لاہور میں پالتو شیر کا حملہ، خاتون 2 بچوں سمیت زخمی
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">لاہور: لاہور میں واقع ایک فارم ہاؤس میں شیر نے ایک فیملی پر حملہ کردیا جس سے 2 بچوں سمیت 3 افراد زخمی ہوگئے، بچوں کی حالت تشویشناک بتائی جارہی ہے۔ ملک اعظم مرتضی عرف شانی نامی شخص نے بغیر لائسنس غیر قانونی طور پر شیر کو اپنے ڈیرے پر رکھا ہوا تھا۔
رہورٹ کے مطابق جوہر ٹاؤن میں قائم فارم ہاؤس میں ایک خاندان تفریح کے لیے آیا ہوا تھا کہ اس دوران وہ پالتو شیر کے قریب گئے تو شیر جنگلے سے باہر آگیا اور ان پر حملہ کردیا۔ جس سے 2 بچے اور ایک خاتون زخمی ہوگئے۔ حملے کے بعد تینوں کو فوری طور پر اسپتال منتقل کردای گیا ہے بچوں کی حالت تشویشناک جبکہ خاتون کی حالت خطرے سے باہر بتائی جارہی ہے۔
پولیس کے مطابق فارم ہاؤس میں رکھے گئے شیر کا جنگلہ کھلا رہ گیا تھا۔ دوسری جانب ڈی آئی جی آپریشنز فیصل کامران نے اس افسوسناک واقعہ کا نوٹس لیتے ہوئے وائلڈ لائف حکام سے رابطے کی ہدایت کی۔ پولیس کے رابطہ کرنے پر وائلڈ لائف حکام نے پالتو شیر کو قابو کرلیا۔
دوسری جانب ڈی آئی جی آپریشنز نے واقعے کے ذمہ داروں کے خلاف سخت قانونی کارروائی کا حکم دیتے ہوئے کہا ہے کہ شہریوں کی جان و مال کا تحفظ اولین ترجیح ہے، کسی کو بھی شہریوں کی جانوں سے کھیلنے کی اجازت نہیں۔ ان کا کہنا تھا کہ یہ چیز ہرگز قبول نہیں کریں گے کہ کسی کا شوق شہریوں کی جان کے لیے خطرہ بن جائے۔
ترجمان محکمہ وائلڈ لائف اینڈ پارکس پنجاب کے مطابق شیر کے مالک کی گرفتاری کے لیے شاہ دی کھوئی اور دیگر مقامات پر چھاپے مارے جارہے ہیں جبکہ ایف آئی آر کے اندراج کے لیے کارروائی شروع کردی گئی ہے۔
ترجمان وائلڈ لائف نے مزید بتایا کہ نئے قوانین کے مطابق کوئی بھی شخص شیر کو بغیر لائسنس، مطلوبہ پنجرے کے سائز اور دیگر ایس او پیز پر عملدرآمد کیے بغیر نہیں رکھ سکتا، غیر قانونی اور بغیر لائسنس شیر کو رکھنا ناقابل ضمانت جرم ہے اور اس کی سزا 7 سال قید جبکہ 50 لاکھ روپے جرمانہ ہے۔
ترجمان نے عوام سے اپیل کی ہے کہ ان کے گھر کے قریب اگر کسی کے پاس شیر موجود ہے تو اسکی اطلاع محکمہ وائلڈ لائف پنجاب کی ہیلپ لائن 1107 پر فوری طور پر دیں۔
.
ذریعہ
ذریعہ: Jasarat News
کلیدی لفظ: وائلڈ لائف کے مطابق شیر کو کے لیے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار