5 سے 8 جولائی تک ملک کے بیشتر علاقوں میں شدید بارشوں کا امکان اور سیلاب کا خطرہ
اشاعت کی تاریخ: 3rd, July 2025 GMT
این ڈی ایم اے نے خبردار کیا ہے کہ مون سون بارشوں کا سلسلہ 2 تا 8 جولائی 2025 تک جاری رہنے کا امکان ہے، اس دوران شدید بارشوں کے سبب بعض علاقوں میں سیلاب کا بھی خطرہ ہے۔
نیشنل ڈیزاسٹر مینجمنٹ اتھارٹی کے مطابق مون سون بارشوں کا یہ سلسلہ 8 جولائی تک جاری رہنے کا امکان ہے۔ خیبرپختونخوا، آزاد کشمیر، شمال مشرقی پنجاب میں 5-8 جولائی کو شدید بارشوں کا امکان ہے۔
دوسری طرف محکمہ موسمیات کے مطابق آج اور کل ملک بھر کے مختلف علاقوں میں تیز ہواؤں اور گرج چمک کے ساتھ بارش کا امکان ہے بعض علاقوں میں بارش موسلا دھار ہونے کی توقع ہے۔
آج بروز جمعرات بالائی و جنوبی پنجاب، خطہ پوٹھوہار، جنوب مشرقی سندھ، شمال مشرقی و جنوبی بلوچستان ،کشمیر اور خیبر پختونخوا میں تیز ہواؤں اور گرج چمک کے ساتھ بارش کا امکان ہے۔ اس دوران بالائی پنجاب اور جنوبی بلوچستان میں چند مقاما ت پر تیز، موسلادھاربارش کی بھی توقع ہے۔
جمعه کے روز بالائی پنجاب، جنوب مشرقی سندھ، شمال مشرقی و جنوبی بلوچستان ،کشمیر اور خیبر پختونخوا میں تیز ہواؤں اور گرج چمک کے ساتھ بارش کا امکان ہے۔ اس دوران کشمیر اور جنوبی بلوچستان میں چند مقاما ت پر تیز اور موسلادھاربارش کی توقع ہے۔
گذشتہ 24 گھنٹوں کے دوران بالائی خیبرپختونخوا، پنجاب، اسلام آباد، کشمیر، شمال و مشرقی بلوچستان اور گلگت بلتستان میں گرج چمک کے ساتھ بارش جبکہ چند مقامات پر تیز، موسلادھار بارش ہوئی۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش خیبر پختونخوا میں چراٹ 98 ملی میٹر، بنوں 16 میں ملی میٹر، پشاور سٹی میں 01 ملی میٹر، پنجاب کے علاقہ جہلم میں 31 ملی میٹر، منگلا میں 29 ملی میٹر، اٹک، ملتان سٹی میں 14ملی میٹر، اسلام آباد میں (ایئرپورٹ 06، گولڑہ، زیروپوائنٹ 01ملی میٹر)، گجرات میں 04ملی میٹر، راولپنڈی میں (چکلالہ، پیروداھی 03ملی میٹر)، چکوال میں 02 ملی میٹر، سیالکوٹ، منڈی بہاؤالدین میں 01ملی میٹر، کشمیر کے دارالحکومت مظفرآباد میں (ایئرپورٹ 20، سٹی 18ملی میٹر)، راولاکوٹ میں 05ملی میٹر، کوٹلی میں 02ملی میٹر، بلوچستان کے علاقے خضدار میں 15 ملی میٹر، ژوب میں 06 ملی میٹر،گلگت بلتستان کے علاقے استور میں 06 ملی میٹر اور اسکردو میں 01ملی میٹر بارش ریکارڈ کی گئی۔
گزشتہ روز زیادہ سےزیادہ درجہ حرارت نوکنڈی 48، دالبندین 47، دادو،سبی اور چلاس میں 44ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش سیلاب مون سون پاکستان.
ذریعہ
ذریعہ: WE News
کلیدی لفظ: سیلاب مون سون پاکستان گرج چمک کے ساتھ بارش جنوبی بلوچستان کا امکان ہے علاقوں میں بارشوں کا ملی میٹر
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
بھارت سے جنگ اور افغانستان میں کارروائی خارج ازامکان نہیں، وزیردفاع