بچوں سے زیادتی کے ملزم کے ساتھ کام کرنا نین تارا کو مہنگا پڑگیا
اشاعت کی تاریخ: 4th, July 2025 GMT
جنوبی بھارت کی معروف اداکارہ نین تارا اور انکے شوہر وگنیش شیون کو بھارتی کوریوگرافر جانی ماسٹر کے ساتھ کام کرنا مہنگا پڑگیا اور اس وقت دونوں کڑی تنقید کی زد میں ہیں۔
واضح رہے کہ تیلگو، تامل، کناڈا اور ہندی فلموں میں کام کرنے والے 43 سالہ جانی ماسٹر پر جنسی ہراسانی کا الزام ہے اور وہ بچوں کو جنسی جرائم سے تحفظ فراہم کرنے والے قانون (POCSO) کے تحت جنسی الزامات کے مقدمہ کا سامنا کر رہے ہیں۔
یہ معاملہ اس وقت شروع ہوا جب وگنیش شیون نے بتایا کہ جانی ماسٹر نے ان سے فلم لوو انشورنس کمپنی میں کام کے حوالے سے بات کی ہے، جبکہ یکم جولائی کو جانی ماسٹر نے ایک پوسٹ شیئر کی اور بتایا کہ وگنیش شیون انکے ساتھ انکی فلم میں اشتراک کریں گے۔
اپنی اس پوسٹ میں انھوں نے وگنیش کے ساتھ کام کو اپنے لیے باعث خوشی قرار دیا، بعدازاں وگنیش نے اس پوسٹ کو ری شیئر کرتے ہوئے اپنی مسرت کا اظہار کیا۔
وگنیش کی اہلیہ اور تامل، تیلگو اور ملیالم فلموں کی معروف اداکارہ نین تارا اس فلم کی پروڈیوسرز میں شامل ہیں، ان پر جانی ماسٹر کے ساتھ کام پر سخت تنقید کی گئی۔
گلوکارہ چنمئی سریپاڈا نے اپنے ایکس پر سخت غصے کا اظہار کرتے ہوئے کہا کہ جانی ماسٹر ایک نابالغ بچے کے ساتھ جنسی زیادتی کے کیس میں مشروط ضمانت پر ہے، ایسا لگتا ہے کہ ہم باصلاحیت مجرموں کو پسند کرتے ہیں اور انہیں مسلسل پروموٹ کرتے ہیں، تاکہ وہ بااثر عہدوں پر برقرار رہیں اور مزید بچوں اور خواتین کو ہراساں کریں۔
Post Views: 2.ذریعہ: Daily Mumtaz
کلیدی لفظ: کے ساتھ کام
پڑھیں:
بنگلہ دیش کرکٹ بورڈ کے سابق عہدیدار کیخلاف جنسی ہراسانی کا الزام، تحقیقات کے لیے کمیٹی تشکیل
بنگلہ دیش کرکٹ بورڈ (بی سی بی) نے قومی ویمنز ٹیم کی کرکٹر جہاں آرا عالم کی جانب سے ٹیم کے سابق سلیکٹر اور منیجر منجور الاسلام پر لگائے گئے جنسی ہراسانی کے الزامات کی تحقیقات کے لیے 3 رکنی انکوائری کمیٹی تشکیل دے دی ہے۔
بی سی بی نے جمعرات کی رات کمیٹی بنانے کا اعلان کیا تھا اور کہا تھا کہ تحقیقات 15 دنوں میں مکمل کی جائیں گی۔ ہفتہ کی رات بورڈ نے کمیٹی کے ارکان کے نام بھی جاری کر دیے۔
یہ بھی پڑھیے: خواتین نے ہنی ٹریپ اور جنسی ہراسانی کا نشانہ بنایا، کمرے میں خفیہ کیمرے لگائے گئے، شیر افضل مروت کا انکشاف
اعلان کے مطابق، کمیٹی کی سربراہی جسٹس طارق الحقیم، جو سپریم کورٹ کے اپیلیٹ ڈویژن کے ریٹائرڈ جج ہیں، کریں گے۔ دیگر 2 ارکان میں روبابلہ ڈاؤلا، جو بی سی بی کی واحد خاتون ڈائریکٹر ہیں، اور بیریسٹر سروت سراج شکلا، سینیئر سپریم کورٹ وکیل اور بنگلہ دیش ویمنز اسپورٹس فیڈریشن کی چیئرپرسن شامل ہیں۔
جہاں آرا عالم، جو اس وقت آسٹریلیا میں موجود ہیں، نے ایک یوٹیوب انٹرویو میں الزام لگایا کہ منجور الاسلام نے انہیں ناشائستہ پیشکش کر کے جنسی طور پر ہراساں کیا۔ ان کا یہ بھی کہنا تھا کہ کئی دیگر افراد نے ان کے کرکٹ کیریئر کو نقصان پہنچایا اور انہوں نے 2021 سے 2023 کے درمیان بی سی بی کے اعلیٰ حکام کو شکایات درج کرائیں، مگر کوئی کارروائی نہیں کی گئی۔
یہ بھی پڑھیے: آن لائن جنسی ہراسانی میں ملوث مجرم کو 3 سال قید با مشقت کی سزا
دوسری جانب، منجور الاسلام نے الزامات کو جھوٹا اور بے بنیاد قرار دیتے ہوئے سختی سے مسترد کر دیا ہے۔ بنگلہ دیش کے اخبار پروتھوم آلو سے گفتگو میں انہوں نے کہا کہ میں کسی بھی وقت انکوائری کمیٹی کے سامنے پیش ہونے کو تیار ہوں۔ جب بھی بلایا جائے، میں بنگلہ دیش آ کر مکمل تعاون کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بی سی بی جنسی ہراسانی خواتین کرکٹ کھیل
مولانا فضل الرحمان اسلام آباد پہنچ گئے، 27ویں آئینی ترمیم زیرِ غور