کشمیر کا ریاستی درجہ ہماری آئینی شناخت ہے اس کیلئے بھیک نہیں مانگیں گے، کانگریس
اشاعت کی تاریخ: 11th, July 2025 GMT
غلام احمد میر کا کہنا ہے کہ جموں و کشمیر کی ریاستی حیثیت کی بحالی کوئی خیرات نہیں، بلکہ ایک آئینی حق ہے، جسے لوگوں سے چھینا گیا۔ اسلام ٹائمز۔ جموں و کشمیر پردیش کانگریس کمیٹی کے سابق صدر اور آل انڈیا کانگریس کمیٹی کے جنرل سکریٹری غلام احمد میر نے کشمیر کے ریاستی درجے کو یہاں کے لوگوں کا قانونی حق قرار دیتے ہوئے ایک بار پھر اسٹیڈ ہڈ کی بحالی کے حوالہ سے تاخیر پر مودی حکومت کو سخت تنقید کا نشانہ بنایا اور دفعہ 370 کی منسوخی، ریاست کی تقسیم کو غیر آئینی اور غیر جمہوری قرار دیا۔ غلام احمد میر کا کہنا ہے کہ جموں و کشمیر کی ریاستی حیثیت کی بحالی کوئی خیرات نہیں، بلکہ ایک آئینی حق ہے، جسے لوگوں سے چھینا گیا۔ انہوں نے کہا کہ ہمیں مرکز سے بھیک مانگنے کی ضرورت نہیں، جو کچھ 5 اگست 2019ء کو ہوا، وہ غیر جمہوری، غیر آئینی اور یکطرفہ فیصلہ تھا، جس میں جموں و کشمیر کے عوام کی آواز کو مکمل طور پر نظر انداز کیا گیا۔
غلام احمد میر نے یاد دلایا کہ بھارتی حکومت نے پارلیمنٹ کے اندر بار ہا یہ وعدہ کیا تھا کہ ری آرگنائزیشن (Jammu Kashmir Reorganisation Act) کے بعد اور اسمبلی انتخابات کے فوراً بعد، ریاستی درجہ بحال کیا جائے گا۔ انہوں نے کہا کہ آج ان وعدوں کو دس ماہ سے زیادہ کا عرصہ ہو چکا ہے، لیکن حکومت نے ابھی تک کوئی عملی قدم نہیں اٹھایا۔ ملک بھی دیکھ رہا ہے اور جموں و کشمیر کے لوگ بھی، اگر کوئی حکومت اپنے وعدوں پر قائم نہ رہے تو عوام اس کا محاسبہ ضرور کریں گے۔ غلام احمد میر نے کہا کہ ریاست کا درجہ بحال کرنا کسی انتخاب سے مشروط نہیں۔ انہوں نے کہا کہ کچھ لوگ یہ تاثر دینے کی کوشش کرتے ہیں کہ اگر ریاستی درجہ بحال ہوا تو نیا الیکشن منعقد کرنا پڑے گا۔ انہوں نے کہا " اگر ایسی کوئی قانونی رکاوٹ ہے تو وہ عوام کے مفاد میں ختم کی جا سکتی ہے"۔
کانگریس کمیٹی کے جنرل سکریٹری نے جموں و کشمیر کے وزیراعلیٰ عمر عبداللہ کی ستائش کرتے ہوئے کہا کہ اگر عمر عبداللہ یہ کہتا ہے کہ ریاستی درجہ بحالی کے لئے پر وہ اپنے عہدے کی قربانی کے لئے تیار ہے، تو یہ اس کی ذاتی رائے ہوسکتی ہے اور قابل ستائش بھی، لیکن عوامی خواہش کو مقدم رکھا جانا چاہیئے، کیونکہ ریاستی حیثیت کی بحالی عوامی احساسات کے ساتھ جڑی ہوئی ہے۔ یوم شہداء (13 جولائی) کے حوالے سے گفتگو کرتے ہوئے غلام احمد میر نے کہا کہ شہداء کی قربانیوں کو یاد رکھنا ہماری ذمہ داری ہے۔ اس دن کی تاریخی اہمیت کو عمر عبداللہ نے اسمبلی میں بہت خوبصورتی سے بیان کیا تھا اور ہمیں اسی جذبے سے اس دن کو منانا چاہیئے۔ تاہم یہ پوچھے جانے پر کہ کیا وہ اس تقریب میں مزار شہداء پر جاکر حاضری دیں گے، غلام احمد میر نے کہا کہ وہ دیکھا جائے گا۔
ذریعہ: Islam Times
کلیدی لفظ: غلام احمد میر نے انہوں نے کہا ریاستی درجہ نے کہا کہ کی بحالی کشمیر کے
پڑھیں:
عدالت عظمی آزاد کشمیر کے حکم پر سیشن جج راجہ امتیاز بدعنوانی پر ملازمت سے برطرف
عدالت عظمی آزاد کشمیر کے حکم پر سیشن جج راجہ امتیاز بدعنوانی پر ملازمت سے برطرف WhatsAppFacebookTwitter 0 11 July, 2025 سب نیوز
مظفر آباد (سب نیوز)عدالت عظمی آزاد کشمیر نے ڈسٹرکٹ اینڈ سیشن جج راجہ امتیاز احمد کو بدعنوانی پر ملازمت سے برطرف کردیا ہے۔
عدالت عظمی آزاد جموں و کشمیر نے ڈسٹرکٹ اینڈ سیشن جج راجہ امتیاز احمد کو سرکاری ذمہ داریوں میں غفلت، بدعنوانی اور ضابطہ اخلاق کی سنگین خلاف ورزیوں پر ملازمت سے برطرف کرنے کا حتمی فیصلہ سنا دیا ہے۔عدالتی فیصلے کے مطابق راجہ امتیاز احمد کو آزاد جموں و کشمیر سول سروس قواعد کے تحت کی سزا دی گئی، جس کی باقاعدہ منظوری عدالت عالیہ اور عدالت عظمی کے احکامات کی روشنی میں دی گئی۔
راجہ امتیاز احمد کے خلاف ماضی میں بھی مختلف نوعیت کی شکایات اور سزائیں ریکارڈ پر موجود تھیں، عدالت نے ان تمام پہلوں کو مدنظر رکھتے ہوئے انہیں ناقابلِ معافی قرار دیا اور قرار دیا کہ ایسی بدعنوانی کسی صورت برداشت نہیں کی جاسکتی۔
عدالت عظمی نے اپنے فیصلے میں واضح کیا کہ سرکاری ذمہ داریوں میں کوتاہی اور ضابطہ اخلاق کی مسلسل خلاف ورزی پر کسی کو بھی رعایت نہیں دی جائے گی، خواہ وہ کتنا ہی اعلی عہدے پر کیوں نہ ہو۔اس فیصلے کے بعد راجہ امتیاز احمد کی سرکاری خدمات کا باضابطہ طور پر اختتام ہو گیا ہے اور انہیں فوری طور پر ملازمت سے سبکدوش کردیا گیا ہے۔
یاد رہے کہ چند دن قبل ڈسٹرکٹ اینڈ سیشن جج راجہ امتیار احمد کو عدالتی احکامات کی خلاف ورزی اور وقار کو مجروح کرنے پر 3 دن قید کی سزا سنائی کر سزا سنائی گئی تھی، انہیں کمرہ عدالت سے گرفتار کیا گیا تھا۔سپریم کورٹ آزاد کشمیر نے ریماکس دیے کہ جج راجہ امتیاز احمد نے منشیات کے مجرم کو خلاف قانون بری کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین سی ڈی اے محمد علی رندھاوا کی زیر صدارت اجلاس، اسلام آباد کو مزید خوبصورت بنانے کیلئے بیوٹیفکیشن پلان پر عملدرآمدپر جائزہ چیئرمین سی ڈی اے محمد علی رندھاوا کی زیر صدارت اجلاس، اسلام آباد کو مزید خوبصورت بنانے کیلئے بیوٹیفکیشن پلان پر عملدرآمدپر جائزہ بانی تحریک انقلاب پاکستان محمد عارف نے ایلون مسک کی امریکا پارٹی جوائن کر لی پاکستان کا ایشیا کپ کیلئے ہاکی ٹیم کو بھارت نہ بھیجنے کا فیصلہ اسلام آباد، مطیع اللہ جان اور اسد طور کے یوٹیوب چینل کی بندش کا حکم معطل ملک میں چینی کی قیمت نے ڈبل سنچری مکمل کرلی پیپلزپارٹی کے وفد کی مولانا فضل الرحمان سے ملاقات، سینیٹ انتخابات کے حوالے سے مشاورتCopyright © 2025, All Rights Reserved
رابطہ کریں ہمارے بارے ہماری ٹیم
یومِ عاشور ہمیں قربانی اور حق گوئی کا پیغام دیتا ہے، صدر اور وزیراعظم کے خصوصی پیغامات