غزہ میں حماس کی مزاحمتی کارروائی، 5 اسرائیلی فوجی مارے گئے، قابض فوج کو بھاری نقصان
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
مقبوضہ بیت المقدس: غزہ میں حماس کی مزاحمتی کارروائی کے دوران 5اسرائیلی فوجی مارے گئے جب کہ قابض فوج کو بھاری نقصان بھی اٹھانا پڑا۔
فلسطین کے محصور علاقے غزہ میں جاری تنازع ایک بار پھر خطرناک رخ اختیار کر چکا ہے، جہاں شمالی غزہ کے بیت حانون نامی علاقے میں ہونے والی ایک شدید جھڑپ میں قابض صہیونی فوج کو ناقابل تلافی نقصان اٹھانا پڑا۔
خبر رساں اداروں کے مطابق گزشتہ رات کے اندھیرے میں اسرائیلی فوجی دستے جب علاقے میں معمول کے گشت پر مامور تھے تو انہیں ایک اچانک دھماکے نے نشانہ بنایا گیا، جس کے نتیجے میں کم از کم 5اسرائیلی فوجی موقع پر ہی ہلاک ہو گئے، جب کہ 14 دیگر شدید زخمی ہوئے۔
ابتدائی رپورٹس کے مطابق یہ دھماکا ایک روڈ سائیڈ بم سے ہوا، جسے حماس کے عسکری ونگ نے نصب کیا تھا۔ اسرائیلی حکام نے واقعے کی تصدیق کرتے ہوئے بتایا ہے کہ دھماکے کے فوری بعد علاقے میں شدید فائرنگ کا تبادلہ بھی ہوا، جس میں زخمیوں کو نکالنے کی کوشش کرنے والے اہلکاروں کو شدید مزاحمت کا سامنا کرنا پڑا۔
زخمی فوجیوں کو ہیلی کاپٹرز کے ذریعے اسپتال منتقل کر دیا گیا ہے، جن میں سے 2 کی حالت تشویشناک بتائی جا رہی ہے۔
اسرائیلی فوج کے مطابق یہ علاقہ پہلے ہی فضائی حملوں کی زد میں رہا ہے اور وہاں عسکری تنصیبات کو نشانہ بنایا گیا تھا،لیکن پیدل گشت کے دوران اہلکار ایک ایسے مقام پر داخل ہوئے جہاں پہلے سے نصب دھماکا خیز مواد موجود تھا۔
واقعے کے بعد پورے علاقے میں سرچ آپریشن جاری ہے، جب کہ اسرائیلی فضائیہ نے بھی مشتبہ مقامات پر حملے تیز کر دیے ہیں۔
واضح رہے کہ دوسری جانب قطر کے دارالحکومت دوحا میں اسرائیل اور حماس کے درمیان جاری جنگ بندی مذاکرات کا پہلا مرحلہ مکمل ہو چکا ہے، تاہم کوئی حتمی پیش رفت سامنے نہیں آئی۔
ان مذاکرات میں امریکی صدر ڈونلڈ ٹرمپ کے خصوصی ایلچی اسٹیو وٹکوف کی آئندہ شرکت متوقع ہے، جس سے ممکنہ طور پر مذاکراتی عمل کو نئی سمت دی جا سکتی ہے۔ ذرائع کے مطابق امریکا کی جانب سے 60 دن کے لیے عارضی جنگ بندی کی تجویز پیش کی گئی ہے جس کے تحت حماس 10 یرغمالیوں کو زندہ واپس کرے گی جبکہ بعض مقتول یرغمالیوں کی میتیں بھی حوالے کی جائیں گی۔ اس کے بدلے میں اسرائیل درجنوں فلسطینی قیدیوں کو رہا کرنے پر غور کرے گا۔
حماس کی مذاکراتی ٹیم نے صرف قیدیوں کی رہائی پر اکتفا نہیں کیا بلکہ انہوں نے اقوام متحدہ کی نگرانی میں انسانی امداد کی تقسیم، اسرائیلی افواج کے مکمل انخلا کی ضمانت اور مستقبل میں دوبارہ حملوں سے گریز کی واضح یقین دہانی جیسے اہم مطالبات بھی رکھے ہیں۔ ان شرائط پر فی الحال کوئی معاہدہ طے نہیں پا سکا، تاہم بات چیت کا عمل جاری رکھنے پر دونوں فریق متفق ہیں۔
.
ذریعہ
ذریعہ: Jasarat News
کلیدی لفظ: اسرائیلی فوجی اسرائیلی فوج علاقے میں کے مطابق
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ