ممکنہ سیلابی صورتحال، گلگت بلتستان میں تمام محکموں کو الرٹ کر دیا گیا
اشاعت کی تاریخ: 8th, July 2025 GMT
وزیر اعلیٰ گلگت بلتستان حاجی گلبر خان نے گرمی کی شدت میں اضافے کی وجہ سے گلیشیرز پگھلنے کے نتیجے میں مختلف علاقوں میں سیلاب اور دریاؤں کی سطح میں اضافے کی وجہ سے درپیش سیلابی صورتحال کے پیش نظر گلگت بلتستان ڈیزاسٹر مینجمنٹ اتھارٹی (GBDMA) ضلعی انتظامیہ سمیت تمام متعلقہ محکموں کو الرٹ رہنے کے احکامات دیئے ہیں۔ اسلام ٹائمز۔ وزیر اعلی گلگت بلتستان حاجی گلبر خان نے ممکنہ سیلابی صورتحال کے پیش نظر متعلقہ محکموں کو الرٹ رہنے کے احکامات جاری کیے ہیں۔ سرکاری بیان کے مطابق وزیر اعلیٰ گلگت بلتستان حاجی گلبر خان نے گرمی کی شدت میں اضافے کی وجہ سے گلیشیرز پگھلنے کے نتیجے میں مختلف علاقوں میں سیلاب اور دریاؤں کی سطح میں اضافے کی وجہ سے درپیش سیلابی صورتحال کے پیش نظر گلگت بلتستان ڈیزاسٹر مینجمنٹ اتھارٹی (GBDMA) ضلعی انتظامیہ سمیت تمام متعلقہ محکموں کو الرٹ رہنے کے احکامات دیئے ہیں۔ وزیر اعلیٰ نے کہا ہے کہ ڈپٹی کمشنرز اور متعلقہ آفیسران ممکنہ سیلاب کی وجہ سے ہونے والے نقصانات سے بچاؤ کیلئے بروقت اقدامات کریں۔ محکمے کسی بھی ہنگامی صورتحال میں بروقت ریسکیو اور بحالی کے عمل کو شروع کرنے کیلئے تمام وسائل بروئے کار لائیں۔
.ذریعہ: Islam Times
کلیدی لفظ: میں اضافے کی وجہ سے سیلابی صورتحال محکموں کو الرٹ گلگت بلتستان وزیر اعلی
پڑھیں:
این ڈی ایم اے اور صوبائی ادارے فوری ایکشن میں آ جائیں، سیلابی خطرے پر تیاری مکمل رکھی جائے، وزیراعظم
وزیرِ اعظم محمد شہباز شریف نے ملک کے مختلف حصوں میں جاری شدید بارشوں اور ممکنہ سیلابی خطرات کے پیش نظر نیشنل ڈیزاسٹر مینجمنٹ اتھارٹی (NDMA)، صوبائی حکومتوں، ریسکیو اداروں اور مقامی انتظامیہ کو ہائی الرٹ رہنے کی ہدایت دے دی ہے۔
وزیراعظم آفس کے مطابق وزیرِ اعظم نے دریائے سندھ اور دیگر دریاؤں کے کنارے آباد علاقوں میں فوری حفاظتی اقدامات نافذ کرنے کا حکم دیا ہے۔ NDMA کو صوبائی ڈیزاسٹر مینجمنٹ اتھارٹیز (PDMAs) سے مزید قریبی اور مؤثر تعاون یقینی بنانے کی ہدایت کی گئی ہے۔
وزیراعظم نے پاکستان ٹیلی کمیونیکیشن اتھارٹی (PTA) کو ہدایت کی ہے کہ عوام کو حقیقی وقت (real-time) میں بارش، طوفان اور سیلابی صورتحال کے بارے میں آگاہ رکھنے کے لیے تمام دستیاب ذرائع استعمال کیے جائیں۔
مزید پڑھیں: آئندہ 6 سے 12 گھنٹوں کے دوران شدید بارشوں، طوفانی ہواؤں سیلابی صورتحال کا خطرہ
تربیلا ڈیم کے سپل وے کھولنے کے باعث دریائے سندھ کے زیریں اضلاع میں طغیانی کا خدشہ ظاہر کیا گیا ہے۔ وزیراعظم نے تمام صوبائی حکومتوں کو حکم دیا ہے کہ وہ سیلابی علاقوں میں مؤثر عوامی آگاہی مہم فوری طور پر شروع کریں۔
نیشنل ایمرجنسی آپریشن سنٹر (NEOC) کو ہدایت کی گئی ہے کہ وہ میڈیا کے ذریعے اونچے، درمیانے اور کم درجے کے خطرات والے علاقوں کی وضاحت کرے تاکہ عوام کو بروقت و درست انتباہ دیا جا سکے۔
وزیرِ اعظم نے واضح کیا کہ NDMA یہ یقینی بنائے کہ تمام صوبائی حکومتیں اور متعلقہ ادارے پیشگی تیاری مکمل رکھیں اور کسی بھی ہنگامی صورتحال سے نمٹنے کے لیے فوری ردعمل کی صلاحیت رکھتے ہوں۔
وزیرِ اعظم نے کہا کہ عوام کی جان و مال کا تحفظ ریاست کی اولین ذمہ داری ہے، لہٰذا تمام ادارے کسی قسم کی غفلت کے بغیر پوری مستعدی سے اپنی ذمہ داریاں ادا کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
NDMA تربیلا ڈیم سیلاب شدید بارشیں طوفانی ہوائیں وزیر اعظم محمد شہباز شریف
کراچی، پولیس وردیوں میں ملبوس 6 جعلی اہلکار گرفتار