کون سی 4 کمپنیوں کو پی آئی اے کی خریداری کے لیے اہل قرار دیا گیا ہے؟
اشاعت کی تاریخ: 9th, July 2025 GMT
قومی ایئرلائن کی نجکاری کے عمل میں بڑی پیشرفت ہوئی ہے اور نجکاری کمیشن نے پی آئی اے کی خریداری میں دلچسپی رکھنے والی 5 کمپنیوں کی اہلیت کا جائزہ لینے کے بعد 4 کمپنیوں کو پہلے مرحلے میں ہی اہل قرار دے دیا ہے۔ ان کمپنیوں کو اب ڈیو ڈیلیجنس کے مرحلے میں پی آئی اے کے حوالے سے تفصیلی بریفنگ دی جائے گی۔
یہ بھی پڑھیں: پی آئی اے نجکاری: واحد کمپنی بلیو ورلڈ سٹی نے ریزور سے کم بولی لگادی، معاملہ ملتوی
مشیر نجکاری محمد علی کی زیر صدارت نجکاری کمیشن بورڈ نے پیشگی قابلیت کمیٹی کی سفارشات پر پی آئی اے کی خریداری میں دلچسپی کا اظہار کرنے والی 5 کمپنیوں کی اہلیتی دستاویزات کا جائزہ لیا، اور مکمل جانچ پڑتال کے بعد 4 سرمایہ کار کمپنیوں کو خریداری کے لیے اہل قرار دے دیا۔
پی آئی اے چونکہ ایک بڑی ایئرلائن ہے اس لیے اس کی خریداری کے لیے مختلف کمپنیاں مل کر حصہ لیتی ہیں۔ ان کمپنیوں کے ملنے کو کنسورشیم کا نام دیا جاتا ہے۔ اس وقت جن 4 کنسورشیمز کو پی آئی اے کی خریداری کے لیے اہل قرار دیا گیا ہے، ان میں سے پہلے کنسورشیم میں لکی سیمنٹ لمیٹڈ، حب پاور ہولڈنگز لمیٹڈ، کوہاٹ سیمنٹ کمپنی لمیٹڈ اور میٹرو وینچرز لمیٹڈ شامل ہیں۔ دوسرے کنسورشیم میں عارف حبیب کارپوریشن لمیٹڈ، فاطمہ فرٹیلائزر کمپنی، سٹی اسکولز لمیٹڈ اور لیک سٹی ہولڈنگز شامل ہیں۔ اس کے علاوہ فوجی فرٹیلائزر بطور ایک کمپنی اور ایئربلیو بطور ایک الگ کمپنی کو پی آئی اے کی خریداری کے لیے اہل قرار دیا گیا ہے۔
یہ بھی پڑھیں: پی آئی اے کی نجکاری،اس بار کم سے کم بولی کیا ہوگی؟
حکومت کی جانب سے جاری اشتہار میں بتایا گیا ہے کہ حکومت پی آئی اے کے 51 سے 100 فیصد تک شیئرز فروخت کرنا چاہتی ہے۔ اس کے علاوہ پی آئی اے کے تمام اہم بزنسز فروخت کرنے کا ارادہ ہے۔ بزنسز میں مسافروں اور گراؤنڈ کی ہینڈلنگ، کارگو، فلائٹ کچن، فلائٹ انجینئرنگ اور فلائٹ ٹریننگ بھی شامل ہیں۔ نجکاری میں پی آئی اے کے اثاثے بھی فروخت کیے جائیں گے۔ پی آئی اے کو مغربی روٹس ملنے، نئے جہازوں کی خریداری میں سیلز ٹیکس کی چھوٹ ملنے اور اسٹاک ایکسچینج میں پی آئی اے کے شیئرز بڑھنے کے باعث اب پی آئی اے کی خریداری میں دلچسپی رکھنے والوں کی جانب سے اچھی آفر کی امید ہے۔
ملکی معیشت پر بڑا بوجھ بننے والی قومی ایئرلائن پی آئی اے کی نجکاری کی باتیں سنہ 2014 سے کی جا رہی ہیں، تاہم اب تک یہ عمل مکمل نہیں ہو سکا ہے۔ حکومت نے جلد نجکاری کے لیے پی آئی اے کا قرض کا بوجھ کم کرنے کے لیے 80 فیصد سے زائد قرض ایک اور کمپنی کو منتقل کر دیا اور ’پی آئی اے سی ایل‘ کے نام سے ایک الگ کمپنی تشکیل دی، جس پر قرض کا بوجھ بھی کم کیا گیا۔
یہ بھی پڑھیں: سپریم کورٹ: آئینی بینچ نے پی آئی اے کی نجکاری روکنے کا حکم واپس لے لیا
گزشتہ سال 31 اکتوبر کو ایک مرتبہ بولی کا بھی انعقاد کیا گیا، تاہم خریداری میں دلچسپی رکھنے والی صرف ایک کمپنی نے بولی میں حصہ لیا اور صرف 10 ارب روپے کی بولی لگائی۔ نجکاری کمیشن نے چونکہ پی آئی اے کی ریزرو قیمت 85 ارب 3 کروڑ روپے رکھی تھی، اس لیے بلیو ورلڈ کنسورشیم کی 10 ارب روپے کی بولی مسترد کر دی گئی، اور اب تک پی آئی اے کی نجکاری کا عمل مکمل نہیں ہو سکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئربلیو پی آئی اے حب پاور ہولڈنگز لمیٹڈ سٹی اسکولز لمیٹڈ عارف حبیب کارپوریشن لمیٹڈ فاطمہ فرٹیلائزر کمپنی فوجی فرٹیلائزر کوہاٹ سیمنٹ کمپنی لمیٹڈ لکی سیمنٹ لمیٹڈ لیک سٹی ہولڈنگز میٹرو وینچرز لمیٹڈ نجکاری.ذریعہ: WE News
کلیدی لفظ: ایئربلیو پی ا ئی اے عارف حبیب کارپوریشن لمیٹڈ فاطمہ فرٹیلائزر کمپنی فوجی فرٹیلائزر لکی سیمنٹ لمیٹڈ میٹرو وینچرز لمیٹڈ نجکاری خریداری کے لیے اہل قرار پی آئی اے کی خریداری خریداری میں دلچسپی کی خریداری کے لیے کی خریداری میں اے کی نجکاری پی آئی اے کے کمپنیوں کو گیا ہے
پڑھیں:
بھارتی کمپنی کے مورنگا پاؤڈر سے تیار امریکی سپلیمنٹس مارکیٹ سے واپس
امریکی ادارہ برائے خوراک و ادویات (FDA) نے مورنگا لیف پاؤڈر سے بنے غذائی سپلیمنٹس کو سالمونیلا (Salmonella) کے پھیلاؤ کے باعث مارکیٹ سے واپس بلانے کا حکم دے دیا۔
یہ بھی پڑھیں:شوگر کے مریضوں کے لیے مورنگا (سہانجنا) کے 6 حیرت انگیز فوائد
ایف ڈی اے کے مطابق ’میمبرز مارک سوپر گرینز‘ ڈائٹری سپلیمنٹ پاؤڈر کا استعمال فوری طور پر بند کر دیا جائے، کیونکہ اس میں شامل مورنگا لیف پاؤڈر کی ایک مخصوص کھیپ بھارت کے شہر جودھپور کی کمپنی ویلی فارم ڈائریکٹ سے درآمد کی گئی تھی، جس سے متعدد افراد بیمار ہوئے ہیں۔
Health officials said at least 11 people have been sickened with salmonella infections linked to powder supplements sold at Sam's Club stores nationwide and online. https://t.co/vjvyXqPnEK
— FOX 35 Orlando (@fox35orlando) November 1, 2025
یہ مصنوعات امریکا بھر میں سیمز کلب (Sam’s Club) اسٹورز اور آن لائن پلیٹ فارمز پر فروخت کی جا رہی تھیں۔
مرکزی تحقیقاتی ادارے (CDC) کے مطابق اب تک 7 امریکی ریاستوں، ورجینیا، فلوریڈا، کنساس، مشی گن، نیویارک، نارتھ اور ساؤتھ کیرولائنا میں 11 کیسز رپورٹ ہوئے ہیں، جن میں سے تین افراد کو اسپتال منتقل کیا گیا۔
یہ بھی پڑھیں:سہانجنہ درخت کے طبی فوائد
متاثرین میں سے بیشتر نے مورنگا لیف پاؤڈر پر مشتمل سپلیمنٹس استعمال کیے تھے، جبکہ ایک مریض کے گھر سے حاصل کیے گئے نمونے میں وہی سالمونیلا بیکٹیریا پایا گیا جو وبا کا سبب بن رہا ہے۔
ایف ڈی اے نے کہا ہے کہ آلودگی کے مقام اور دیگر متاثرہ مصنوعات کی نشاندہی کے لیے تحقیقات جاری ہیں۔ ادارے نے شہریوں کو متنبہ کیا ہے کہ وہ مذکورہ مصنوعات کو استعمال نہ کریں، کیونکہ سالمونیلا سے متاثرہ خوراک 12 سے 72 گھنٹے کے اندر فوڈ پوائزننگ کا سبب بن سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بھارتی کمپنی پابندی مورنگا
کیا پاکستان نے سلمان خان کو دہشت گرد قرار دیا ہے؟ حقیقت سامنے آگئی