ڈی ہاڈ اور پاکستان ایسوسی ایشن دبئی کے درمیان اسٹریٹجک معاہدہ،
اشاعت کی تاریخ: 8th, July 2025 GMT
دبئی(اُردو پوائنٹ اخبارتازہ ترین۔ 9 جولائی 2025ء) ڈی ہاڈ سسٹین ایبل آرگنائزیشن نے پاکستان ایسوسی ایشن دبئی کے ساتھ ایک اسٹریٹجک مفاہمتی یادداشت (ایم او یو) پر دستخط کیے ہیں، جس کا مقصد متحدہ عرب امارات اور اس سے آگے انسانی خدمت اور صحت کے شعبوں میں پائیدار اور طویل المدتی تعاون کو فروغ دینا ہے۔ یہ شراکت ہنگامی امداد سے ترقیاتی ماڈل کی جانب منتقلی کی عکاسی کرتی ہے، جس میں پائیداری، تعلیم، اور صلاحیت سازی کو مرکزی حیثیت حاصل ہے۔
معاہدے کے تحت دونوں ادارے مشترکہ طور پر صحت، تعلیم اور کمیونٹی ڈیولپمنٹ کے شعبوں میں اقدامات کا آغاز کریں گے۔ اس میں پاکستان میڈیکل سینٹر کی معاونت بھی شامل ہے، جس میں طبی سامان، ادویات کی فراہمی شامل ہوگی، تاکہ مرکز تمام قومیتوں سے تعلق رکھنے والے افراد کو مفت طبی سہولیات فراہم کر سکے۔(جاری ہے)
آنے والے منصوبوں میں تکنیکی تربیت، رضاکارانہ پروگرام، آگاہی سیشنز اور علم کے تبادلے جیسے اقدامات بھی شامل ہیں، جن کا مقصد کمیونٹیز کو طویل مدت میں خود مختار بنانا ہے۔
اس موقع پر ڈی ہاڈ کے ڈائریکٹر جنرل خالد العطار نے کہا کہ ان کی تنظیم صرف امداد فراہم کرنے پر نہیں بلکہ جامع ترقیاتی نظام کی تشکیل پر یقین رکھتی ہے، تاکہ کمیونٹیز خود کفیل بن سکیں۔ انہوں نے اس شراکت داری کو عالمی تعاون اور پائیدار انسانی خدمت کے وژن کا عملی نمونہ قرار دیا۔ ڈاکٹر فیصل اکرام، صدر پاکستان ایسوسی ایشن دبئی، نے کہا کہ یہ اشتراک صحت، تعلیم اور فلاح و بہبود کے شعبوں میں مشترکہ عزم اور حکمت عملی کی عکاسی کرتا ہے۔ ان کے مطابق اس تعاون کے ذریعے ادارے مقامی اور عالمی سطح پر اپنے اثرات میں وسعت لائیں گے۔ یاد رہے کہ مذکورہ معاہدہ جدید انسانی امداد کو شاملاتی، طویل مدتی اور ترقیاتی پہلوؤں پر مبنی بنانے کی کوشش ہے، جو ڈی ہاڈ کے عالمی مشن سے ہم آہنگ ہے۔ ڈی ہاڈ اب تک 197 ممالک میں 22.9 ملین سے زائد افراد کو خدمات فراہم کر چکا ہے، جس میں 967 سے زائد شراکتیں اور 1.4 ارب یورو مالیت کے منصوبے شامل ہیں۔ تنظیم عالمی فورمز کی میزبانی بھی کرتی ہے اور حال ہی میں مصر میں اسمارٹ لرننگ روم جیسے منصوبے بھی شروع کیے گئے ہیں۔ پاکستان ایسوسی ایشن دبئی، پاکستانی کمیونٹی کی نمائندگی کرنے والی واحد لائسنس یافتہ تنظیم ہے اور خطے میں اپنی نوعیت کی پہلی غیر منافع بخش طبی سہولت بھی چلا رہی ہے۔ ادارے کی خدمات میں صحت، تعلیم اور وطن واپسی کی معاونت شامل ہیں۔
ذریعہ: UrduPoint
کلیدی لفظ: تلاش کیجئے پاکستان ایسوسی ایشن دبئی
پڑھیں:
آل راؤنڈر عماد وسیم ورلڈ چیمپئن شپ آف لیجنڈز کے لیے اسکواڈ میں شامل
پاکستان چیمپئنز نے آل راؤنڈر عماد وسیم کو ورلڈ چیمپئن شپ آف لیجنڈز کے دوسرے ایڈیشن کے لیے اپنی اسکواڈ میں شامل کرنے کا اعلان کیا ہے۔ یہ ٹورنامنٹ رواں ماہ کے آخر میں برطانیہ کے شہر برمنگھم میں منعقد ہوگا۔
فرنچائز کی جانب سے سوشل میڈیا پر جاری کردہ بیان میں کہا گیا، ‘ہم عماد وسیم کا پاکستان چیمپئنز میں خیرمقدم کرتے ہیں — ایک آل راؤنڈر جو جذبہ، تجربہ اور کارکردگی کا مجموعہ ہے۔’
یہ بھی پڑھیے: سکندر رضا کو پیسوں کے لیے کھیلنے کا طعنہ دینے پر عماد وسیم تنقید کی زد میں
36 سالہ عماد وسیم 36 سالہ اب تک394 ٹی 20 میچز کھیل چکے ہیں اور اس دوران 75 مرتبہ قومی ٹیم کی نمائندگی بھی کر چکے ہیں۔ انہوں نے ٹی 20 کیریئر میں 4148 رنز بنائے جن میں 12 نصف سنچریاں شامل ہیں جبکہ 365 وکٹیں بھی حاصل کیں۔
یاد رہے کہ رواں ہفتے ہی پاکستان چیمپئنز نے سابق آل راؤنڈر محمد حفیظ کو ٹیم کا کپتان مقرر کیا ہے۔
ورلڈ چیمپئن شپ آف لیجنڈز میں 6 ممالک، پاکستان، بھارت، آسٹریلیا، جنوبی افریقہ، انگلینڈ اور ویسٹ انڈیز کے ریٹائرڈ اسٹارز شریک ہوں گے۔
یہ بھی پڑھیے: ورلڈ چیمپیئن شپ آف لیجنڈز کا ٹائٹل بھارت نے پاکستان کو ہرا کر اپنے نام کرلیا
پاکستان نے گزشتہ سال اس ٹورنامنٹ کے پہلے ایڈیشن میں شاندار کارکردگی کا مظاہرہ کیا تھا اور رنرز اپ رہا تھا۔ فائنل میں پاکستان نے بھارت کو 157 رنز کا ہدف دیا، جو بھارت نے 19.1 اوورز میں 5 وکٹوں سے کامیابی کے ساتھ حاصل کر لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل راؤنڈر عماد وسیم کرکٹ کھیل
اسرائیل نے ایرانی سائنسدانوں کو ایک ساتھ قتل کرنے کیلیے 15 سال تک نگرانی کی