم سے 13لاکھ 34ہزار روپے جن میں 2لاکھ 57ہزار کے جعلی نوٹ، دو عدد جعلی نمبر پلیٹ، سیکورٹی سروسز کا اسلحہ اتھارٹی لیٹر اور موبائل فون بھی برآمد کیے گئے ہیں۔ پولیس کا کہنا ہے کہ ملزم اس سے قبل 2021ء میں بھی کینٹ تھانے کی حد سے جعلسازی کے الزام میں گرفتار ہوچکا ہے بی سیکشن پولیس نے مقدمات درج کرلیے ۔
.
ذریعہ
ذریعہ: Jasarat News
کلیدی لفظ: سیکورٹی گارڈز
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ