چین میں پہلے روبو لیگ فٹبال ٹورنامنٹ کا انعقاد
اشاعت کی تاریخ: 2nd, July 2025 GMT
چین میں پہلی روبو لیگ فٹبال ٹورنامنٹ کا انعقاد ہوا جس میں تین تین روبوٹ کھلاڑیوں کی ٹیم نے آپس میں میچ کھیلے۔
بیجنگ میں منعقد ہونے والے ٹورنامنٹ میں ہزاروں تماشائی شریک ہوئے تاکہ اے آئی کی بنائی گئی حکمت عملیوں پر روبوٹس کو گول کرتا دیکھ سکیں۔
ٹورنامنٹ کی انتظامی کمیٹی کے ایگزیکٹو ڈائریکٹراور شینگی چینگ ٹیکنالوجی کے ڈپٹی جنرل منیجر ڈو جِنگ کا کہنا تھا کہ یہ چین میں پہلا خودکار اے آئی روبوٹس کا فٹبال میچ ہے۔ یہ ٹکنالوجیکل اختراع اور صنعتی استعمال کے اشتراک کو ظاہر کرنے کے ساتھ روبوٹس کو عوام کی زندگی اور حقیقی دنیا کی مختلف صورتحال میں لانے کے لیے اہم باب کھولتی ہے۔
ٹورنامنٹ کا اختتام سِنگہوا یونیورسٹی کی ٹی ایچ یو روبوٹکس ٹیم کی چائنا ایگریکلچرل یونیورسٹی کی ماؤنٹین سی ٹیم کے خلاف 3-5 سے فتح پر ہوا۔
.ذریعہ: Express News
پڑھیں:
کوہاٹ میں محرم الحرام کے پرامن انعقاد کے سلسلے میں گرینڈ اجلاس کا انعقاد
اس موقع پر شرکاء نے اس بات پر زور دیا کہ فرقہ وارانہ ہم آہنگی، رواداری اور بھائی چارے کو فروغ دیا جائے تاکہ محرم کے دنوں میں کسی قسم کی ناخوشگوار صورتحال سے بچا جا سکے۔ اسلام ٹائمز۔ پشاور ہائیکورٹ کے ریٹائرڈ چیف جسٹس سید ابن علی کی رہائش گاہ سید آباد استرزئی پایاں کوہاٹ میں محرم الحرام کے پرامن انعقاد کے سلسلے میں ایک گرینڈ اجلاس کا انعقاد کیا گیا۔ اجلاس کی صدارت چیف جسٹس ریٹائرڈ سید ابن علی نے کی، جبکہ علامہ سید عبدالحسین الحسینی، اس میں مجلس وحدت مسلمین پاکستان ضلعی صدر کوہاٹ علامہ صابر علی نجفی، علامہ سید قیصر عباس الحسینی، علامہ حمید حسین امامی معروف سماجی شخصیت ڈاکٹر ملک محمد بشیر دیگر علماء کرام، عمائدین، بلدیاتی نمائندوں اور عوام کی بڑی تعداد نے بھرپور شرکت کی۔ اجلاس میں محرم الحرام کے دوران امن و امان کی فضا کو برقرار رکھنے، جلوسوں اور مجالس کے روایتی راستوں کی صفائی، سیکیورٹی انتظامات، بجلی کی بلاتعطل فراہمی اور پانی و دیگر سہولیات کی دستیابی سے متعلق تفصیلی گفتگو کی گئی۔
اس موقع پر شرکاء نے اس بات پر زور دیا کہ فرقہ وارانہ ہم آہنگی، رواداری اور بھائی چارے کو فروغ دیا جائے تاکہ محرم کے دنوں میں کسی قسم کی ناخوشگوار صورتحال سے بچا جا سکے۔ چیف جسٹس ریٹائرڈ سید ابن علی نے اپنی گفتگو میں کہا کہ محرم الحرام نہ صرف مذہبی عقیدت کا مہینہ ہے بلکہ امن، ضبط اور اتحاد کا پیغام بھی ہے، جس کی حفاظت ہم سب کی اجتماعی ذمہ داری ہے۔ اجلاس کے آخر میں تمام شرکاء نے علاقے میں قیام امن کے لیے مکمل تعاون کی یقین دہانی کرائی اور انتظامیہ و پولیس کو اپنے مکمل تعاون کا عندیہ دیا۔
نظر ثانی درخواستیں منظور ،تحریک انصاف مخصوص نشستوں سے محروم ،آئینی بینچ نے فیصلہ سنا دیا