جنگ سے ایران کے جوہری پروگرام کا مسئلہ حل نہیں ہو گا، چین
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
چین کے وزیر خارجہ وانگ یی نے ایران اور اسرائیل کے درمیان کشیدگی میں اضافے پر تشویش کا اظہار کرتے ہوئے خبردار کیا ہے کہ طاقت کا استعمال نفرت کو ہوا دے گا اور اس سے ایران کے جوہری پروگرام کا مسئلہ حل نہیں ہو سکے گا۔
خبر رساں ادارے اے پی پی کے مطابق، فرانسیسی وزیر خارجہ جین نول بیروٹ کے ہمراہ پیرس میں مشترکہ پریس کانفرنس کے دوران وانگ یی نے کہا کہ اسرائیل اور ایران کے حالیہ فوجی تصادم کو دوبارہ نہیں دہرانا چاہیے، کیونکہ جنگ نہ تو مسئلے کا حل ہے اور نہ ہی یہ ایران کے جوہری پروگرام کو روک سکے گی۔
انہوں نے زور دیا کہ طاقت کا استعمال صرف امن کے قیام کے لیے ہونا چاہیے، نہ کہ کسی کو غلط یا درست ثابت کرنے کے لیے۔ وانگ یی نے خبردار کیا کہ ایران کی جوہری تنصیبات پر امریکی حملے ممکنہ ایٹمی تباہی کا خطرہ بڑھا رہے ہیں، جس کا خمیازہ پوری دنیا کو بھگتنا پڑ سکتا ہے۔
چینی وزیر خارجہ نے اس امید کا اظہار کیا کہ ایران جوہری ہتھیار بنانے کا ارادہ نہیں رکھتا، اور چین، ایران کے پرامن جوہری توانائی کے استعمال کے حق کا احترام کرتا ہے۔
وانگ یی نے فلسطین اور غزہ کے تنازع پر بھی گفتگو کی اور زور دیا کہ ان مسائل کو نظر انداز نہیں کیا جا سکتا۔ ان کا کہنا تھا کہ فلسطینی عوام کے جائز مطالبات جلد از جلد پورے کیے جانے چاہئیں، اور مسلم دنیا کی آوازِ انصاف کو سنا جانا چاہیے۔
.ذریعہ: Jasarat News
کلیدی لفظ: وانگ یی نے ایران کے
پڑھیں:
تہران کاایٹمی تنصیبات زیادہ قوت کیساتھ دوبارہ تعمیر کرنےکا اعلان
تہران (ویب ڈیسک )ایران کے صدر مسعود پزشکیان نے اپنی جوہری تنصیبات کو دوبارہ تعمیر کرنے کا اعلان کر دیا۔جوہری توانائی تنظیم کے دورے کے موقع پر مسعود پزشکیان نے واضح طور پر کہا کہ عمارتوں اور کارخانوں کو تباہ کرنے سے ہمارے لیے کوئی مسئلہ نہیں ہو گا۔انہوں نے کہا کہ ایران جوہری ہتھیار حاصل کرنے کا خواہاں نہیں ہے، تہران اپنی جوہری تنصیبات کو زیادہ قوت کے ساتھ دوبارہ تعمیر کرے گا۔
غیر ملکی خبر ایجنسی کے مطابق ایران کا کہنا ہے کہ اس کا جوہری ہتھیار بنانے کا کوئی ارادہ نہیں، ایرانی جوہری پروگرام سویلین مقاصد کے لیے ہے۔واضح رہے کہ ایران اور اسرائیل جنگ کے دوران امریکا نے ایران کی جوہری تنصیبات کو بنکر بسٹر بموں سے تباہ کر دیا تھا۔دوسری جانب امریکی صدر ڈونلڈ ٹرمپ کہہ چکے ہیں کہ اگر ایران نے دوبارہ جوہری تنصیبات تعمیر کرنے کی کوشش کی تو انہیں دوبارہ نشانہ بنایا جائے گا۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟