افغان کرکٹ ٹیم کے کپتان راشد خان نے دوسری شادی کرلی، تصاویر وائرل
اشاعت کی تاریخ: 12th, November 2025 GMT
افغانستان کے اسٹار آل راؤنڈر راشد خان نے اپنی ازدواجی زندگی سے متعلق گردش کرتی خبروں پر ردِعمل دیتے ہوئے باضابطہ طور پر اپنی دوسری شادی کی تصدیق کر دی ہے۔
حال ہی میں سوشل میڈیا پر کچھ تصاویر اور ویڈیوز گردش کر رہی تھیں جن میں راشد خان ایک خاتون کے ہمراہ روایتی افغانی لباس میں بیٹھے دکھائی دے رہے تھے۔ ان مناظر نے شائقین کے درمیان یہ قیاس آرائیاں جنم دی تھیں کہ کرکٹر نے ایک مرتبہ پھر شادی کر لی ہے۔
یہ بھی پڑھیں: ’کلین بولڈ ہوکر ریویو لینے والے دنیا کے پہلے کھلاڑی‘، افغان کپتان راشد خان کا مذاق بن گیا
اب راشد خان نے تمام قیاس آرائیوں کا خاتمہ کرتے ہوئے اپنے انسٹاگرام اکاؤنٹ پر ایک پیغام میں تصدیق کی ہے کہ تصویر میں موجود خاتون درحقیقت ان کی اہلیہ ہیں۔
View this post on Instagram
A post shared by Rashid Khan (@rashid.
راشد خان نے بتایا کہ ان کی دوسری شادی 2 اگست 2025 کو ہوئی تھی۔ انہوں نے اپنے انسٹاگرام پوسٹ میں لکھا کہ میری زندگی کا ایک نیا باب شروع ہوا۔ میں نے نکاح کیا اور ایک ایسی خاتون سے شادی کی جو محبت، سکون اور شراکت کی وہ تمام خوبیاں رکھتی ہیں جن کی میں ہمیشہ خواہش رکھتا تھا۔
انہوں نے مزید کہا کہ میں حال ہی میں اپنی بیوی کو ایک چیریٹی ایونٹ پر ساتھ لے گیا تھا اور یہ افسوسناک ہے کہ اس سادہ بات پر لوگ اندازے لگا رہے ہیں۔ وہ میری بیوی ہیں اور ہم ایک دوسرے کے ساتھ کھڑے ہیں، کچھ بھی چھپانے کے لیے نہیں۔ جن سب نے محبت، حمایت اور سمجھ بوجھ دکھائی، ان سب کا شکریہ
یہ بھی پڑھیں: افغان کرکٹر راشد خان نے عنایا خان سے رابطہ کرکے کیا مطالبہ کیا؟ اداکارہ کا انکشاف
راشد نے اپنی دوسری اہلیہ کی شناخت عوام سے پوشیدہ رکھی ہے۔ متعدد میڈیا رپورٹس کے مطابق، افغانستان کے ٹی20 کپتان نے اپنے ہی قریبی رشتہ دار میں شادی کی ہے۔ ان کی شادی روایتی پشتون رسم و رواج کے مطابق انجام پائی۔
یاد رہے کہ راشد خان نے اکتوبر 2024 میں افغانستان کے دارالحکومت کابل میں روایتی پشتون رسم و رواج کے تحت شادی کی تھی، جس میں افغان کرکٹ ٹیم کے کپتان محمد نبی سمیت متعدد کھلاڑیوں نے شرکت کی تھی۔ شادی کی اس تقریب کی تصاویر بھی سوشل میڈیا پر وائرل ہوئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغان کھلاڑی افغانستان کے اسٹار آل راؤنڈر راشد خان راشد خان راشد خان دوسری شادی
ذریعہ
ذریعہ: WE News
کلیدی لفظ: افغان کھلاڑی افغانستان کے اسٹار آل راؤنڈر راشد خان
پڑھیں:
بھارت پاکستان میں دہشتگردی میں ملوث، افغانستان دہشتگردوں کو روکنے میں ناکام ہے: وزیرِ اعظم شہباز شریف
وزیراعظم شہباز شریف---فائل فوٹووزیرِ اعظم شہباز شریف نے کہا ہے کہ پاکستان میں ہونے والی دہشت گردی میں بھارت کا کردار واضح ہے، 2018ء میں ملک سے دہشت گردی کا مکمل خاتمہ ہو چکا تھا تاہم ایک منظم سازش کے تحت دہشت گردی دوبارہ واپس لائی گئی۔
بلوچستان نیشنل ورکشاپ کے شرکاء سے خطاب کرتے ہوئے وزیرِ اعظم نے کہا کہ دہشت گردی کے خلاف جنگ میں 90 ہزار پاکستانی جانوں کا نذرانہ پیش کر چکے ہیں جبکہ حال ہی میں مستونگ میں سیشن جج کا قتل بھی دہشت گردی کی سنگین مثال ہے، دہشت گردی کا مقابلہ پوری قوم نے مل کر کرنا ہے۔
انہوں نے افغانستان کی عبوری حکومت پر زور دیا کہ وہ اپنی سر زمین دہشت گردوں کے لیے استعمال نہ ہونے دے تاہم افسوس کے ساتھ کہا کہ افغان حکومت دہشت گردوں کو روکنے میں ناکام رہی ہے۔
شہباز شریف نے کہا کہ خطے میں امن کے قیام کے لیے پاکستان کی سفارتی کوششوں کو دنیا قدر کی نگاہ سے دیکھ رہی ہے جبکہ پاکستان کی حالیہ کامیابیاں دشمن کو ہضم نہیں ہو رہیں۔
انہوں نے فیلڈ مارشل عاصم منیر اور نائب وزیرِ اعظم اسحاق ڈار کی سفارتی کاوشوں کو بھی سراہا۔
وزیراعظم نے کہا کہ پاکستان نے جدید ٹیکنالوجی میں اہم کامیابیاں حاصل کیں، ڈرونز کی 60 فیصد سے زائد مقامی تیاری حاصل کر لی گئی ہے
وزیرِ اعظم کا کہنا ہے کہ بلوچستان رقبے کے لحاظ سے ملک کا سب سے بڑا جبکہ آبادی کے اعتبار سے سب سے چھوٹا صوبہ ہے اور بلوچستان کے عوام نے قیامِ پاکستان اور وفاق کے استحکام میں ہمیشہ اہم کردار ادا کیا ہے۔
انہوں نے کہا کہ بلوچستان کے عوام کی قربانیاں کبھی رائیگاں نہیں جائیں گی۔
وزیرِ اعظم شہباز شریف نے بتایا کہ کراچی سے چمن تک دو رویہ شاہراہ کی تعمیر پر کام جاری ہے۔
این ایف سی ایوارڈ کے حوالے سے وزیرِ اعظم نے کہا کہ پنجاب نے بلوچستان کے لیے بڑھ چڑھ کر حصہ ڈالا اور دیگر صوبوں نے بھی بھرپور تعاون کیا۔
انہوں نے اس عزم کا اظہار کیا کہ ماضی کی غلطیوں کا ازالہ کرتے ہوئے چاروں صوبوں کو ان کا جائز حق دیا جائے گا۔
ورکشاپ کے شرکاء کے سوالوں کے جواب دیتے ہوئے وزیرِ اعظم نے کہا کہ پاکستان کی ترقی چاروں صوبوں کی مشترکہ کاوشوں سے ممکن ہے اور اب ملک کو ترقی کی نئی راہ پر گامزن کرنے کا وقت آ گیا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم