فلپائن ایئر فورس میں تاریخ رقم کرنے والی پہلی مسلم خاتون پائلٹ سے ملیں
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
فلپائن کے جنوبی مسلم اکثریتی علاقے سولو سے تعلق رکھنے والی روزماواتی ریمو دیگر مسلم خواتین کے لیے مشعل راہ بن گئی ہیں۔
عالمی خبر رساں ادارے کے مطابق کرنل روزماواتی ریمو فلپائن کی پہلی مسلم خاتون پائلٹ ہیں، جنہوں نے 2,000 گھنٹوں سے زائد فضا میں گزارے۔ اس دوران انہوں نے متعدد سرچ اینڈ ریسکیو، امدادی، بحالی اور اسکائی ڈائیونگ مشنز میں حصہ لے کر ایک نئی تاریخ رقم کی۔
روایتی خاندان سے تعلق رکھنے والی روزماواتی نے کچھ مختلف کرنے کی ٹھانی اور 1998 میں فلپائن ایئر فورس میں شمولیت اختیار کر کے پہلی مسلم خاتون پائلٹ بننے کا اعزاز حاصل کیا۔
ان کی پیشہ ورانہ مہارت اور خدمات کے اعتراف میں فلپائنی حکومت نے حال ہی میں انہیں ایک نمایاں فوجی اعزاز سے بھی نوازا۔
عرب نیوز سے گفتگو میں روزماواتی نے بتایا کہ ان کے والد اسکول کے ہیڈ ماسٹر تھے اور چاہتے تھے کہ وہ بھی تدریس کے شعبے کو اپنائیں۔ جب انہوں نے فوج میں شمولیت کی خواہش ظاہر کی تو والد اور اہل خانہ حیران رہ گئے، مگر بعد میں والد نے نہ صرف ان کے فیصلے کی حمایت کی بلکہ ہر قدم پر ان کا ساتھ بھی دیا۔
.ذریعہ: Jasarat News
پڑھیں:
جزیرے پر تنہا رہ جانے والی آسٹریلوی خاتون چل بسی
آسٹریلوی خاتون کو کروز جہاز دور دراز جزیرے پر تنہا چھوڑ آیا، جس کے سبب اس کی موت ہوگئی۔
غیر ملکی میڈیا رپورٹس کے مطابق سوزین نامی 80 سالہ آسٹریلوی خاتون کروز جہاز پر 60 دنوں کے سفر پر تھی، تاہم کروز جہاز کی غلطی کے سبب گریٹ بیریئر ریف کے جزیروں میں سے ایک لیزرڈ جزیرے پر تنہار رہ گئی۔
میڈیا رپورٹس کے مطابق یہ المناک واقعہ 24 اکتوبر کو اس وقت پیش آیا جب خاتون آسٹریلوی شہر کیرنز کے شمال میں 250 کلومیٹر (155 میل) کے فاصلے پر لیزرڈ جزیرے پر پیدل سفر کر رہی تھی۔
میڈیا رپورٹس کے مطابق خاتون جزیرے کی سب سے اونچی چوٹی، کُکز لُک پر اپنے گروپ کے ہمراہ ہائیکنگ پر گئی۔ تاہم تھکاوٹ کے سبب اس نے آرام کا فیصلہ کیا۔
میڈیا رپورٹس کے مطابق کروز جہاز کا عملہ غروب آفتاب کے وقت جزیرے سے روانہ ہوا، کئی گھنٹے گزر جانے کے بعد جب عملے کو معلوم ہوا کہ خاتون لاپتہ ہے، تو انہوں نے جزیرے پر واپس آکر اس کی تلاش شروع کی اور اگلی صبح (بروز اتوار) اس کی لاش ملی۔
کوئنز لینڈ پولیس نے خاتون کی موت کو اچانک اور غیر مشکوک قرار دیا ہے۔
میڈیا رپورٹس کے مطابق کورل ایڈونچر نامی یہ کروز جہاز 2 نومبر کو واپس لوٹے گا جس کے بعد باقائدہ تحقیقات کا آغاز کیا جائے گا۔
آسٹریلوی میری ٹائم سیفٹی اتھارٹی کے مطابق اس واقعے کی تحقیقات کی جائیں گی اور یہ معلوم کیا جائے گا کہ بورڈنگ کے دوران مسافروں کا حساب کیوں نہیں رکھا گیا۔
کیریبین جزائر میں رواں سال کا طاقتور ترین طوفان داخل، 3 افراد ہلاک