عزاداروں کو کسی قسم کی تکلیف نہ ہو‘چیئرمین گلشن اقبال ٹائون
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) گلشن اقبال ٹاؤن کی جانب سے محرم الحرام کے انتظامات کے سلسلے میں چیئرمین گلشن ٹاؤن ڈاکٹر فواد احمد، وائس چیئرمین ابراہیم صدیقی، وائس چیئرمین یوسی 5 آصف حسن اور اسسٹنٹ کمشنر گلشن اقبال سید عامر علی نے یوسی 5 میں واقع تقویٰ امام بارگاہ، ڈسکو بیکری اور گرد و نواح کے علاقوں کا دورہ کیا اور مختلف بلدیاتی سہولیات کا جائزہ لیا۔امام بارگاہ و جلوس کے منتظمین نے سیوریج کے پانی کی نکاسی کے مسائل کی نشاندہی کی، جس پر چیئرمین ڈاکٹر فواد احمد نے کہا کہ ان مسائل کی بنیادی ذمہ داری واٹر اینڈ سیوریج کارپوریشن پر عائد ہوتی ہے، تاہم گلشن اقبال ٹاؤن بھی اپنی سطح پر مربوط کوششیں جاری رکھے گا۔ انہوں نے یقین دہانی کرائی کہ ان مسائل کے حل کے لیے واٹر کارپوریشن سے مسلسل رابطہ کیا جا رہا ہے اور اپنی مدد آپ کے تحت بھی نکاسی آب کے اقدامات کیے جائیں گے تاکہ عزاداروں کو کسی قسم کی تکلیف نہ ہو۔واضح رہے کہ گلشن اقبال ٹاؤن کی انتظامیہ محرم الحرام کے دوران یومیہ بنیادوں پر مختلف یوسیز میں بالخصوص جلوس و مجالس کی گزرگاہوں اور امام بارگاہوں کے اطراف صفائی و ستھرائی، سڑکوں کی مرمت، روشنی کے مؤثر انتظامات، درختوں کی کانٹ چھانٹ (ٹریمنگ) اور دیگر ضروری بلدیاتی اقدامات کو یقینی بنا رہی ہے۔
.
ذریعہ: Jasarat News
کلیدی لفظ: گلشن اقبال
پڑھیں:
قم، مدرسہ امام علی ع میں جشن ولادت امام حسن عسکری کی مناسبت سے نشست کا انعقاد
حجت الاسلام والمسلمین سید فرخ رضوی نے امام حسن عسکری علیہ السلام کی سیرت کو بیان کرتے ہوئے تین اہم نکات کی طرف اشارہ کیا کہ امامؑ نے اپنے آنے والے فرزند امام مہدیؑ کے بارے میں لوگوں کو بشارت دی، سخت حالات میں دین اسلام کی تبلیغ کی، امامؑ کی معرفت و شناخت کی ضرورت و اہمیت بیان فرمائی۔ اسلام ٹائمز۔ حضرت امام حسن عسکری علیہ السلام کی ولادت کی مانست سے مدرسہ امام علیؑ قم میں نشست منعقد ہوئی۔ قاری بشارت حسین انصاری نے تلاوت قران کریم کی، محمد علی اور عنایت علی شریفی نے امام حسن عسکری علیہ السلام کی شان میں کلام پیش کیا۔ حجت الاسلام والمسلمین سید فرخ رضوی نے امام حسن عسکری علیہ السلام کی سیرت کو بیان کرتے ہوئے تین اہم نکات کی طرف اشارہ کیا کہ امامؑ نے اپنے آنے والے فرزند امام مہدیؑ کے بارے میں لوگوں کو بشارت دی، سخت حالات میں دین اسلام کی تبلیغ کی، امامؑ کی معرفت و شناخت کی ضرورت و اہمیت بیان فرمائی۔
نشست سے مدرسہ امام علیؑ کے مسئول فرھنگی امور ڈاکٹر دانش علی نقوی نے بھی خطاب کیا۔ آخر میں مدیر مدرسہ امام علی (علیہ السلام) استاد نیاز علی اسدی نے مسؤل فرھنگی امور اور دیگر احباب کا شکریہ ادا کرتے ہوئے کہا کہ جس طرح روزانہ درس طلبہ کے لیے لازم و ضروری ہے اسی طرح جشن میلاد اور مجلس شہادت میں شرکت بھی ضروری ہے۔ نشست کا اختتام دعائے سلامتی امام زمانہ علیہ السلام سے ہوا۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ