کراچی کے بجائے جدہ پہنچنے والے مسافر نے ایئرلائن کیخلاف ہرجانے کا مقدمہ کردیا
اشاعت کی تاریخ: 12th, July 2025 GMT
کراچی کے بجائےسعودی عرب پہنچنے والے مسافرنے نجی ملکی ائیرلائن انتظامیہ کو لیگل نوٹس بھیج دیا۔
لاہورسے کراچی آنے والی نجی ایئرلائن کے مسافرکو جدہ پہنچانے کے تناظرمیں متاثرہ مسافرشاہ زین نامی مسافرنے ایئرسیال انتظامیہ کو سندھ کنزیومر پروٹیکشن ایکٹ 2014 کی خلاف ورزی کے تحت نوٹس بھیج دیا۔
قانونی نوٹس میں مسافرنے ائیرلائن سےسفری اخراجات سمیت جواب طلب کرلیا۔ مسافرکےمطابق ایئرلائن کی سنگین غفلت سےسعودی عرب میں پریشانی کا سامنا ہوا،7جولائی 2025کو ایئرلائنز کی جانب سےلاپرواہی برتتے ہوئے لاہورسے کراچی کے بجائے جدہ پہنچا دیا گیا۔
لیگل نوٹس کے متن کے مطابق بغیردستاویز پہنچںے پرسعودی امیگریشن اتھارٹیز کی پوچھ کچھ سے پریشان کن صورتحال کا سامنارہا۔
ایئرلائن کی غلطی کے باعث اضافی سفری اخراجات برداشت کرنے پرمجبورکیا گیا۔
.ذریعہ: Express News
پڑھیں:
شیخ وقاص اکرم نے فواد چوہدری کیخلاف ایک ارب روپے ہرجانے کا دعویٰ دائر کردیا
اسلام آباد (اُردو پوائنٹ اخبارتازہ ترین - این این آئی۔ 10 جولائی2025ء)پاکستان تحریک انصاف (پی ٹی آئی) کے سابق اور موجودہ رہنماؤں کے درمیان زبانی جنگ عدالتی محاذ پر پہنچ گئی، ڈسٹرکٹ اینڈ سیشن کورٹس اسلام آباد میں پی ٹی آئی رہنما شیخ وقاص اکرم نے فواد چوہدری کیخلاف ایک ارب ہرجانے کا دعویٰ دائر کر دیا۔میڈیا رپورٹ کے مطابق ڈسٹرکٹ اینڈ سیشن کورٹس اسلام آباد میں دائر درخواست میں شیخ وقاص اکرم نے فواد چوہدری کیخلاف ایک ارب ہرجانے کا دعویٰ دائر کرتے ہوئے مؤقف اختیار کیا کہ فواد چوہدری کی جانب سے سوشل میڈیا پلیٹ فارمز پر جھوٹی اور توہین آمیز بیان بازی کی جاتی ہے۔شیخ وقاص اکرم نے ہرجانے کے لیے دائر کیے گئے دعوے میں کہا کہ وہ عزت دار شہری اور قومی اسمبلی میں عوام کا منتخب نمائندہ ہے، فواد چوہدری کی غلط بیان بازی سے عوام الناس میں میری ساکھ متاثر ہوئی۔(جاری ہے)
شیخ وقاص اکرم کے ہتک عزت دعویٰ پر سماعت ایڈیشنل سیشن جج سہیل شیخ نے کی، اور عدالت نے کیس کی اگلی سماعت پر ابتدائی دلائل طلب کرلیے، ہتک عزت کے دعوے پر مزید سماعت 12 جولائی تک ملتوی کردی گئی۔
واضح رہے کہ فروری میں فواد چوہدری نے کہا تھا کہ شیخ وقاص اکرم نے پوری پختونخوا حکومت بیچ دی، بانی کو بتایا گیا کہ ملائیشیا میں اربوں روپے کی پیمنٹ کی، مصدق عباسی معاملے کی تحقیقات کر رہے ہیں۔فواد چوہدری نے سماجی رابطوں کی ویب سائٹ پر پیغام میں الزام عائد کیا تھا کہ سلمان اکرم راجا، شیخ وقاص اور رؤف حسن جعلی اکاؤنٹس چلوا رہے ہیں، جنہوں نے عمران خان اور پارٹی کو شدید نقصان پہنچایا۔انہوں نے یہ الزام بھی عائد کیا تھا کہ شیخ وقاص اکرم نے افغان مجاہدین کو اسلحہ سپلائی کرنے کے دھندے سے کیریئر کا آغاز کیا، شیخ وقاص نے پرویز مشرف، پرویزالہٰی، فریال تالپور، حمزہ شہباز سے پیسے بٹورے تھے۔
سویڈن کا اسلام آباد میں ویزا سروسز دوبارہ شروع کرنے کا اعلان