غزہ میں قیامت، صیہونی فضائی حملوں میں بچوں سمیت 105 افراد شہید، 530 زخمی
اشاعت کی تاریخ: 9th, July 2025 GMT
شہریوں کو امداد، تحفظ اور طبی سہولیات تک رسائی میں شدید مشکلات کا سامنا ہے، شہداء کی مجموعی تعداد 57 ہزار 575 ہوگئی، 1 لاکھ 36 ہزار 879 افراد زخمی ہوئے۔ اسلام ٹائمز۔ غزہ میں قیامت، اسرائیلی فوج کی بربریت کا سلسلہ تاحال جاری ہے۔ عرب میڈیا کے مطابق گذشتہ 24 گھنٹوں میں اسرائیلی فضائی حملوں میں بچوں سمیت 105 افراد شہید، 530 سے زائد زخمی ہوگئے۔ شاتی کیمپ میں ایک حملے میں 8 افراد شہید ہوئے، دیر البلاح میں ایک گھر پر بمباری سے 2 افراد شہید ہوئے۔ عرب میڈیا کے مطابق خان یونس میں خیموں پر ڈرون حملے میں مزید 2 افراد شہید ہوئے، غزہ میں اموات کی تعداد میں مسلسل اضافہ ہو رہا ہے۔ شہریوں کو امداد، تحفظ اور طبی سہولیات تک رسائی میں شدید مشکلات کا سامنا ہے، شہداء کی مجموعی تعداد 57 ہزار 575 ہوگئی، 1 لاکھ 36 ہزار 879 افراد زخمی ہوئے۔
.ذریعہ: Islam Times
کلیدی لفظ: افراد شہید
پڑھیں:
اسرائیلی جارحیت میں شہید فلسطینیوں کی تعداد 57 ہزار سے متجاوز، عالمی ادارےخاموش
data-id="863a0a8" data-element_type="widget" data-widget_type="theme-post-content.default">
غزہ: اسرائیل کے غزہ پر جاری مظالم اور نسل کشی کی جنگ میں شہید فلسطینیوں کی تعداد57 ہزار 523 تک پہنچ گئی ہے جب کہ 136,617 سے زائد افراد زخمی ہو چکے ہیں۔
بین الاقوامی میڈیا رپورٹس کےمطابق فلسطین کی وزارتِ صحت کاکہنا ہےکہ تازہ اعداد و شمار جاری کرتے ہوئے بتایا کہ صرف گزشتہ 24 گھنٹوں کے دوران مزید 105 فلسطینی شہید اور 356 زخمی ہوئے۔
وزارتِ صحت کے مطابق متعدد شہداء کی لاشیں اب بھی ملبے تلے اور سڑکوں پر پڑی ہیں، جن تک امدادی کارکنوں کی رسائی ممکن نہیں ہو پا رہی کیونکہ اسرائیلی بمباری مسلسل جاری ہے اور ریسکیو ٹیموں کو نشانہ بنایا جا رہا ہے۔
واضح رہے کہ اسرائیل نے 18 مارچ کو جنگ بندی معاہدے اور قیدیوں کے تبادلے کی ڈیل کو توڑتے ہوئے غزہ پر ایک بار پھر حملے شروع کر دیے تھے، جس کے بعد سے اب تک 6,964 مزید فلسطینی شہید اور 24,576 زخمی ہو چکے ہیں۔
اسرائیل پر عالمی سطح پر دباؤ بڑھتا جا رہا ہے، گزشتہ نومبر میں بین الاقوامی فوجداری عدالت (ICC) نے اسرائیلی وزیر اعظم بن یامین نیتن یاہو اور سابق وزیر دفاع یوآف گیلنٹ کے خلاف جنگی جرائم اور انسانیت کے خلاف جرائم کے تحت گرفتاری کے وارنٹ جاری کیے تھے۔
اسی طرح اسرائیل کے خلاف غزہ میں نسل کشی کے مقدمے کی سماعت عالمی عدالت انصاف (ICJ) میں بھی جاری ہے، جس میں اسرائیل پر بین الاقوامی قوانین کی سنگین خلاف ورزیوں اور فلسطینیوں کے اجتماعی قتل عام کا الزام عائد کیا گیا ہے۔
اقوامِ متحدہ، انسانی حقوق کی تنظیمیں، اور بین الاقوامی میڈیا مسلسل اس جنگ کو “نسل کشی” اور “انسانی بحران” قرار دے رہے ہیں، عالمی برادری کی جانب سے عملی اقدامات کی کمی پر شدید تشویش پائی جا رہی ہے۔
غزہ میں صورتحال بدترین انسانی المیے میں تبدیل ہو چکی ہے، صحت کے مراکز، اسپتال، پناہ گاہیں اور تعلیمی ادارے مکمل طور پر تباہ کیے جا چکے ہیں جب کہ خوراک، پانی، اور ادویات کی شدید قلت ہے۔
پائیدار ترقی کو لاحق خطرات سے نمٹنے کے عزائم کے ساتھ سیویل کانفرنس کا اختتام