امریکی ایلچی کیساتھ ملاقات میں لبنانی عوام کے مطالبات اٹھائے گئے، نبیہ بری
اشاعت کی تاریخ: 7th, July 2025 GMT
لبنانی اسپیکر پارلیمنٹ نے اعلان کیا ہے کہ امریکی ایلچی کیساتھ اُنکی ملاقات تعمیری رہی جسمیں لبنانی عوام و مزاحمت کے تحفظات پر غور کیا گیا اسلام ٹائمز۔ لبنانی اسپیکر پارلیمنٹ نبیہ بری نے اعلان کیا ہے کہ لبنان و شام کے لئے امریکہ کے خصوصی ایلچی تھامس باراک اور آنے والے وفد کے ساتھ میری ملاقات "اچھی و تعمیری" رہی ہے۔ اس حوالے سے جاری ہونے والے بیان میں نبیہ بری نے وضاحت کی کہ اس دوران لبنانی مفادات، ملکی خودمختاری، لبنانی عوام کے خدشات اور حزب اللہ لبنان کے مطالبات پر تفصیلی تبادلہ خیال کیا گیا۔ رپورٹ کے مطابق ایک گھنٹے سے زائد جاری رہنے والی اس ملاقات کا مقصد لبنان و خطے بھر کی پیشرفت سمیت تازہ ترین سیاسی و میدانی صورتحال کا جائزہ لینا تھا۔
آج صبح لبنانی صدر جوزف عون کے ساتھ اپنی ملاقات میں تھامس باراک کو واشنگٹن کے اُس منصوبے پر لبنانی جواب بھی موصول ہوا کہ جس میں ایک اہم شق "حزب اللہ کے تخفیف اسلحہ" سے متعلق ہے۔ آج صبح بیروت پہنچنے کے بعد لبنان میں امریکی سفیر لیزا جانسن کے ہمراہ شام و لبنان کے لئے امریکی ایلچی نے صدر جوزف عون کے ساتھ بھی ملاقات کی تھی جس کے بعد میڈیا کے ساتھ گفتگو میں تھامس باراک کا کہنا تھا کہ میں لبنان کے جواب پر خوش ہوں! امریکی ایلچی نے مزید کہا کہ میں لبنان کے ردعمل پر مطمئن ہوں جبکہ مستقبل کے لائحہ عمل کی تشکیل کے لئے مزید بات چیت کی ضرورت ہے!
ذریعہ
ذریعہ: Islam Times
کلیدی لفظ: امریکی ایلچی لبنان کے کے ساتھ
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ