کراچی: آئندہ 24 گھنٹوں کے دوران مطلع ابرآلود رہنے کا امکان
اشاعت کی تاریخ: 5th, July 2025 GMT
علامتی فوٹو
محکمۂ موسمیات کا کہنا ہے کہ پاکستان کے معاشی حب، شہر کراچی میں آئندہ 24 گھنٹوں کے دوران موسم مرطوب اور مطلع ابرآلود رہنے کا امکان ہے۔
محکمۂ موسمیات کے مطابق کراچی میں صبح اور رات میں کہیں کہیں بوندا باندی یا بارش ہو سکتی ہے۔
کراچی شہر میں زیادہ سے زیادہ درجۂ حرارت 35 ڈگری سینٹی گریڈ تک رہنے کا امکان جبکہ کم سے کم درجۂ حرارت 29.
محکمۂ موسمیات کے مطابق کراچی کی ہوا میں نمی کا تناسب 79 فیصد ہے جبکہ جنوب مغرب سے سمندری ہوائیں10 کلومیٹر فی گھنٹہ کی رفتار سے چل رہی ہیں۔
ذریعہ: Jang News
پڑھیں:
مون سون ہواؤں کا سندھ میں داخلہ، آج سے بارشوں میں اضافے کا امکان
data-id="863a0a8" data-element_type="widget" data-widget_type="theme-post-content.default">
کراچی: محکمہ موسمیات کے مطابق مون سون ہوائیں سندھ کے جنوبی حصوں میں داخل ہو چکی ہیں، جس کے باعث صوبے کے مختلف اضلاع میں بارشوں کا سلسلہ شروع ہونے کا امکان ہے، اس دوران بعض علاقوں میں گرج چمک کے ساتھ بارش جبکہ دیگر میں ہلکی بارش متوقع ہے۔
میڈیا رپورٹس کےمطابق محکمہ موسمیات کےترجمان کاکہنا ہےکہ تھرپارکر، عمرکوٹ، بدین، ٹھٹھہ، سجاول، جامشورو، ٹنڈو محمد خان، ٹنڈو الہیار، میرپورخاص اور حیدرآباد کے اضلاع میں آج گرج چمک کے ساتھ بارش کا امکان ہے، اس کے علاوہ سانگھڑ، بینظیر آباد، دادو، خیرپور، سکھر اور کراچی میں کہیں کہیں ہلکی بارش ہو سکتی ہے۔
ترجمان محکمہ موسمیات کا کہناتھا کہ سندھ کے دیگر علاقوں میں مطلع جزوی طور پر ابر آلود رہے گا، جبکہ موسم گرم اور مرطوب رہنے کا امکان ہے، شہریوں کو احتیاطی تدابیر اپنانے اور غیر ضروری سفر سے گریز کی ہدایت دی گئی ہے۔
محکمہ موسمیات نے ایک اور طاقتور مون سون سسٹم کی بھی پیش گوئی کی ہے جو 5 سے 10 جولائی کے دوران ملک کے بالائی اور وسطی علاقوں کو متاثر کرے گا، اس سسٹم کے تحت پنجاب، خیبرپختونخوا، گلگت بلتستان اور آزاد کشمیر میں تیز اور موسلادھار بارشیں متوقع ہیں۔
ترجمان کے مطابق کراچی سمیت سندھ میں اس سسٹم کے اثرات فی الحال محدود دکھائی دے رہے ہیں، ملک کے دیگر حصوں میں شدید بارشوں کا خدشہ ظاہر کیا جا رہا ہے۔
محکمہ موسمیات نے خبردار کیا ہے کہ پنجاب اور بلوچستان کے کچھ علاقوں میں ندی نالوں میں طغیانی اور سیلابی صورتحال پیدا ہوسکتی ہے۔ نوشہرہ اور پشاور کے نشیبی علاقوں میں اربن فلڈنگ کا خطرہ ہے جبکہ پہاڑی علاقوں میں 6 سے 8 جولائی کے دوران لینڈ سلائیڈنگ کا امکان بھی موجود ہے۔
محکمہ موسمیات نے ضلعی انتظامیہ اور متعلقہ اداروں کو پیشگی اقدامات کی ہدایت کی ہے تاکہ کسی بھی ممکنہ ہنگامی صورتحال سے نمٹا جا سکے، عوام سے بھی اپیل کی گئی ہے کہ وہ موسم کی صورتحال پر نظر رکھیں، غیر ضروری سفر سے گریز کریں اور احتیاطی تدابیر اختیار کریں۔
موسیٰ خیل ،زلزلے کے شدید جھٹکے،متعدد مکانات گرگئے،لوگوں میں خوف وہراس