400 رنز کا ریکارڈ نہ توڑنے پر برائن لارا نے ویان ملڈر سے کیا کہا؟
اشاعت کی تاریخ: 11th, July 2025 GMT
بلاوایو: جنوبی افریقا کے آل راؤنڈر وِیان ملڈر کا کہنا ہے کہ ویسٹ انڈیز کے لیجنڈری بیٹر برائن لارا نے اُن سے کہا ہے کہ انہیں ٹیسٹ کرکٹ کی سب سے بڑی انفرادی اننگز کا ریکارڈ توڑنے کی کوشش کرنی چاہیے تھی۔
ویان ملڈر جو زمبابوے کے خلاف دوسرے ٹیسٹ میں جنوبی افریقا کے قائم مقام کپتان تھے، نے دوسری دن کے لنچ کے وقت 367 رنز پر اننگز ڈیکلیئر کر دی، اور یوں وہ برائن لارا کے 400 رنز کے عالمی ریکارڈ سے صرف 33 رنز دور رہ گئے تھے۔
میچ کے بعد ملڈر نے کہا تھا کہ انہوں نے برائن لارا کا ریکارڈ اس لیے نہیں توڑا کیونکہ وہ لیجنڈ ہیں اور کچھ ریکارڈز لیجنڈز کے پاس ہی رہنے چاہئیں۔
ویان ملڈر نے انکشاف کیا کہ خود لارا اس بات سے متفق نہیں تھے۔ برائن لارا نے کہا کہ تم اپنی لیگیسی بنا رہے ہو اس لیے تمہیں ریکارڈ کے لیے جانا چاہیے تھا۔
ریان ملڈر نے بتایا کہ برائن لارا نے کہا کہ ریکارڈز توڑنے کے لیے ہی ہوتے ہیں اور وہ چاہتے ہیں کہ اگر میں دوبارہ ایسی پوزیشن میں ہوں تو ان کا ریکارڈ توڑ دوں۔
ملڈر کا کہنا تھا کہ اگرچہ لارا کی بات دلچسپ تھی لیکن وہ اب بھی سمجھتے ہیں کہ انہوں نے درست فیصلہ کیا کیونکہ ان کے لیے کھیل کا احترام زیادہ اہم ہے۔
واضح رہے کہ ویان ملڈر کی 367 رنز ناٹ آؤٹ اننگز جنوبی افریقا کی جانب سے کسی بھی بلے باز کی سب سے بڑی انفرادی اننگز ہے جبکہ یہ ٹیسٹ کرکٹ کی تاریخ کا پانچواں سب سے بڑا اسکور بھی ہے۔
جنوبی افریقی کوچ شوکری کونراڈ نے ملڈر سے کہا “دیکھو، بڑے اسکور لیجنڈز کے لیے چھوڑ دو۔” جنوبی افریقا نے یہ میچ تین دنوں میں ایک اننگز اور 236 رنز سے جیت لیا۔
اس سے قبل ویسٹ انڈیز کے کرس گیل، جن کے نام دو ٹیسٹ ٹرپل سنچریاں ہیں، نے کہا تھا کہ ملڈر نے شاید “گھبراہٹ” میں فیصلہ کیا اور ایک تاریخی موقع گنوا دیا۔
کرس گیل کا کہنا تھا کہ اگر مجھے 400 بنانے کا موقع ملتا تو میں ضرور بناتا۔ یہ موقع بار بار نہیں آتا۔ اگر آپ لیجنڈ بننا چاہتے ہیں تو ریکارڈ ہی آپ کو لیجنڈ بناتے ہیں۔
یہ فیصلہ کرکٹ حلقوں میں زیرِ بحث ہے اور کئی ماہرین اسے “مس کیا گیا سنہری موقع” قرار دے رہے ہیں۔
Post Views: 5.ذریعہ: Daily Mumtaz
کلیدی لفظ: برائن لارا نے جنوبی افریقا ویان ملڈر کا ریکارڈ ملڈر نے نے کہا تھا کہ کے لیے
پڑھیں:
ویمنز ورلڈ کپ؛ بھارتی ٹیم جنوبی افریقہ کو باآسانی شکست دے کر عالمی چمپیئن بن گئی
MUMBAI:بھارت کی ویمنز کرکٹ ٹیم نے ورلڈ کپ 2025 کے فائنل میں جنوبی افریقہ کو باآسانی 52 رنز سے شکست دے کر پہلی مرتبہ عالمی چمپیئن بننے کا اعزاز حاصل کرلیا۔
ممبئی کے ڈی وائی پٹیل اسٹیڈیم میں کھیلے گئے ویمنز ورلڈ کپ 2025 کے فائنل میں جنوبی افریقہ ویمنز کرکٹ ٹیم کی کپتان لاورا وولوارڈٹ نے ٹاس جیت کر میزبان ٹیم کو پہلے بیٹنگ کی دعوت دی اور ان کا فیصلہ غلط ثابت ہوا۔
بھارت کی اوپنرز سمرتی مندھنا اور شیفالی ورما نے بالترتیب 45 اور 87 رنز کی اننگز کھیلی اور 104 رنز کا شان دار آغاز فراہم کیا اور دیگر بیٹرز نے اس کا بھرپور فائدہ اٹھایا اور مجموعی کارکردگی سے ایک اچھا مجموعی ترتیب دیا۔
دیپتی شرما نے 58 گیندوں پر 58 رنز کی اننگز کھیل کر بھارتی اننگز میں اہم کردار ادا کیا، دیگر بیٹرز میں رچا گوشا نمایاں تھیں جنہوں نے 3 چوکوں اور دو چھکوں کی مدد سے 34 رنز بنائے۔
بھارت نے مقررہ اوورز میں 7 وکٹوں پر 298 رنز بنائے جبکہ جنوبی افریقہ کی جانب سے آیبونگا کھاکا نے سب سے زیادہ 3 وکٹیں حاصل کیں۔
جنوبی افریقہ کی ٹیم نے پہلی وکٹ کی شراکت میں 51 رنز بنائے تاہم دوسرے نمبر پر آنے والی بیٹر انیکی بوش صفر پر پویلین لوٹ گئیں، جس کے بعد سونے لوس نے 25 رنز بنا کر کپتان کا کچھ دیر ساتھ دیا اور اسکور 114 رنز تک پہنچایا۔
کپتان لاورا نے 98 گیندوں پر 11 چوکوں اور ایک چھکے کی مدد سے ایک اچھی اننگز ضرورت کھیلی لیکن دوسرے اینڈ سے ان کا کسی نے بھرپور ساتھ نہیں دیا تاہم انیری ڈیرکسین نے 35 رنز بنا کر کچھ مزاحمت کی۔
جنوبی افریقہ کی پوری ٹیم 46 ویں اوور کی تیسری گیند پر 246 رنز بنا کر آؤٹ ہوگئی اور پہلی مرتبہ عالمی چمپیئن بننے کا خواب چکنا چور ہوگیا۔
???????????????????????????????????? ???????? ???????????? ???????????????????? ????????????
India clinch their maiden Women’s @cricketworldcup title at #CWC25 ???? pic.twitter.com/S19w75A4Ch
بھارت کی جانب سے دیپتی شرما نے بیٹنگ کے بعد بولنگ میں بھی زبردست کارکردگی کا مظاہرہ کیا اور 5 وکٹیں حاصل کرکے بھارت کو تاریخ میں پہلی مرتبہ ورلڈ چمپیئن بنوایا۔
شیفالی ورما کو میچ اور دیپتی شرما کو ورلڈکپ 2025 کی بہترین کھلاڑی کا ایوارڈ دیا گیا۔
عمران خان سے ملاقات نہ ہونے پر وزیراعلیٰ پختونخوا کا توہین عدالت کی درخواست دینے کا اعلان