ایف پی سی سی آئی میں وفاقی بجٹ کانفرنس کا انعقاد
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( کامرس رپورٹر) فیڈریشن آف پاکستان چیمبرز آف کامرس اینڈ انڈسٹری کے تحت ایک اہم وفاقی بجٹ کانفرنس فیڈریشن ہاؤس کراچی میں منعقد ہوئی جس کی صدارت قائم مقام صدر، ایف پی سی سی آئی، ثاقب فیاض مگوں نے کی۔ کانفرنس کا مقصد بجٹ 2025-26 میں موجود تکنیکی مسائل کو اجاگر کرنا اور ان کے فوری حل کے لیے تجاویز پیش کرنا تھا۔ اس کانفرنس میں ملک بھر سے مختلف شعبہ جات کی ٹر یڈ باڈیز، ایسوسی ایشنز اور چیمبرز کے نمائندوں نے بڑی تعداد میں فیزیکلی اور آن لائن شرکت کی۔ قائم مقام صدر، ایف پی سی سی آئی، ثاقب فیاض مگوں نے شرکاء کو آگاہ کیا کہ سیلز ٹیکس ایکٹ 1990 کے اندر متعارف کرائے گئے قوانین جیسے کہ ای انوائسنگ اور ای بلٹی کو ہر کنسائمنٹ پر لاگو کرنا عملی طور پر ممکن نہیں ہے۔ انہوں نے واضح کیا کہ بزنس کمیونٹی نئے سیکشنز 37A اور 37AA کو مسترد کرتی ہے ؛کیونکہ یہ دیانتدار ٹیکس دہندگان کو بھی مجرموں کی طرح پیش کرتی ہیں۔ انہوں نے کہا کہ ایف بی آر اپنے ٹیکس اہداف حاصل کرنے میں ناکام رہا ہے اور اب قانونی طور پر رجسٹرڈ اور قانون پر عمل کرنے والے کاروباری افراد کو گرفتار کر کے جیل بھیجا جا رہا ہے ؛جو کہ سراسر ناانصافی ہے۔ایف پی سی سی آئی کے نائب صدر آصف سخی نے کہا کہ تاجر برادری حکومت سے تعاون کے لیے تیار ہے ؛لیکن اس کی قیمت عزت نفس اور وقار کی قربانی نہیں ہو سکتی۔
.ذریعہ: Jasarat News
کلیدی لفظ: ایف پی سی سی ا ئی
پڑھیں:
ایف بی آر اصلاحات، ٹیکس نظام میں بہتری اور اداروں کی تنظیمِ نو پر کابینہ کمیٹی کا اجلاس
وفاقی حکومت کی تنظیمِ نو اور رائٹ سائزنگ سے متعلق کابینہ کمیٹی کا اہم اجلاس وزارتِ خزانہ میں وزیر خزانہ و ریونیو سینیٹر محمد اورنگزیب کی زیر صدارت منعقد ہوا، جس میں وفاقی وزیر توانائی سردار اویس لغاری سمیت مختلف وزارتوں اور ڈویژنز کے اعلیٰ حکام نے شرکت کی۔
اجلاس میں پاور ڈویژن کی جانب سے پاور پلاننگ اینڈ مانیٹرنگ کمپنی پر تفصیلی بریفنگ دی گئی۔ حکام نے بتایا کہ یہ کمپنی بجلی کے شعبے میں منصوبہ بندی، کارکردگی کی نگرانی، اور بین الشعبہ جاتی ہم آہنگی کے لیے ایک تکنیکی بنیاد فراہم کر رہی ہے، جسے مزید مؤثر اور سائنسی خطوط پر استوار کیا جا رہا ہے۔
لا ڈویژن کی جانب سے بھی اپنی کارکردگی، جاری تنظیم نو اور ادارہ جاتی اصلاحات سے متعلق ابتدائی بریفنگ دی گئی۔ بریفنگ میں بتایا گیا کہ موجودہ ڈھانچے میں اختیارات کے دہرا پن کو ختم کرتے ہوئے سادہ، مؤثر اور نتائج پر مبنی ماڈل اپنایا جا رہا ہے تاکہ سروس ڈیلیوری بہتر بنائی جا سکے۔
مزید پڑھیں: پاکستانی معیشت استحکام کی جانب گامزن، یہ سفر منزل کی طرف ہے، محمد اورنگزیب
اجلاس میں جناب سلمان احمد (ایمبیسیڈر ایٹ لارج) کی سربراہی میں قائم سب کمیٹی کی ریونیو ڈویژن سے متعلق سفارشات کا بھی جائزہ لیا گیا۔ ان سفارشات میں انتظامی اصلاحات، انسانی وسائل کے مؤثر استعمال، اور قومی ترجیحات سے ہم آہنگی پیدا کرنے کے اقدامات تجویز کیے گئے۔
وزیر خزانہ محمد اورنگزیب نے اجلاس سے خطاب کرتے ہوئے کہا کہ فیڈرل بورڈ آف ریونیو پاکستان کے مالیاتی نظام میں ریڑھ کی ہڈی کی حیثیت رکھتا ہے، اور حکومت اس میں وسیع اصلاحات کے لیے پرعزم ہے۔ انہوں نے کہا کہ ٹیکس وصولی میں بہتری، شفافیت، اور جوابدہی کے اصولوں پر مبنی جدید ایف بی آر ہی مالیاتی خودکفالت کی بنیاد بن سکتا ہے۔
انہوں نے ہدایت دی کہ ایف بی آر میں کارکردگی پر مبنی انسانی وسائل کی پالیسیاں نافذ کی جائیں تاکہ ہر خرچ شدہ سرکاری روپیہ ٹیکس وصولی، قانون پر عملدرآمد اور عوامی سہولت میں حقیقی بہتری لانے کا باعث بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر اصلاحات، رائٹ سائزنگ کابینہ کمیٹی کا اہم اجلاس محمد اورنگزیب وزارت خزانہ وفاقی حکومت کی تنظیمِ نو
پاکستان ائیرپورٹ اتھارٹی کا کارگو چارجز میں 100 گنا اضافہ