ٹک ٹاک اکاؤنٹ ڈیلیٹ نہ کرنے پر بیٹی کو قتل کرنے والا باپ گرفتار
اشاعت کی تاریخ: 10th, July 2025 GMT
راولپنڈی میں میٹرک کی طالبہ مہک شہزادی کے قتل کے معاملے میں اہم پیشرفت سامنے آئی ہے۔ پولیس نے مقتولہ کے والد محمد اخلاق کو گرفتار کر لیا ہے، جس پر الزام ہے کہ اس نے اپنی بیٹی کو ٹک ٹاک اکاؤنٹ ڈیلیٹ نہ کرنے پر فائرنگ کر کے قتل کر دیا۔
یہ بھی پڑھیں:ٹک ٹاک اکاؤنٹ ڈیلیٹ نہ کرنے پر باپ نے 16 سالہ بیٹی کو قتل کردیا
پولیس کے مطابق، ملزم اخلاق مہک سے بار بار ٹک ٹاک اکاؤنٹ ختم کرنے کا مطالبہ کرتا رہا، اور انکار پر اس نے انتہائی اقدام اٹھاتے ہوئے اسے موت کے گھاٹ اتار دیا۔
پولیس نے ملزم کو کچھ دیر میں تھانہ روات منتقل کرنے کا فیصلہ کیا ہے، جبکہ اس کے قبضے سے آلہ قتل پستول بھی برآمد کر لیا گیا ہے۔
راولپنڈی پولیس نے ملزم کی گرفتاری کے لیے 3 ٹیمیں تشکیل دی تھیں، جن میں ایک ٹیم کی سربراہی ایس ایچ او روات زاہد ظہور، دوسری کی ہومیسائیڈ انوسٹی گیشن یونٹ کے انچارج جمال کے سپرد تھی، جبکہ تیسری خصوصی ٹیم ایک سینئر پولیس افسر کی سربراہی میں روانہ کی گئی تھی۔
یہ بھی پڑھیں:’آئندہ ڈالا کلچر یا اسلحے کی نمائش نہیں کروں گا‘، ٹک ٹاکر کاشف ضمیر نے توبہ کرلی، ویڈیو وائرل
ان تینوں ٹیموں کی مجموعی نگرانی ایس پی صدر نبیل کھوکھر کو سونپی گئی تھی، جنہوں نے اس آپریشن کی مکمل نگرانی کی۔ پولیس کا کہنا ہے کہ ملزم سے مزید تفتیش جاری ہے اور اس افسوسناک واقعے کے تمام پہلوؤں کا جائزہ لیا جا رہا ہے۔
یاد رہے کہ گزشتہ روز راولپنڈی کے علاقے ڈھوک چوہدریاں تخت پڑی، تھانہ روات کی حدود میں غیرت کے نام پر لرزہ خیز واقعہ پیش آیا تھا جہاں باپ نے ٹک ٹاک اکاؤنٹ ڈیلیٹ نہ کرنے پر اپنی ہی بیٹی، میٹرک کی طالبہ مہک شہزادی کو گولی مار کر قتل کر دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تھانہ روات ٹک ٹاپ راولپنڈی ڈھوک چوہدریاں قاتل باپ مہک شہزادی.ذریعہ: WE News
کلیدی لفظ: تھانہ روات قاتل باپ مہک شہزادی ٹک ٹاک اکاؤنٹ ڈیلیٹ نہ کرنے پر قتل کر
پڑھیں:
جعلی فٹبال ٹیم بنا کر 17 افراد کو جاپان بھجوانے والا ایجنٹ گرفتار
ایف آئی اے گوجرانوالہ نے انسانی اسمگلنگ کے خلاف بڑی کارروائی کرتے ہوئے بدنام زمانہ ایجنٹ وقاص علی کو گرفتار کر لیا ۔
حکام کے مطابق ملزم نے جعلی دستاویزات کا استعمال کرتے ہوئے 17 افراد کو فٹبال ٹیم ظاہر کر کے جاپان بھجوایا تھا۔
ایف آئی اے کے مطابق ملزم نے پاکستان فٹبال فیڈریشن کا جعلی رجسٹریشن سرٹیفکیٹ اور وزارتِ خارجہ کا جعلی این او سی تیار کیا، جنہیں استعمال کرتے ہوئے ان افراد کو جاپان کے وزٹ ویزے دلوا کر یکم جنوری 2024 کو روانہ کیا گیا۔
حکام کے مطابق ہر فرد سے 40 سے 45 لاکھ روپے کے درمیان رقم وصول کی گئی۔ ایف آئی اے کا کہنا ہے کہ ملزم وقاص علی کے خلاف انسانی اسمگلنگ کے متعدد مقدمات ایف آئی اے گوجرانوالہ میں پہلے سے بھی درج ہیں۔
تازہ کارروائی کے دوران ادارے نے جعلی کاغذات، فٹبال فیڈریشن کے جعلی لیٹر ہیڈز اور دیگر شواہد بھی قبضے میں لے کر مزید تفتیش شروع کر دی ۔
دریائے چناب میں سیلابی صورتحال، ٹرین سروس معطل