پختونخوا؛ محکمہ صحت کے پبلک ڈیلنگ دفاتر میں سی سی ٹی وی کیمرے لگانے کا فیصلہ
اشاعت کی تاریخ: 2nd, July 2025 GMT
پشاور:
خیبر پختونخوا میں محکمہ صحت کے پبلک ڈیلنگ دفاتر میں سی سی ٹی وی کیمرے لگانے کا فیصلہ کیا گیا ہے۔
صوبائی دارالحکومت پشاور میں ہونے والے محکمانہ جائزہ اجلاس کے دوران خیبرپختونخوا کے محکمہ صحت نے ایک اہم فیصلہ کرتے ہوئے عوامی ڈیلنگ سے متعلق تمام دفاتر میں سی سی ٹی وی کیمرے نصب کرنے کا اعلان کیا ہے۔
اس اقدام کا مقصد عملے کی نگرانی کو مؤثر بنانا اور دفتری امور میں شفافیت کو یقینی بنانا ہے۔
مشیر صحت خیبرپختونخوا احتشام علی نے اجلاس کے بعد بتایا کہ ابتدائی مرحلے میں میڈیکل سپرنٹنڈنٹس (ایم ایس) اور ڈسٹرکٹ ہیلتھ آفیسرز (ڈی ایچ اوز) کے دفاتر میں کیمرے نصب کیے جائیں گے۔
اس کے علاوہ محکمہ صحت کے سیکرٹریٹ اور تمام ڈائریکٹوریٹس میں بھی 15 دن کے اندر اندر سی سی ٹی وی کیمرے لگانے کے احکامات جاری کر دیے گئے ہیں تاکہ اعلیٰ سطحکی دفتری نگرانی کو مؤثر بنایا جا سکے۔
اجلاس میں انتظامی پوسٹوں پر تقرریوں کے لیے بھی اہم فیصلہ کیا گیا، جس کے تحت اب تمام تقرریاں شفاف طریقہ کار سے ہوں گی۔ اس مقصد کے لیے ایک پلیسمنٹ کمیٹی تشکیل دینے کے احکامات جاری کیے گئے ہیں جو ہر خالی پوسٹ کے لیے 3امیدواروں کے نام تجویز کرے گی، جن کا مکمل انٹرویو لینے کے بعد میرٹ پر تقرری کا حتمی فیصلہ کیا جائے گا۔
مشیر صحت احتشام علی نے واضح کیا کہ کوئی بھی تقرری سیاسی سفارش یا کسی قسم کے اثر و رسوخ کی بنیاد پر نہیں کی جائے گی۔ انہوں نے دو ٹوک انداز میں کہا کہ محکمہ صحت میں شفافیت، میرٹ اور جوابدہی کو یقینی بنانے کے لیے ہر ممکن اقدام کیے جا رہے ہیں اور ان فیصلوں پر سختی سے عمل درآمد ہوگا۔
.ذریعہ: Express News
کلیدی لفظ: سی سی ٹی وی کیمرے دفاتر میں کے لیے
پڑھیں:
دبئی: پبلک ٹرانسپورٹ میں انقلاب، پہلی ائیر ٹیکسی کی کامیاب آزمائشی پرواز
data-id="863a0a8" data-element_type="widget" data-widget_type="theme-post-content.default">
دبئی میں مستقبل کی ٹرانسپورٹ کا خواب حقیقت کا روپ دھارنے لگا ہے، جہاں پہلی ائیر ٹیکسی کی کامیاب آزمائشی پرواز مکمل کر لی گئی ہے۔
روڈ اینڈ ٹرانسپورٹ اتھارٹی (RTA) کے مطابق یہ مکمل طور پر الیکٹرک ائیر ٹیکسی کسی بھی رن وے کے بغیر ہیلی کاپٹر کی طرح لینڈ اور ٹیک آف کرنے کی صلاحیت رکھتی ہے۔ یہ آزمائش دبئی کے صحرائی علاقے میں کی گئی۔
دبئی کے ولی عہد شیخ حمدان بن محمد بن راشد المکتوم نے اس انقلابی پرواز کی ویڈیو سوشل میڈیا پر شیئر کرتے ہوئے اسے دبئی کے روشن مستقبل کی علامت قرار دیا۔
ائیر ٹیکسی کو امریکی کمپنی Joby Aviation نے تیار کیا ہے، جس نے دبئی RTA کے ساتھ اشتراک کیا ہے۔ یہ گاڑی 160 کلومیٹر تک کا فاصلہ طے کر سکتی ہے اور اس کی رفتار 320 کلومیٹر فی گھنٹہ ہے۔
ائیر ٹیکسی کے ذریعے دبئی ایئرپورٹ سے پام جمیرہ تک کا سفر صرف 12 منٹ میں مکمل ہوگا، جو کہ فی الحال کار سے 45 منٹ میں طے ہوتا ہے۔
ائیر ٹیکسی کی باقاعدہ کمرشل پروازیں اگلے سال سے شروع ہونے کی توقع ہے اور ان کے لیے پہلا آپریشنل اسٹیشن دبئی ایئرپورٹ کے قریب قائم کیا جائے گا۔
Joby Aviation کے بانی Joben Bevirt کا کہنا ہے کہ “دبئی اڑنے والی گاڑیوں کے عالمی انقلاب میں پہلا قدم ثابت ہوگا۔”
اگر منصوبہ کامیاب ہوا تو دبئی دنیا کا پہلا شہر بن جائے گا جہاں اڑنے والی گاڑیاں عوامی ٹرانسپورٹ کا حصہ بنیں گی۔
کیا فیشن ڈیزائنر دیپک پروانی پاکستان کے امیر ترین ہندو ہیں؟