شیر کے حملے میں زخمی افراد کو مالی امداد دینے کا فیصلہ
اشاعت کی تاریخ: 8th, July 2025 GMT
پنجاب کی سینئر وزیر مریم اورنگزیب کا کہنا ہے کہ حکومت نے چند روز قبل لاہور میں شیر کے حملے میں زخمی ہونے والے افراد کو مالی امداد دینے کا فیصلہ کیا ہے۔
ایک بیان میں سینئر صوبائی وزیر مریم اورنگزیب نے کہا کہ جوہر ٹاؤن میں شیر کے حملے زخمی ہونے والی خاتون اور دو بچوں کو فی کس پانچ پانچ لاکھ روپے امداد دینے کا فیصلہ کیا ہے۔
لاہور کے علاقے جوہر ٹاؤن میں واقع فارم ہاؤس کے شیر نے حملہ کرکے خاتون اور دو بچوں کو زخمی کردیا۔ واقعے کی سی سی ٹی وی فوٹیج بھی سامنے آگئی۔
یہ افراد چند روز قبل فارم ہاؤس کے ایک شیر کے حملے میں زخمی ہوگئے تھے۔
محکمہ وائلڈ لائف کی ٹیم نے شیر کو برآمد کرکے سفاری پارک منتقل کردیا تھا۔
.ذریعہ: Jang News
کلیدی لفظ: شیر کے حملے
پڑھیں:
راجن پور: سبیل کا دوددھ پینے سے بچوں اور خواتین سمیت 45 افراد کی حالت غیر
راجن پور(نیوز ڈیسک)راجن پور میں 9 محرم الحرام کے حوالے سے لگائی جانے والی سبیل سے مبینہ طور پر دودھ پینے سے بچوں اور خواتین سمیت 45 افراد کی حالت غیر ہو گئی۔
نیوز ڈیسک کے مطابق متاثرہ افراد کو ڈسٹرک ہیڈ کوارٹرز ہسپتال منتقل کر دیا گیا، مقامی ڈاکٹرز نے بتایا کہ دودھ میں بظاہر زہریلی مواد کی کوئی علامت نہیں ملی، تاہم لیبارٹری سے تحقیق کے بعد اصل حقائق سامنے آسکیں گے۔
ڈاکٹرز کے مطابق دودھ پینے سے ہسپتال پہچنے والے تمام افراد کو قے اور پیٹ میں تکلیف کا سامنا ہے۔
واضح رہے کہ ملک بھر میں شہدائے کربلا کی یاد میں 9 محرم الحرام انتہائی عقیدت و احترام سے منایا جارہا ہے، شہر شہر ماتمی جلوسوں نکالے جاتے ہیں جب کہ اس دوران نذو نیاز کا سلسلہ بھی جاری رہتا ہے۔
ایرانی سپریم لیڈر جنگ کے بعد پہلی مرتبہ منظر عام پر آگئے
پیوٹن اور ایمانوئل میکرون کا رابطہ، ایران کے ایٹمی پروگرام پر تفصیلی بات چیت