سکھر ،میونسپل افسران کی نااہلی،جگہ جگہ گندگی کے ڈھیر لگ گئے
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت ) سکھر شہر میں میونسپل افسران اور کام چور صفائی عملے کی وجہ سے شہری و تجارتی علاقوں میں صفائی و ستھرائی کی صورتحال روز بروز ابتر ہوتی جارہی ہے شہر میں جگہ جگہ گندگی کچرے کے ڈھیر جبکہ کئی علاقوں میں نکاسی آب کا سٹم مفلوج رہنے کی وجہ سے گندے پانی کا جمع ہونا بھی معمول بنتا جارہا ہے بلدیہ سکھر کے سینٹری اسٹاف کی رشوت کے عوض ویزا پالیسی، متعلقہ محکموں کے افسران کی خاموشی کی بدولت شہر کے تجارتی و کاروباری مراکز کے بعد شہر کی مصروف ترین سڑکوں سمیت رہائشی علاقوں کی گلیاں بھی گندگی کے ڈھیر میں تبدیل ہوگئی ہے سندھ کا تیسرا بڑا شہر گندگی کے ڈھیروں کے باعث موئن جودڑو کا منظر پیش کر رہا ہے، صفائی عملے نے رشوت کے عوض ویزا پالیسی کے تحت شہری و تجارتی مرکز سے گندگی کے ڈھیر اٹھا کر ٹھکانے لگانے کے بجائے کچہرہ کنڈی بنانا شروع کردیا ہے ،سکھر میونسپل کارپوریشن کے مئیر ،میونسپل کمشنر و منتخب بلدیاتی نمائندگان بھی صفائی عملے کے سامنے بے بس دکھائی دے رہے ہیں ، کچہرے و گندگی کے ڈھیروں سے اٹھنے والے تعفن کی وجہ سے شہر میں مختلف بیماریاں پھیل رہی ہیں۔ شہری حلقوں سمیت شہریوں و دکانداروں نے سکھر انتظامیہ کی ناقص کارکردگی سمیت سکھر کے منتخب نمائندگان کو سخت تنقید کا نشانہ بناتے ہوئے کہا ہے عام دنوں ،عید تہوار کے بعد اب محرم میں بھی سکھر میونسپل کارپوریشن،متعلقہ محکموں کے افسران سمیت منتخب عوامی و بلدیاتی نمائندگان کی عدم توجہی اور غفلت کی وجہ سے گندگی کے ڈھیر اور ڈرینج سسٹم ناکارہ ہو گیا ہے جو انتظامیہ کی نااہلی ہے سکھر کے شہری حلقوں ،تاجر برادری نے سکھر کے منتخب عوامی و بلدیاتی نمائندگان سے مطالبہ کرتے ہوئے کہا کہ اپنے آبائی شہر میں صفائی و ستھرائی کی ابتر حالت کا نوٹس لیکر ذمہ دار افسران کے خلاف محکمہ جاتی کاروائی عمل میں لاکر شہریوں کو بنیادی و بلدیاتی سہولیات فراہم کی جائے۔
.ذریعہ: Jasarat News
کلیدی لفظ: گندگی کے ڈھیر کی وجہ سے سکھر کے
پڑھیں:
خیروپور،میونسپل کمیٹی کا اجلاس ،بھینسوں کے باڑے باہر منتقل کرنے کا فیصلہ
data-id="863a0a8" data-element_type="widget" data-widget_type="theme-post-content.default">
251003-11-15
خیرپور (جسارت نیوز ) خیرپورکوپاکستان کا مثالی شہر بنانے کے سلسلے میں اہم اجلاس منعقدشہری علاقوں سے غیرقانونی قبضے خالی کرانے اوربھینسوں کے باڑے شہر سے باہرمنتقل کرنے سمیت اہم فیصلے کرلیے گئے۔ تفصیلات کے مطابق خیرپور کو پاکستان کامثالی شہر بنانے کے سلسلے میں میونسپل کمیٹی کے سٹیزن ہال میں اہم اجلاس منعقد ہوا جس میں میونسپل کمیٹی کے کونسلرزکے علاوہ معروف تاجر معززین شہرصحافی اور سماج سدھارک تنظیموں کے رہنما شریک ہوئے۔ اجلاس کی صدارت میونسپل کمیٹی کے عوام دوست چیئرمین ڈاکٹریارمحمد پھلپوٹو نے کی ۔اجلاس میں شہر کے مرکزی علاقوں اور سڑکوں کی فٹ پاتھوں سے غیر قانونی قبضے خالی کرانے شہریوں کو وافر مقدار میں پینے کاپانی صاف و شفاف پانی مہیا کرنے گوشت و مچھلی مارکیٹ اور بھینسوں کے باڑے شہر سے باہر منتقل کرنے بھاری وزنی گاڑیوں کے شہر میں داخل ہونے پر بندش عائد کرنے کافیصلہ کرلیا گیا۔ اس سلسلے میں ایک بااختیار فورم بناکر اس فورم کے پلیٹ فارم سے آواز بلند کرنے کا فیصلہ کرلیا گیا ۔چیئرمین میونسپل کمیٹی ڈاکٹریارمحمد پھلپوٹو نے اجلاس سے خطاب کرتے ہوئے کہاکہ بھینسوں کے باڑوں نے شہر میں گندگی پھیلائی ہے جبکہ مچھلی اور گوشت مارکیٹ شہر کے وسطی علاقوں میں ہونے کے باعث شہر میں بدبو اور تعفن پھیلتا ہے جبکہ غیر مقامی افراد کاروبار کے بہانے شہر کی سڑکوں کی فٹ پاتھوں پر قبضہ کیے ہوئے ہیں۔ انہوں نے کہاکہ پنج گلہ چوک، شاہی بازار اور دیگر مصروف ترین سڑکوں پر لوگ قبضے جمائے ہوئے ہیں جس کی وجہ سے شہری سخت پریشان ہیں۔ انہوں نے کہاکہ شہری تنظیموں کے رہنما تاجر قانون دان اور خیرپور دوست لوگ تعاون کریں گے تو ہم خیرپور شہر کو ملک کا مثالی شہر بنانے میں کامیاب ہوجائیں گے۔ اجلاس میں چیف میونسپل آفیسر غلام قادر تْنیو،فیاض خمیسانی ایڈووکیٹ،نویداحمد میمن، انجمن تاجران کے صدر عاشق حسین عباسی ،سیدہ بی بی مونا شاہ، سید صغیر حسین زیدی ایڈووکیٹ ،ریٹائرڈ ڈی ایچ او ڈاکٹرمحمد حسین ابڑو، غازی پریل شاہ،مولانا عبدالکریم مری پریس کلب خیرپور کے سرپرست اعلیٰ خان محمد خان،صحافی عامر عباسی،جمیل احمد جویو،کامریڈ شہباز پھلپوٹو اور میونسپل کمیٹی کے کونسلر شریک ہوئے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ