سربراہ پاک فضائیہ ظہیر احمد بابر سدھو کی امریکی عسکری و سیاسی قیادت سے ملاقاتیں
اشاعت کی تاریخ: 2nd, July 2025 GMT
سربراہ پاک فضائیہ ظہیر احمد بابر سدھو—فائل فوٹو
سربراہ پاک فضائیہ ظہیر احمد بابر سدھو نے دورۂ امریکا کے دوران اعلیٰ سطح کی ملاقاتیں کی ہیں۔
پاک فوج کے شعبۂ تعلقاتِ عامہ (آئی ایس پی آر) کے مطابق گزشتہ ایک دہائی سے زائد عرصے میں کسی پاکستانی ایئر چیف کا یہ امریکا کا پہلا دورہ ہے۔
امریکا میں ایئر چیف نے محکمۂ خارجہ اور کیپیٹل ہل میں اعلیٰ سطح کی ملاقاتیں کیں، انہوں نے امریکی فضائیہ کی سیکریٹری بین الاقوامی امور اور چیف آف جنرل اسٹاف سے ملاقاتیں بھی کیں۔
صدرِ مملکت آصف علی زرداری نے اسلام آباد میں ایئر ہیڈکوارٹرز کا دورہ کر کے پاک فضائیہ کے سربراہ ایئر چیف مارشل ظہیر احمد بابر سدھو سے ملاقات کی ہے۔
ایئر چیف نے دورے کے دوران امریکی عسکری و سیاسی قیادت سے اعلیٰ سطح کی ملاقاتیں کی ہیں جن میں علاقائی اور عالمی سلامتی سے متعلق اہم امور پر تبادلۂ خیال کیا گیا۔
ایئر چیف نے پینٹاگون میں امریکی سیکریٹری آف دی ایئر فورس (انٹرنیشنل افیئرز) سے ملاقات کی، انہوں نے امریکی فضائیہ کے چیف آف اسٹاف سے بھی ملاقات کی۔
ملاقاتوں میں دو طرفہ عسکری تعاون کے فروغ پر تبادلۂ خیال کیا گیا، مشترکہ تربیت و ٹیکنالوجی کے تبادلے کے امکانات پر بھی تفصیلی بات چیت ہوئی۔
ایئر چیف نے امریکا اور پاکستان کے درمیان تاریخی اور کثیر الجہتی تعلقات پر روشنی ڈالی۔
دونوں فضائی افواج کے درمیان تربیت اور روابط کو مزید فروغ دینے کے عزم کا اعادہ بھی کیا گیا۔
.ذریعہ: Jang News
کلیدی لفظ: ظہیر احمد بابر سدھو ایئر چیف نے
پڑھیں:
سربراہ پاک بحریہ ایڈمرل نوید اشرف کا کراچی میں پاکستان ایئر فورس ایئر وار کالج انسٹیٹیوٹ کا دورہ
کراچی ( ڈیلی پاکستان آن لائن ) پاک بحریہ کے سربراہ ایڈمرل نوید اشرف نے کراچی میں پاکستان ایئر فورس ایئر وار کالج انسٹیٹیوٹ کا دورہ کیا۔
اس موقع پر ان کا کہنا تھا کہ پاک بحریہ اور پاک فضائیہ کے مابین مشترکہ آپریشنل مشقیں مزید تواتر سے کی جائیں گی۔
مسلح افواج کے شعبہ تعلقات عامہ (آئی ایس پی آر) کے مطابق نیول چیف نے اس موقع پر ادارے میں فراہم کی جانے والی علمی اور پیشہ وارانہ تربیت کو سراہا اور جدید جنگی چیلنجز سے نمٹنے کے قابل مستقبل کی عسکری قیادت کی تیاری میں ادارے کے کلیدی کردار کو تسلیم کیا۔
پاکستان کو عالمی موسمیاتی تبدیلیوں کے اثرات کی وجہ سے آفات کا بہت زیادہ خطرہ ہے، چیئر مین این ڈی ایم اے
آئی ایس پی آر کے مطابق نیول چیف نے ایئر وار کورس کے شرکاء سے خطاب کیا اور انھوں نے پاک فضائیہ کے سربراہ ایئر چیف مارشل ظہیر احمد بابر سدھو کی قیادت کو سراہا۔
ایڈمرل نوید اشرف نے کہا کہ پاک فضائیہ نے جدید ٹیکنالوجیز کو تیزی سے اپنا کر اپنی آپریشنل تیاری میں نمایاں اضافہ کیا۔ پاکستان نیوی کی جنگی صلاحیتوں میں سطحِ آب، زیرِ آب اور فضائی شعبوں میں خاطر خواہ بہتری آئی ہے۔ بحری افواج مزید متحرک اور طاقتور بنی ہیں۔نیول چیف نے قومی دفاع کیلئے افواجِ پاکستان کے درمیان باہمی تعاون کی اہمیت پر زور دیا۔
اوورسیز پاکستانیز کمیشن پنجاب میں ای کچہری، دنیا بھر سے اوورسیز پاکستانیوں نے براہِ راست مسائل بیان کیے
انکا کہنا تھا کہ پاک بحریہ اور پاک فضائیہ کے مابین مشترکہ آپریشنل مشقیں مزید تواتر سے کی جائیں گی۔ نیول چیف نے موجودہ دور کی جنگوں میں تکنیکی اختراع کی اہمیت پر بھی روشنی ڈالی۔
انھوں نے یو اے ای کی بڑھتی ہوئی اہمیت کو اجاگر کیا۔ نیول چیف نے کہا نیشنل ایرو اسپیس اور پاکستان میری ٹائم پارک کے درمیان اہم تذویراتی اشتراک کا آغاز کیا جا رہا ہے۔ نیول چیف نے کہا اس شراکت داری کا مقصد ملکی سطح پر بغیر پائلٹ نظاموں کی تیاری کو فروغ دینا ہے۔ پاک بحریہ اور پاک فضائیہ کے مابین مشترکہ آپریشنل مشقیں مزید تواتر سے کی جائیں گی۔
گوجرانوالہ میں یوتھ موومنٹ کی مقامی تنظیم بڑے فعال انداز میں سرگرم عمل تھی،پرنسپل ایم آئی شمیم تحریک پاکستان کے پرانے کارکنوں میں سے تھے
مزید :
ایف آئی ایچ پرو ہاکی لیگ 2025 ہالینڈ نے جیت لی