نئے گھریلوگیس کنکشن پرپابندی ختم کرنے کا حتمی فیصلہ کرلیا گیا
اشاعت کی تاریخ: 4th, July 2025 GMT
اسلام آباد: وفاقی حکومت نے نئے گھریلوگیس کنکشن پرپابندی ختم کرنے کا حتمی فیصلہ کرلیا جس کاباضابطہ اعلان آئندہ ہفتے کردیاجائے گا۔ اس سلسلےمیں ایک جامع پالیسی تیارکی جارہی ہے جس کی منظوری سات جولائی کو وزارت پیٹرولیم میں ہونے والے اعلیٰ سطح کے ایک اجلاس میں دی جائے گی ،وزارت پٹرولیم کے ذرائع کے مطابق گزشتہ چند برسوں سے گھریلوصارفین کے لئے گیس کنکشن پر پابندی عائد ہے جس کی وجہ سے صارفین کو مشکلات کاسامناکرناپڑرہاہے اور گیس کمپنیوں میں کمیشن اور کرپٹ مافیاجعلی سازی کرتے ہوئے گیس کنکشن بھاری رشوت لے کردیتارہاجس سے گیس چوری میں نمایاں اضافہ ہوااور حکومت نے حالیہ چندماہ میں جعلی گیس کنکشن منقطع بھی کئے ،بھارتی جرمانے بھی عائد کئے گئے اور کرپٹ عملے کے خلاف کارروائی بھی کی گئی تاہم اب وزیراعظم شہبازشریف اور وزیرپٹرولیم علی پرویزملک نے گھریلوگیس کنکشن پر پابندی ختم کرنے کافیصلہ کیاہے جس پر جلدعملدرآمدشروع کردیاجائے گا،پہلے سے موجود اورنئی درخواستوں پر بھی عمل ہوگااوراس بات کی کوشش کی جائے گی۔
Post Views: 7.ذریعہ: Daily Mumtaz
کلیدی لفظ: گیس کنکشن پر
پڑھیں:
پنجاب حکومت کا عارضی بنیادوں پر طبی ماہرین بھرتی کرنے کا فیصلہ
پنجاب حکومت نے صوبے میں صحت کے شعبے میں عملے کی کمی پورا کرنے کے لیے عارضی بنیادوں پر طبی ماہرین بھرتی کرنے کا فیصلہ کیا ہے۔ اس حوالے سے پنجاب لوکم ہائیرنگ ایکٹ 2025 پنجاب اسمبلی میں پیش کر دیا گیا ہے۔
بل کو حالیہ اجلاس میں ایوان کے سامنے رکھا گیا جسے مزید غور کے لیے متعلقہ کمیٹی کے سپرد کر دیا گیا ہے۔ کمیٹی دو ماہ میں اپنی رپورٹ اسمبلی میں پیش کرے گی۔
بل کے متن کے مطابق اس مقصد کے لیے ایک لوکم پالیسی کمیٹی قائم کی جائے گی جس کی چئیرپرسن صوبائی وزیر اسپیشلائزڈ ہیلتھ کیئر ہوں گے، جبکہ سیکریٹری اسپیشلائزڈ ہیلتھ کیئر وائس چئیرپرسن ہوں گے۔ اس کمیٹی میں تین فیلڈ ماہرین اور ایک ہیومن ریسورس نمائندہ بھی شامل ہوگا۔
مزید پڑھیں: پنجاب حکومت کی گرین ای ٹیکسی اسکیم کیا ہے، کون اپلائی کرسکتا ہے؟
کمیٹی صحت کے شعبے میں عملے کی کمی کی نشاندہی کرے گی اور عارضی بھرتیوں کے لیے طریقہ کار، مدت، تنخواہ، مراعات اور معاہدے کے خاتمے کی شقیں طے کرے گی۔
بل کے مطابق بھرتی کا عمل شفاف انداز میں ہوگا اور اس سے قبل کم از کم دو اخبارات میں اشتہار دینا لازمی ہوگا، جس میں بھرتی کے تمام طریقہ کار کی وضاحت کی جائے گی۔
متن میں مزید کہا گیا ہے کہ عارضی بنیادوں پر بھرتی ہونے والے افراد مستقبل میں مستقل ملازمت کے حقدار نہیں ہوں گے اور نہ ہی انہیں محکمہ صحت کے مستقل ملازمین جیسی مراعات دی جائیں گی۔
مزید پڑھیں: سیلاب متاثرین کو ایئر لفٹ کرنے کے لیے پنجاب حکومت کتنے ڈرون استعمال کررہی ہے؟
عارضی بھرتیوں کی مدت بڑھانے یا ختم کرنے کا اختیار بھی پالیسی کمیٹی کو حاصل ہوگا۔ بل کا بنیادی مقصد صوبے میں صحت کے شعبے کو درپیش عملے کی کمی کو دور کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت طبی ماہرین بھرتی
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ