حمیرا اصغر کی ابتدائی پوسٹ مارٹم رپورٹ منظرعام پر آگئی، کیا انکشافات ہوئے؟
اشاعت کی تاریخ: 12th, July 2025 GMT
کراچی: اداکارہ حمیرا اصغر کی موت سے متعلق ابتدائی پوسٹ مارٹم رپورٹ منظرعام پر آگئی ہے۔
رپورٹ میں انکشاف کیا گیا ہے ماڈل واداکارہ کی لاش 8 سے 10 ماہ پرانی ہے جسم پر کسی قسم کے تشدد یا ہڈی ٹوٹنے کے شواہد نہیں ملے، جبکہ کیمیائی تجزیے کے لیے بال اورکپڑوں کے ٹکڑے بھیجے گئے تھے۔
پولیس اور فرانزک ٹیمیں واقعے کی مزید تحقیقات کر رہی ہیں تاکہ موت کی اصل وجہ معلوم کی جا سکے۔ رپورٹ میں بتایا گیا ہے کہ لاش مکمل طورپرڈی کمپوزیشن کے آخری مراحل میں تھی اورچہرے سمیت جسم کے کئی حصے پٹھوں سے خالی تھے۔
رپورٹ میں بتایا گیا کہ اداکارہ کے جسم کی تمام ہڈیوں کی ساخت مکمل اور موجود پائی گئی، لمبی ہڈیاں چھید داراورانتہائی نازک ہوچکی تھیں جبکہ جوڑغیرمعمولی طورپرحرکت پذیرتھے۔ چھاتیوں میں موجود سلیکون پیوند صحیح حالت میں موجود تھے۔ بالوں اورکپڑوں کے کچھ ٹکڑے کیمیائی تجزیے کے لیے لیب بھیج دیے گئے ہیں۔
رپورٹ میں بتایا گیا کہ جنسی زیادتی یا زخم کے کوئی واضح شواہد موجود نہیں۔ رپورٹ میں یہ بھی واضح کیا گیا ہے کہ چہرے کے پٹھے موجود نہیں تھے اوردانت ڈھیلی ساکٹس میں تھے جبکہ جلد سخت اور سیاہ دھبوں سے بھری ہوئی تھی۔ تمام ہڈیاں مکمل پائی گئیں جبکہ جسم کی حالت انتہائی خراب تھی۔
یاد رہے کہ 3 دن قبل اداکارہ حمیرا اصغر کی لاش ان کے فلیٹ سے برآمد ہوئی تھی۔
TagsShowbiz News Urdu.
ذریعہ: Al Qamar Online
کلیدی لفظ: رپورٹ میں
پڑھیں:
ایئر انڈیا طیارہ حادثہ: ایندھن کی عدم سپلائی سے انجن بند ہوئے، ابتدائی رپورٹ میں انکشاف
data-id="863a0a8" data-element_type="widget" data-widget_type="theme-post-content.default">
بھارت کے شہر احمد آباد میں رواں سال جون میں پیش آنے والے ایئر انڈیا کے المناک طیارہ حادثے کی ابتدائی تحقیقاتی رپورٹ منظر عام پر آگئی ہے، جس میں انکشاف ہوا ہے کہ حادثے کی وجہ دونوں انجنوں کو ایندھن کی فراہمی کا اچانک بند ہونا تھا۔
بھارتی ایئر کرافٹ ایکسیڈنٹ انویسٹی گیشن بیورو کی رپورٹ کے مطابق حادثے سے کچھ لمحے قبل طیارے کے دونوں انجنوں میں ایندھن کی سپلائی کنٹرول کرنے والے سوئچز ایک سیکنڈ کے فرق سے ’’کٹ آف‘‘ پوزیشن میں چلے گئے تھے، جس کے باعث انجن بند ہو گئے اور طیارہ تیزی سے نیچے آ کر زمین سے ٹکرا گیا۔
رپورٹ میں شامل کاک پٹ وائس ریکارڈنگ میں ایک پائلٹ کو دوسرے سے یہ پوچھتے سنا گیا کہ ’’اس نے کٹ کیوں کیا؟‘‘ جس پر دوسرے پائلٹ نے جواب دیا کہ اس نے ایسا نہیں کیا۔ تاہم رپورٹ میں یہ واضح نہیں ہو سکا کہ ایندھن کنٹرول سوئچز خود بخود ’’کٹ آف‘‘ پوزیشن پر کیسے چلے گئے۔
یاد رہے کہ اس حادثے میں 260 مسافر جان کی بازی ہار گئے تھے، جن میں گجرات کے سابق وزیر اعلیٰ روپانی بھی شامل تھے۔ حادثے کی ابتدائی رپورٹ میں بوئنگ کمپنی یا انجن بنانے والے ادارے کے خلاف فوری طور پر کوئی کارروائی تجویز نہیں کی گئی، البتہ یہ واضح کیا گیا ہے کہ حادثے کی مکمل تحقیقات میں ایک سال سے زائد کا عرصہ لگ سکتا ہے۔
ماہرین کا کہنا ہے کہ یہ غیر معمولی بات ہے کہ طیارے کے دونوں انجنوں کے ایندھن کنٹرول سوئچز ایک ساتھ کام کرنا بند کر دیں۔ اب اس واقعے کی مزید تفصیل کے لیے بین الاقوامی ماہرین کی ٹیم کو بھی شامل کرنے پر غور کیا جا رہا ہے، جبکہ طیارے کی باقیات اور حادثے سے متعلق تمام ریکارڈز کا مزید باریک بینی سے جائزہ لیا جائے گا تاکہ اس اندوہناک حادثے کی اصل وجوہات مکمل طور پر سامنے آ سکیں۔
ایرانی صدر کا بڑا بیان: اسرائیل کی جانب سے قتل کی ناکام کوشش