ٹرمپ انتظامیہ کا چینی باشندوں کی امریکی زرعی زمینوں کی خرید پر پابندی کا اعلان
اشاعت کی تاریخ: 9th, July 2025 GMT
ٹرمپ انتظامیہ نے چینی شہریوں اور دیگر مخالف ممالک کے باشندوں کی جانب سے امریکی زرعی زمینوں کی خریداری روکنے کے لیے اقدامات کا اعلان کر دیا ہے۔ یہ اقدام قومی سلامتی کے تحفظ کے طور پر اٹھایا گیا ہے۔
امریکی محکمہ زراعت (USDA) نے 7 نکاتی نیشنل فارم سیکیورٹی ایکشن پلان جاری کیا ہے، جس کے تحت کانگریس اور ریاستی حکومتوں سے قانون سازی اور صدارتی ایگزیکٹو آرڈرز کی درخواست کی جائے گی تاکہ چین جیسے دشمن ممالک کی جانب سے امریکی زرعی زمینوں کی خرید و فروخت یا کنٹرول کو روکا جا سکے۔
وزیر زراعت بروک رولنز کے مطابق، غیر ملکی حکومتیں اور ادارے امریکی خوراکی نظام کو کمزور کرنے کی کوشش کر رہے ہیں۔ ان کا کہنا تھا کہ ہماری زراعت نہ صرف خوراک کی فراہمی کا ذریعہ ہے بلکہ قومی سلامتی کا ستون بھی ہے۔
مزید پڑھیں:چین امریکا کی ٹیرف وار کا مقابلہ کرنے کی صلاحیت رکھتا ہے، مسعود خان
رولنز نے بتایا کہ چینی شہریوں سے خریدی گئی زرعی زمین واپس لینے کی کوشش بھی کی جا رہی ہے، اور اب تک 7 غیر ملکی معاہدے منسوخ کیے جا چکے ہیں، جبکہ 70 غیر ملکی شہریوں کے USDA سے معاہدے فوری ختم کر دیے گئے ہیں۔ مزید 550 ادارے زیرِ جائزہ ہیں۔
پریس کانفرنس میں اٹارنی جنرل پم بانڈی اور سیکرٹری دفاع پیٹ ہیگستھ نے بھی شرکت کی۔ ہیگستھ نے کہا کہ وہ اس بات پر نظر رکھیں گے کہ کون سی زمین ہماری فوجی تنصیبات کے قریب خرید رہا ہے۔
واضح رہے کہ USDA کی 2023 رپورٹ کے مطابق چینی سرمایہ کاروں کی ملکیت میں 2 لاکھ 77 ہزار ایکڑ زرعی اراضی ہے، جو ملک میں غیر ملکی ملکیت والی زمین کا ایک فیصد سے بھی کم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پابندہ ٹرمپ چین زرعی زمین.ذریعہ: WE News
کلیدی لفظ: امریکا پابندہ چین غیر ملکی
پڑھیں:
اسلام آباد: ٹریفک پولیس کا ناکوں پر لرنر پرمٹ بنا کر دینے کا اعلان
ویب ڈیسک : آئی جی اسلام آباد کی ہدایت پر ٹریفک پولیس نے شہریوں کی سہولت کے لیے اہم قدم اٹھاتے ہوئے ٹریفک نظام کو مزید مؤثر اور جدید بنانے کا عمل شروع کر دیا ہے.
ڈرائیونگ لائسنس مہم کے دوسرے مرحلے میں ٹریفک پولیس نے اسلام آباد کے ناکوں پر ہی لرنر پرمٹ بنا کر دینے کا اعلان کیا ہے۔
سی ٹی او حمزہ ہمایوں کا کہنا ہے کہ شہری ناکوں پر موجود سہولت وینز سے پرمٹ حاصل کر سکیں گے۔ اسلام آباد ٹریفک پولیس کی سہولت وینز 4 ناکوں پر موجود ہوں گی، زیرو پوائنٹ، فیض آباد، جی 14 اورفارن آفس ناکوں پر سہولت ہو گی۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
ان کا مزید کہنا تھا کہ ڈرائیونگ لائسنس نہ رکھنے والے شہری لرنر پرمٹ حاصل کر سکتے ہیں، لائسنس یا پرمٹ نہ رکھنے والے شہریوں کو موقع پر پرمٹ دیا جائے گا۔
انہوں نے کہا کہ ناکوں پر موجود ٹریفک پولیس اہلکار گاڑیوں کے لائسنس چیک کر رہے ہیں تاکہ غیر لائسنس یافتہ ڈرائیونگ کی حوصلہ شکنی کی جا سکے۔
سی ٹی او نے مزید کہا کہ اسلام آباد ٹریفک پولیس شہریوں کو آسان اور شفاف سہولیات فراہم کرنے کے لیے پرعزم ہے، یہ مہم شہریوں میں ڈرائیونگ کے حوالے سے شعور اجاگر کرنے میں اہم کردار ادا کرے گی۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
کوئٹہ، خاتون ٹیچر کے قتل میں ملوث مرکزی ملزم گرفتار