سینٹ الیکشن: خیبر پی کے میں جوڑ توڑ تیز، پی پی وفد کی فضل الرحمن سے ملاقات
اشاعت کی تاریخ: 12th, July 2025 GMT
اسلام آباد+پشاور (نمائندہ خصوصی +نوائے وقت رپورٹ) خیبرپی کے میں سینٹ انتخابات سے قبل سیاسی رابطوں میں تیزی آگئی۔ پیپلز پارٹی وفد نے سربراہ جے یو آئی (ف) مولانا فضل الرحمٰن سے اسلام آباد میں اہم ملاقات کی، جس میں ملکی سیاسی صورتحال سمیت خیبر پی کے کے سینٹ انتخابات کے حوالے سے مشاورت کی گئی۔ اسلام آباد میں ہونے والی ملاقات میں گورنر خیبر پی کے فیصل کریم کنڈی، سید خورشید احمد شاہ، ظاہر شاہ، اکرم خان درانی، مولانا لطف الرحمن، مولانا اسعد محمود، زاہد درانی، اسجد محمود اور دیگر شریک تھے۔ گورنر خیبرپی کے فیصل کریم کنڈی نے جے یو آئی (ف) کے سربراہ مولانا فضل الرحمن کے ساتھ سیاسی بیٹھک کے بعد میڈیا سے گفتگو کرتے کہا کہ ہم سیاسی لوگ ہیں، ہماری ملاقاتوں کا سلسلہ جاری رہتا ہے۔ گورنر خیبرپی کے نے مزید کہا ہے کہ تحریک انصاف اختلافات کا شکار ہے، اپوزیشن جماعتوں کے ساتھ مل کر کے خیبرپی کے سینٹ الیکشن میں زیادہ نشستیں حاصل کرنے کی کوشش کریں گے۔ فیصل کریم کنڈی نے کہا کہ پاکستان پیپلز پارٹی کے دورِ حکومت میں سینٹ الیکشن کے دوران ہارس ٹریڈنگ کو روکنے کا فیصلہ کیا تھا۔ موجودہ حکومت میں جو لوگ بیٹھے ہیں، اگر اپوزیشن کے ساتھ مل بیٹھ کر کوئی مشترکہ فیصلہ کرتے ہیں تو اچھی بات ہے اور اگر میدان لگتا ہے تو پھر جنگ اور محبت میں ہر چیز جائز ہوتی ہے۔ گورنر خیبرپی کے فیصل کریم کنڈی نے کہا کہ مولانا فضل الرحمن کے ساتھ ملاقات میں خیبرپختونخوا اور بلوچستان میں دہشست گردی کے حوالے سے بات چیت ہوئی۔ کے پی حکومت نے صوبہ دہشت گردوں کے حوالے کر کے خود لوٹ مار کا بازار گرم کیا ہوا ہے۔ ان کا صرف ایک ہی ایجنڈا ہے کہ ہم پیسہ کس طرح کمائیں، نوکریاں کس طرح بیچیں اور کمیشن کیسے بنائیں؟۔ گورنر خیبرپی کینے کہا کہ بلوچستان کے بیشتر دہشت گردی کے واقعات میں افغانستان اور بھارت اور اسرائیل کا گٹھ جوڑ شامل ہے، ان کی سرزمین استعمال ہوتی ہے۔ کے پی میں ہونے والی دہشتگردی میں افغانستان کی زمین استعمال ہوتی ہے۔ فیصل کریم کنڈی نے کہا کہ جس دن ایک بھی رکن زیادہ ہوا عدم اعتماد آ سکتی ہے اور کوشش ہے کہ سابقہ پی ڈی ایم مل کر سینٹ الیکشن لڑے۔ انہوں نے کہا کہ خیبر پی کے میں عصر کے بعد انتہا پسند نکل آتے ہیں۔ کل بلوچستان میں انتہائی افسوسناک واقعہ پیش آیا۔ پوری قوم کو مل کر امن لانا ہوگا۔ خورشید شاہ نے ملاقات کے دوران کہا کہ مولانا سے ہمارا پرانا تعلق ہے۔ ذرائع کے مطابق خیبر پی کے الیکشن میں اے این پی کو بھی ساتھ ملانے کی کوشش ہوگی۔ آزاد ارکان سے بھی رابطے کئے جائیں گے۔ جے یوآئی خیبر پی کے عبدالجلیل جان نے کہا کہ پی ٹی آئی والے ہمارے پاس آرہے ہیں مگر مجلس عاملہ عمومی نے پی ٹی آئی سے اتحاد کی منظوری نہیں دی ہے۔
.
ذریعہ
ذریعہ: Nawaiwaqt
کلیدی لفظ: فیصل کریم کنڈی نے گورنر خیبرپی سینٹ الیکشن گورنر خیبر خیبر پی کے خیبرپی کے نے کہا کہ ساتھ مل کے ساتھ
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ