فضائی مسافر ایک سال میں 6 کروڑلگژری اورمہنگے چاکلیٹ کھاگئے
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
دبئی: متحدہ عرب امارات (یو اے ای) کی عالمی فضائی کمپنی امارات ایئرلائن کے مسافرایک سال کے دوران پروازوں پر 6 کروڑ لگژری اور مہنگے چاکلیٹ ہڑپ کر گئے۔
میڈیا کے مطابق ایئرلائن نے ورلڈ چاکلیٹ ڈے (7 جولائی) کی مناسب سے جاری کردہ اعداد و شمار میں بتایا کہ دنیا بھر میں کمپنی کی تمام پروازوں پر مجموعی طور پر 6 کروڑ چاکلیٹس کھائی گئیں۔
ایئرلائن کے مطابق یہ تعداد گزشتہ سال کے مقابلے میں 20 لاکھ زیادہ ہے، سب سے زیادہ چاکلیٹس اکانومی کلاس میں کھائی گئیں، جہاں ساڑھے تین کروڑ سے زائد چاکلیٹ ٹکڑوں کا استعمال ریکارڈ کیا گیا۔
اسی طرح نئی متعارف کرائی گئی پریمیم اکانومی کلاس میں بھی چاکلیٹس کی مانگ میں نمایاں اضافہ دیکھنے میں آیا، جہاں 10 لاکھ 60 ہزار چاکلیٹس کھائی گئیں۔
کمپنی کے مطابق بزنس کلاس میں 92 لاکھ چاکلیٹس کھائی گئیں جبکہ فرسٹ کلاس کے مسافروں نے 1,22,000 بڑی گورمیٹ چاکلیٹ بکس کا لطف اٹھایا، جو تقریبا 14 لاکھ چاکلیٹس کے برابر ہیں۔
امارات ایئر لائن دنیا بھر کے مشہور چاکلیٹ برانڈز کے ساتھ شراکت داری رکھتی ہے اور ہر چھ ماہ بعد پروازوں میں چاکلیٹس کی اقسام تبدیل کی جاتی ہیں تاکہ مسافروں کو تازگی اور تنوع فراہم کیا جا سکے۔
کمپنی دوران پرواز فضاؤں میں مسافروں کو Coco Jalila (متحدہ عرب امارات)، Valrhona (فرانس) اور Canonica اور Neuhaus (بیلجیئم) کے برانڈز سمیت دیگر کمپنیوں کے چاکلیٹس فراہم کرتی ہے۔
ایئرلائن کے مطابق چاکلیٹ کے انتخاب میں چاکلیٹ کی قسم، ذائقہ، بھراؤ، ساخت، برانڈ کی پہچان، موجودہ رجحانات اور پائیدار ذرائع سے حصول جیسے عوامل کو مدِنظر رکھا جاتا ہے۔
.ذریعہ: Jasarat News
کلیدی لفظ: کھائی گئیں کے مطابق
پڑھیں:
اوتھل میں مسافر کوچ اور ٹرک کے درمیان خوفناک تصادم، 6 افراد جاں بحق
کوئٹہ:بلوچستان کے ضلع لسبیلہ میں اوتھل سے تقریباً پانچ کلومیٹر کے فاصلے پر ایک خوفناک حادثہ پیش آیا جہاں مسافر کوچ اور پتھر سے لدے ٹرک کے درمیان خوفناک تصادم ہوا، جس کے نتیجے میں کم از کم 6 افراد جاں بحق اور 19 زخمی ہوگئے۔
زخمیوں اور لاشوں کو فوری طور پر ڈسٹرکٹ ہیڈ کوارٹر اسپتال ڈی ایچ کیو اوتھل منتقل کر دیا گیا جہاں ڈاکٹروں نے 4 زخمیوں کی حالت کو تشویش ناک قرار دیا ہے، زخمیوں میں تین خواتین اور بچے بھی شامل ہیں اور ان کی فوری طبی امداد کا سلسلہ جاری ہے۔
حادثہ قومی شاہراہ پر اوتھل سے کچھ دور ایک کروڈنگ پوائنٹ کے قریب پیش آیا جہاں کوئٹہ سے کراچی جانی والی مسافر کوچ تیز رفتاری اور ممکنہ طور پر سڑک کی خرابی کی وجہ سے پتھر لے جانے والے ایک بھاری ٹرک سے ٹکرا گئی۔
کوچ میں تقریباً 40 سے زائد مسافر سوار تھے، جن میں خواتین، بچے اور عام مسافر شامل تھے۔ ٹرک کی بھاری لوڈنگ اور کوچ کی تیز رفتار نے تصادم کی شدت کو مزید بڑھا دیا، جس سے کوچ کا فرنٹ حصہ شدید متاثر ہوا اور کئی مسافر گھائل اور زخمی ہوگئے۔
ریسکیو ذرائع نے بتایا کہ حادثے کی اطلاع ملتے ہی مقامی پولیس، لیویز فورس اور ایمرجنسی ریسکیو سروسز 1122 کی ٹیمیں فوری طور پر جائے وقوعہ پر پہنچ گئیں۔ ریسکیو آپریشن کو کامیابی سے مکمل کر لیا گیا، تمام لاشوں اور زخمیوں کو ایمبولینسز کی مدد سے ڈی ایچ کیو اوتھل پہنچایا گیا۔
اسپتال ذرائع کے مطابق زخمیوں میں سے چار کی حالت نازک ہے جنہیں وینٹی لیٹر پر رکھا گیا ہے اور انہیں ممکنہ طور پر کراچی کے بڑے اسپتالوں میں منتقل کرنے کی تیاری کی جا رہی ہے، زخمیوں میں تین خواتین اور دو بچوں کی حالت خاص طور پر تشویش ناک بتائی جا رہی ہے جبکہ باقی زخمیوں کو ابتدائی طبی امداد فراہم کر دی گئی ہے۔
حادثے میں جاں بحق ہونے والوں کی ابتدائی شناخت ہو چکی ہے جن میں دو مرد، ایک خاتون اور دو بچے شامل ہیں۔ ان کی لاشیں اسپتال میں رکھی گئی ہیں اور پوسٹ مارٹم کے بعد رشتہ داروں کے حوالے کر دی جائیں گی۔ مقامی انتظامیہ نے حادثے کی تحقیقات کا حکم دے دیا ہے۔
ایس ایس پی لسبیلہ نے ایکسپریس نیوز کو بتایا کہ ابتدائی رپورٹس میں ٹرک کی اوور لوڈنگ، ڈرائیور کی لاپروائی اور سڑک کی خرابی کو بنیادی وجوہات قرار دیا گیا ہے، حادثہ تیز رفتاری اور ٹریفک قوانین کی خلاف ورزی کی وجہ سے ہوا اور اس حوالے سے مزید تحقیقات جاری ہیں۔
دوسری جانب، بلوچستان میں ایسے حادثات کا سلسلہ مسلسل جاری رہنے کی وجہ سے ماہرین سڑکوں کی مرمت، ٹریفک قوانین کے سخت نفاذ اور ڈرائیوروں کی تربیت کا مطالبہ کر رہے ہیں۔ مقامی لوگوں نے حادثے پر شدید غم و غصہ کا اظہار کیا ہے اور انتظامیہ سے فوری انصاف، متاثرین کے خاندانوں کے لیے معاوضے، اور زخمیوں کے علاج کے اخراجات برداشت کرنے کا مطالبہ کیا ہے۔
واقعے نے علاقے میں غم کی لہر دوڑا دی اور متاثر خاندانوں نے اجتماعی طور پر ہنگامہ آرائی کی جسے پولیس نے پرسکون کرنے کی کوشش کی۔ بلوچستان حکومت نے حادثے پر افسوس کا اظہار کیا ہے اور متعلقہ افسران کو رپورٹ پیش کرنے کا حکم دیا ہے۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت