این ڈی ایم اے کا انتباہ: 6 تا 10 جولائی بارشوں اور ممکنہ سیلاب کا الرٹ جاری
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے 6 سے 10 جولائی کے دوران ملک بھر میں موسلا دھار بارش، آندھی، طوفان اور متعدد علاقوں میں سیلاب کی وارننگ جاری کر دی ہے۔
ترجمان کے مطابق پنجاب کے مختلف اضلاع جن میں اسلام آباد، راولپنڈی، اٹک، جہلم، چکوال، سرگودھا، خوشاب، میانوالی، گوجرانوالہ، گجرات، فیصل آباد، لاہور، قصور اور اوکاڑہ شامل ہیں، وہاں بارش کے ساتھ آندھی اور طوفانی ہوائیں چلنے کا امکان ہے۔
اسی طرح جنوبی پنجاب کے ملتان، خانیوال، بہاولپور، بہاولنگر، رحیم یار خان اور ڈیرہ غازی خان میں تیز ہواؤں کے ساتھ بارش کی پیشگوئی کی گئی ہے۔
خیبرپختونخوا کے بیشتر اضلاع جیسے دیر، سوات، چترال، کوہستان، شانگلہ، بونیر، مانسہرہ، ایبٹ آباد، پشاور، مردان، بنوں، کوہاٹ اور نوشہرہ میں گرج چمک کے ساتھ بارش متوقع ہے۔
گلگت بلتستان میں بھی شدید بارشوں کا خدشہ ظاہر کیا گیا ہے، خاص طور پر گلگت، اسکردو، ہنزہ، دیامر، استور، گانچھے اور شگر میں ممکنہ سیلابی صورتحال پیدا ہو سکتی ہے۔
آزاد کشمیر کے علاقوں مظفرآباد، وادی نیلم، راولا کوٹ، حویلی اور باغ میں بھی شدید بارش اور لینڈ سلائیڈنگ کا امکان ہے۔
سندھ کے مختلف شہروں میں جیسے کراچی، حیدرآباد، سکھر، نوابشاہ، تھرپارکر، عمرکوٹ، میرپورخاص، سانگھڑ، ٹھٹہ اور بدین میں بھی بارشوں کا امکان ہے جبکہ لاڑکانہ، جیکب آباد، خیرپور، شکارپور، گھوٹکی اور دادو میں بھی تیز بارش کی پیشگوئی ہے۔
بلوچستان کے اضلاع کوئٹہ، زیارت، خضدار، ژوب، قلات، آواران، بارکھان، کوہلو، سبی، لورالائی اور نصیرآباد میں بھی موسلا دھار بارشوں کا امکان ظاہر کیا گیا ہے۔
این ڈی ایم اے نے خبردار کیا ہے کہ شدید بارشوں کے باعث اربن فلڈنگ، لینڈ سلائیڈنگ اور ندی نالوں میں طغیانی کا خطرہ موجود ہے، شہریوں کو احتیاطی تدابیر اختیار کرنے اور متعلقہ اداروں کو ہائی الرٹ رہنے کی ہدایت جاری کی گئی ہے۔
.ذریعہ: Jasarat News
پڑھیں:
ابھی مزید بارشیں ہوں گی: این ڈی ایم اے نے تازہ ایڈوائزری جاری کردی
نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں بارشوں کی نئی لہر کی پیش گوئی کرتے ہوئے 18 اگست سے 22 اگست تک مختلف علاقوں کے لیے تازہ ایڈوائزری جاری کر دی۔
ایڈوائزری کے مطابق خیبر پختونخوا کے سیلاب سے متاثرہ اضلاع سمیت چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، ہزارہ، پشاور، صوابی، سوات، وزیرستان اور گردونواح میں معتدل سے تیز بارش کا امکان ہے۔
یہ بھی پڑھیں: خیبرپختونخوا میں سیلاب کے باعث جانی نقصان، صوبائی حکومت کا کل یوم سوگ منانے کا اعلان
این ڈی ایم اے نے بتایا کہ گلگت بلتستان اور آزاد کشمیر میں بھی 18 سے 22 اگست کے دوران استور، اسکردو، ہنزہ، شگر، باغ، وادی نیلم، مظفرآباد اور ملحقہ علاقوں میں کہیں کہیں بارش ہو سکتی ہے۔
اسی طرح 18 سے 20 اگست کے درمیان اسلام آباد، راولپنڈی، مری، گلیات، اٹک، چکوال، جہلم، میانوالی، حافظ آباد، سرگودھا، فیصل آباد، سیالکوٹ، نارووال، اوکاڑہ، لاہور، گوجرانوالہ، گجرات، ملتان، بہاولپور، بہاولنگر اور رحیم یار خان میں بھی معتدل سے تیز بارشوں کا امکان ظاہر کیا گیا ہے۔
ایڈوائزری کے مطابق سندھ میں 18 سے 20 اگست کے دوران سکھر، لاڑکانہ، جیکب آباد، خیرپور، کراچی، حیدرآباد، تھرپارکر، ٹھٹہ، بدین، میرپورخاص اور اطراف کے اضلاع میں بارشیں متوقع ہیں۔
بلوچستان میں بھی اسی مدت کے دوران زیارت، قلات، مشکیل، خضدار، آواران، بارکھان، سبی، جعفرآباد، ڈیرہ بگٹی اور گردونواح میں کہیں کہیں بارش کی پیش گوئی کی گئی ہے۔
یہ بھی پڑھیں: خیبرپختونخوا: سیلاب متاثرین کی مدد کے لیے جانے والا سرکاری ہیلی کاپٹر تباہ، 5 افراد شہید
واضح رہے کہ خیبر پختونخوا کے مختلف اضلاع میں حالیہ کلاؤڈ برسٹ اور سیلابی ریلوں کے باعث بڑے پیمانے پر تباہی ہوئی ہے، جبکہ مختلف حادثات میں جاں بحق افراد کی تعداد 200 سے تجاوز کر چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews این ڈی ایم اے بارش سیلاب کلاؤڈ برسٹ نئی لہر نیشنل ڈیزاسٹر مینجمنٹ اتھارٹی وی نیوز
بھارتی ایئر چیف کے دعوے مسترد، وزیر دفاع کا دونوں ممالک کے طیاروں کی گنتی کا مطالبہ