شیفالی زری والا کی موت پر مفتی طارق مسعود کا بیان وائرل، دنیا کی حقیقت اور عبرت کا پیغام دیا
اشاعت کی تاریخ: 3rd, July 2025 GMT
بھارتی اداکارہ شیفالی زری والا کی اچانک موت پر معروف مذہبی اسکالر مفتی طارق مسعود کا بیان سوشل میڈیا پر تیزی سے وائرل ہو رہا ہے، جس میں انہوں نے شہرت، خوبصورتی اور زندگی کی ناپائیداری پر زور دیتے ہوئے نوجوانوں کو عبرت حاصل کرنے کی تلقین کی ہے۔ یاد رہے کہ شیفالی زری والا کی موت اینٹی ایجنگ انجیکشنز کے باعث دل کا دورہ پڑنے سے ہوئی، جس نے مداحوں کو حیرت میں ڈال دیا۔ مفتی طارق مسعود نے اس واقعے پر تبصرہ کرتے ہوئے کہا کہ ایک مشہور اداکارہ، جس نے دنیا میں نام، شہرت اور حسن کمایا، ایک لمحے میں مٹی میں مل گئی۔ ان کے مطابق چونکہ وہ ہندو تھیں، اس لیے ان کی لاش کو جلا دیا گیا ہوگا، جو دنیا کی حقیقت کو عیاں کرتا ہے اور انسان کی بے بسی کا ثبوت ہے۔ انہوں نے افسوس کا اظہار کیا کہ لوگ اس واقعے سے سبق لینے کے بجائے اُس کی پرانی ویڈیوز، گانے اور ڈانس سینز دیکھنے میں مصروف ہو گئے، جو کہ بقول ان کے ایک لاحاصل عمل ہے۔ مفتی صاحب نے مزید کہا کہ فنکار دنیا میں صرف اپنے چہرے اور خوبصورتی کو سنوارنے پر کروڑوں روپے خرچ کرتے ہیں، لیکن موت کے بعد وہی چہرہ راکھ بن جاتا ہے۔ "تب لوگ سیلفی کیوں نہیں لیتے؟ تب ان کے ساتھ دفن کیوں نہیں ہونا چاہتے؟" — ان کے ان جملوں نے بہت سے سامعین کو جھنجھوڑ کر رکھ دیا۔ آخر میں مفتی طارق مسعود نے اسلامی اصولوں پر روشنی ڈالتے ہوئے واضح کیا کہ غیر مسلم کے لیے دعائے مغفرت کرنا اسلام کے مطابق درست نہیں، اور مسلمانوں کو چاہیے کہ وہ اپنی دینی حدود میں رہ کر ردعمل دیں اور اپنی آخرت کو بہتر بنانے کی فکر کریں۔ یہ بیان آن لائن مختلف حلقوں میں زیر بحث ہے، جہاں کچھ افراد اسے ایک اہم یاددہانی قرار دے رہے ہیں، تو کچھ اس میں مذہبی حدود و اخلاقی حساسیت کے پہلو پر بھی اظہار خیال کر رہے ہیں۔
.
ذریعہ
ذریعہ: Nawaiwaqt
کلیدی لفظ: مفتی طارق مسعود
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ