باجوڑ میں بم دھماکہ، اے سی، تحصیلدار سمیت 5 شہید، 17 زخمی
اشاعت کی تاریخ: 3rd, July 2025 GMT
پشاور، باجوڑ‘ اسلام آباد (بیورو رپورٹ+ نامہ نگار + خبر نگار خصوصی+ خبر نگار+ نمائندہ خصوصی+ نوائے وقت رپورٹ) خیبرپی کے کے ضلع باجوڑ میں صدیق آباد پھاٹک میلہ گراؤنڈ کے قریب بم دھماکا ہوا ہے جس میں اسسٹنٹ کمشنر ناؤگئی، تحصیل دار نائوگئی، دو پولیس اہل کاروں سمیت 5 افراد شہید جبکہ 17 زخمی ہوگئے۔ 4 زخمیوں کو تشویشناک حالت میں پشاور منتقل کر دیا گیا۔ زخمی ہونیوالے پولیس کے سب انسپکٹر نور حکیم مزید علاج کے لیے پشاور منتقل کئے جا رہے تھے کہ راستے میں ہی چل بسے۔ اطلاع ملنے پر ریسکیو 1122 کے میڈیکل ٹیموں نے بروقت پہنچ کر زخمیوں کو طبی امداد فراہم کر کے ڈسٹرکٹ ہسپتال خار منتقل کیا۔ آئی جی خیبرپی کے ذوالفقار حمید نے کہا ہے کہ ابتدائی معلومات کے مطابق فتنہ الخوارج نے اسسٹنٹ کمشنر ناؤگئی فیصل اسماعیل کی گاڑی کو نشانہ بنایا گیا۔ دھماکہ اس وقت کیا گیا جب وہ ناوگئی سے ہیڈ کوارٹر خار آ رہے تھے‘ دھماکہ اتنا شدید تھا آواز دور دور تک سنائی دی۔ واقعے میں ملوث عناصر کی گرفتاری کیلئے ٹیمیں تشکیل دے دی گئی ہیں جبکہ موقع سے تمام ضروری ثبوت اکٹھے کیے جا رہے ہیں۔ انہوں نے کہا کہ بی ڈی ٹیمز جائے حادثہ پر موجود ہیں اور دھماکے کی نوعیت کے بارے میں معلومات کی جا رہی ہیں۔ ملکِ خداداد بالخصوص صوبہ خیبر پی کے کا امن سبوتاژکرنے والے عناصر سے آہنی ہاتھوں سے نمٹا جائے گا۔ اسسٹنٹ کمشنر ناؤگئی فیصل اسماعیل، تحصیلدار عبدالوکیل خان، کانسٹیبل زاہد اور راہگیر فضل منان کی نماز جنازہ سول کالونی خار پولیس لائن میں ادا کردی گئی۔ نماز جنازہ میں ڈپٹی کمشنر باجوڑ شاہد علی، ڈی پی او باجوڑ وقاص رفیق ، کمانڈنٹ باجوڑ سکاؤٹس، سرکاری افسروں، شہداء کے لواحقین اور لوگوں نے بڑی تعداد میں شرکت کی۔ شہداء کو باجوڑ پولیس کے چاق و چوبند دستے نے سلامی پیش کی، حکام نے شہداء کے جسد خاکی پر گلدستے رکھے۔ میتیں آبائی علاقوں کو بھیج دی گئیں۔ صدرِ مملکت آصف علی زرداری نے ضلع باجوڑ میں بم دھماکے کی شدید مذمت کی اور اسسٹنٹ کمشنر نائوگئی، تحصیلدار اور دیگر اہلکاروں کی شہادت پر دلی اظہار افسوس اوراہلِ خانہ سے دلی تعزیت اور اظہارِ ہمدردی کیا۔ صدر آصف زرداری نے کہا کہ دہشت گرد انسانیت کے دشمن ہیں جو نہتے عوام کو نشانہ بناتے ہیں، دہشت گردی کے مکمل خاتمے کیلئے ہر ممکن اقدامات کے عزم کا اعادہ کرتے ہیں۔ وزیراعظم شہباز شریف نے ضلع باجوڑ کے مقام پھاٹک میلہ کے قریب ہونے والے دھماکے کی مذمت کی اور دھماکے کے نتیجے میں اسسٹنٹ کمشنر اور تحصیلدار نائوگئی سمیت دیگر اہلکاروں کی شہادت پر گہرے دکھ اور افسوس کا اظہار کیا۔ وزیراعظم نے شہداء کے بلندی درجات کی دعاء اور شہداء کے اہل خانہ سے تعزیت کی اور زخمی ہونے والوں کی صحت یابی کی دعاء اور انہیں ہر ممکن طبی سہولیات فراہم کرنے کی ہدایت کی۔ وزیراعظم نے کہا کہ دہشت گردی کے مکمل خاتمے کے لئے پرعزم ہیں۔ مشیر اطلاعات خیبر پی کے بیرسٹر ڈاکٹر سیف نے باجوڑ دھماکے کی شدید مذمت کی اور کہا کہ واقعہ انتہائی افسوسناک ہے، شہداء کی قربانی رائیگاں نہیں جائیں گی۔ اپنے ایک جاری بیان میں بیرسٹر ڈاکٹر سیف نے کہا کہ ملک دشمنوں عناصرکو اپنے مذموم مقاصد میں کامیاب نہیں ہونے دینگے، وزیر اعلیٰ خیبر پی کے نے واقعے کی تحقیقات کیلئے احکامات جاری کر دیئے ہیں، وزیر اعلیٰ نے زخمیوں کو طبی سہولیات فراہم کرنے کی ہدایت کر دی ہے۔ ملوث عناصر کو کیفرِ کردار تک پہنچائیں گے، اسسٹنٹ کمشنر، تحصیلدار سمیت دیگر قیمتی جانوں کا ضیاع انتہائی افسوسناک ہے۔ ڈی پی او وقاص خان نے بتایا کہ تھانہ خار کی حدود بمقام میلہ گراؤنڈ کے قریب اسسٹنٹ کمشنر ناؤگئی کی گاڑی کو ریموٹ کنٹرول بم سے نشانہ بنایا گیا، جس کے نتیجے میں اسسٹنٹ کمشنر ناؤگئی فیصل اسماعیل، تحصیل دار وکیل، اے ایس آئی نو حکیم، پولیس کانسٹیبل زاہد اور نامعلوم شخص شہید ہوگئے، شہداء کے جسد خاکی ڈسٹرکٹ ہیڈ کوارٹر ہسپتال خار منتقل کر دیئے گئے ہیں۔ دھماکے میں زخمیوں کو ابتدائی طبی امداد فراہم کر کے ڈسٹرکٹ ہسپتال خار منتقل کر دیا، دھماکے کے نتیجے میں ایک گاڑی مکمل طور پر تباہ ہوگئی۔ ادھر زخمی ہونے والوں میں کانسٹیبل ایاز، کانسٹیبل محمد زمین، کانسٹیبل سید الرحمن، کانسٹیبل فضل حق، جبکہ زخمی ہونے والے سول افراد میں وقار خان، حیات اللہ، عمر، عرفان، عبدالصمد، جمیل، فضل بادشاہ، زیر گل، فضل حکیم، بلال، عطاء اللہ، ظاہر کے نام شامل ہیں۔ واقعہ کی اطلاع ملتے ہی مقامی لوگ، ریسکیو اہلکار جائے وقوعہ پر پہنچے اور امدادی سرگرمیاں شروع کی۔ میتوں اور زخمیوں کو ہیڈ کوارٹر ہسپتال خار منتقل کیا۔ وزیراعظم محمد شہباز شریف نے ضلع باجوڑ کے مقام پھاٹک میلہ کے قریب ہونے والے دھماکے کی مذمت کرتے ہوئے کہا ہے کہ دہشت گرد معصوم اور بے گناہ لوگوں کو نشانہ بناکر ظلم کی انتہاء کر رہے ہیں انہیں کسی صورت معاف نہیں کیا جا سکتا۔ وزیراعظم آفس کے میڈیا ونگ سے جاری بیان کے مطابق وزیراعظم نے دھماکے کے نتیجے میں ہونے والی شہادتوں پر گہرے دکھ اور افسوس کا اظہار کیا ہے۔ انہوں نے شہداء کے بلندی درجات کی دعا اور شہداء کے اہلخانہ سے اظہار تعزیت کیا۔ انہوں نے دھماکے میں زخمی ہونے والوں کی صحت یابی کی دعا اور انہیں ہر ممکن طبی سہولیات فراہم کرنے کی ہدایت کی۔چیئرمین پیپلز پارٹی بلاول بھٹو زرداری، سپیکر ایاز صادق، ڈپٹی چیئرمین سینٹ سیدال خان نے ضلع باجوڑ میں بم دھماکے کی سخت مذمت کی ہے۔ بلاول بھٹو زرداری نے کہا کہ ضلع باجوڑ میں دہشتگرد حملے کی سخت مذمت کرتا ہوں، دہشتگرد ملک و قوم کے سخت دشمن ہیں۔ دہشتگرد ملک میں امن و سکون نہیں چاہتے، پاکستان کا ہر فرد دہشتگردی کے خلاف جنگ میں متحد ہے۔ شہداء کے اہلِ خانہ کے غم میں برابر کا شریک ہوں۔ شہداء کے بلند درجات کے لئے دعا گو ہوں۔
.ذریعہ: Nawaiwaqt
کلیدی لفظ: ہسپتال خار منتقل ضلع باجوڑ میں کے نتیجے میں دھماکے کی زخمیوں کو زخمی ہونے فراہم کر شہداء کے کے قریب مذمت کی کی اور
پڑھیں:
اسلام آباد: وزیر داخلہ محسن کی آزاد کشمیر میں زخمی ہونے والے پولیس اہلکاروں کی عیادت
وفاقی وزیر داخلہ محسن نقوی پمز اسپتال پہنچے جہاں انہوں نے آزاد کشمیر میں زخمی ہونے والے اسلام آباد پولیس اور آزاد کشمیر پولیس کے اہلکاروں کی عیادت کی۔
وزیر داخلہ فرداً فرداً ہر زخمی اہلکار کے پاس گئے، خیریت دریافت کی اور ان کے جذبے اور بہادری کو سراہا۔ انہوں نے کہا کہ آپ سب نے انتہائی ہمت، حوصلے اور جوانمردی سے اپنے فرائض انجام دیے۔ شرپسندی کے باوجود تحمل کا مظاہرہ کیا۔ آپ پاکستان کے بہادر سپوت ہیں اور ہم سب کو آپ پر ناز ہے۔
محسن نقوی نے اسپتال انتظامیہ کو زخمی اہلکاروں کو بہترین طبی سہولتیں فراہم کرنے کی ہدایت دی اور چیف کمشنر و آئی جی اسلام آباد کو آزاد کشمیر پولیس کے جوانوں کا خصوصی خیال رکھنے کی ہدایت کی۔
مزید پڑھیں: صحافیوں پر تشدد: وزیرداخلہ محسن نقوی کا نوٹس، آئی جی اسلام آباد سے رپورٹ طلب کرلی
وزیر داخلہ نے کہا کہ پرامن احتجاج ہر کسی کا حق ہے لیکن کسی کو قانون ہاتھ میں لینے کی اجازت نہیں دی جا سکتی۔ انہوں نے مزید کہا کہ چند شرپسند عناصر دشمن کے ایما پر آزاد کشمیر کے امن کو خراب کرنے کی کوشش کر رہے ہیں، مگر ان کے مذموم مقاصد کو کبھی کامیاب نہیں ہونے دیں گے۔
انہوں نے کشمیری عوام کے ساتھ یکجہتی کا اظہار کرتے ہوئے کہا کہ پاکستانیوں کے دل کشمیری بھائیوں کے ساتھ دھڑکتے ہیں، اور حکومت ہر وقت ان کے مسائل کے حل کے لیے تیار ہے۔
اس موقع پر چیف کمشنر اسلام آباد، آئی جی اسلام آباد پولیس اور دیگر حکام بھی موجود تھے۔ پمز اسپتال میں اس وقت اسلام آباد پولیس کے 31 اور آزاد کشمیر پولیس کے 12 اہلکار زیر علاج ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر پولیس اہلکار محسن نقوی وزیرداخلہ
’بلوچ یکجہتی کمیٹی‘ کس طرح دہشتگردوں کی پشت پناہی کر رہی ہے؟ آئی آئی سی آر کی ہوشربا رپورٹ