متوفیہ اداکارہ حمیرا اصغر کا بہنوئی سامنے آگیا، پولیس کا لاش حوالے کرنے سے انکار
اشاعت کی تاریخ: 9th, July 2025 GMT
کراچی: شہر قائد کے علاقے ڈیفنس فیز 6 کے رہائشی اپارٹمنٹ سے ملنے والی اداکارہ کی لاش کو پولیس نے بہنوئی کے حوالے کرنے سے انکار کردیا۔
ایکسپریس نیوز کے مطابق اداکارہ و ماڈل حمیرا اصغر علی کے بہنوئی نے گزری پولیس سے رابطہ کیا اور اپنے رشتے کے حوالے سے آگاہ کرتے ہوئے لاش حوالگی کا مطالبہ کیا۔
پولیس کے مطابق رابطہ کرنے والے شخص نے خود کو حمیرا کا بہنوئی بتایا ہے، جس پر اُس کو تھانے طلب کیا گیا اور ہدایت کی گئی ہے کہ کسی خونی رشتے کو ساتھ لے کر آئیں۔
پولیس نے کہا ہے کہ قانون کے مطابق متوفیہ کی لاش صرف خونی رشتے کو ہی دی جائے گی۔
اس سے قبل ایس ایس پی ویسٹ نے انکشاف کیا تھا کہ اداکارہ کی لاش 6 ماہ سے بھی زائد پرانی ہے کیونکہ اُن کے فریج میں رکھی ہوئی اشیا زائد المعیاد ہوچکی ہیں اور آخری کال بھی ستمبر 2024 میں کی گئی تھی، اُس کے بعد سے کال موصول ہونے یا کرنے کے کوئی شواہد نہیں ملے۔
پولیس کے مطابق حمیرا اصغر نے چار ماہ سے بجلی کا بل بھی ادا نہیں کیا تھا جس کی وجہ سے اُن کے فلیٹ کی لائٹ منقطع ہوئی تھی۔
.ذریعہ: Express News
کلیدی لفظ: کے مطابق
پڑھیں:
اداکارہ حمیرا سے رابطہ کب منقطع ہوا؟ آخری شوٹ کرنیوالے اسٹائلسٹ کا بیان سامنے آگیا
کراچی ڈیفنس فیز 6 میں فلیٹ میں مردہ پائی گئی اداکارہ حمیرا اصغر کے ساتھ فوٹو شوٹ میں کام کرنے والے اسٹائلسٹ دانش مقصود نے اہم انکشافات کیے ہیں۔
جیو ڈیجیٹل سے خصوصی گفتگو میں اسٹائلسٹ دانش مقصود نے بتایا کہ انہوں نے حمیرا اصغر سے آخری گفتگو گزشتہ سال اکتوبر میں کی تھی اور اس کی وجہ ایک فوٹو شوٹ تھا۔
ان کا کہناتھا کہ اس کے بعد جب ان سے واٹس ایپ پر بات ہوئی تو وہ کافی خوش تھیں اور شوٹ کی تعریف بھی کی۔
دانش مقصود کا کہنا تھاکہ اس کے بعد ہماری ٹیم نے انہیں سوشل میڈیا پر اس فوٹو شوٹ کی تصاویر میں کولیبریٹ کرنے کی ریکوئسٹ بھیجی، جب یہ ریکوئسٹ اپروو نہیں ہوئی تو ہم نے انہیں دوبارہ کالز کیں، جواب نہ آنے پر ان کے واٹس ایپ پر رابطہ کیا لیکن کوئی جواب نہ آیا۔
ان کا مزید کہنا ہے کہ تشویش کی وجہ سے انہوں نے کچھ سوشل میڈیا پبلیکیشنز سے بھی رابطہ کرکے اداکارہ و ماڈل کے لاپتہ ہونے کی اطلاع دی لیکن شاید ان کو لگا یہ کوئی بڑی بات نہیں ہے اور انہوں نے توجہ نہ دی۔
دانش کاکہناتھا کہ انہوں نے دو مختلف پبلیکیشن پر پوسٹس لگوائیں لیکن پھر بھی اس بات پر شوبز انڈسٹری کی طرف سے توجہ نہیں دی گئی۔
واضح رہے کہ گزشتہ روز کراچی کے علاقے ڈیفنس کے فلیٹ سے اداکارہ حمیرا اصغر کی کئی روز پرانی لاش برآمد ہوئی تھی۔
حمیرا اصغر کا تعلق لاہور سے تھا لیکن وہ کراچی شہر میں مقیم تھیں، پولیس نے بتایا کہ خاتون نے 2018 میں فلیٹ کرائے پر لیا تھا ، 2024 سے کرایہ نہ دینے پر مالک نے کیس کررکھا تھا، پولیس عدالتی حکم پر فلیٹ خالی کرانے پہنچی تو دروازہ لاک تھا، پولیس دروازہ توڑ کر داخل ہوئی تو خاتون کی لاش ملی۔
واقعے کے بعد عدالتی بیلف نے فلیٹ سیل کردیا جب کہ واقعے کی مختلف پہلوؤں سے تحقیقات جاری ہیں۔
امریکا اور ویتنام کے درمیان تجارتی معاہدے پر چین کا ردعمل