گلگت بلتستان میں براڈ پیک پر پولش کوہ پیما حادثے کا شکار
اشاعت کی تاریخ: 13th, July 2025 GMT
گلگت بلتستان میں واقع دنیا کی بارہویں بلند ترین چوٹی براڈ پیک (8,051 میٹر) پر ایک افسوسناک واقعہ پیش آیا ہے، جہاں ایک پولش کوہ پیما والدیمر کووالےوسکی برفانی تودے کی زد میں آکر شدید زخمی ہو گیا ہے۔زخمی کوہ پیما والدیمر کووالےوسکی کی ٹانگ ٹوٹ گئی ہے اور وہ اس وقت براڈ پیک کے 6,500 میٹر بلند کیمپ تھری میں گزشتہ 24 گھنٹوں سے پھنسا ہوا ہے، متاثرہ کوہ پیما کا تعلق پولینڈ سے ہے اور وہ تین رکنی غیر ملکی کوہ پیماؤں کی ٹیم کے ساتھ براڈ پیک کو سر کرنے کی مہم پر تھا۔حادثے کے بعد کوہ پیما کو فوری طبی امداد فراہم نہیں کی جا سکی کیونکہ بلند مقام اور سخت موسم نے ریسکیو آپریشن کو مشکل بنا دیا ہے، مقامی انتظامیہ اور ریسکیو ادارے صورت حال پر نظر رکھے ہوئے ہیں اور ریسکیو آپریشن کی تیاری کی جا رہی ہے۔ذرائع کے مطابق کیمپ تھری پر موجود دیگر ساتھی کوہ پیماؤں نے رابطہ قائم کر کے امداد کی درخواست کی ہے، تاہم دشوار گزار راستوں اور برفباری کے باعث فوری رسائی ممکن نہیں ہو سکی۔واضح رہے کہ براڈ پیک پاکستان کے خوبصورت مگر خطرناک ترین پہاڑی سلسلے قراقرم میں واقع ہے، جہاں ہر سال درجنوں غیر ملکی کوہ پیما مہم جوئی کے لیے آتے ہیں۔حکام کا کہنا ہے کہ متاثرہ کوہ پیما کو بحفاظت نیچے لانے کے لیے ہر ممکن اقدامات کیے جا رہے ہیں۔
.ذریعہ: Nawaiwaqt
پڑھیں:
پولش فضائی حدود کی خلاف ورزی‘ برطانیہ میں روسی سفیر طلب
data-id="863a0a8" data-element_type="widget" data-widget_type="theme-post-content.default">
250916-06-9
لندن (انٹرنیشنل ڈیسک) برطانیہ نے لندن میں متعین روسی سفیر کو دفتر خارجہ میں طلب کر لیا۔ برطانوی وزارتِ خارجہ کے مطابق بدھ کے روز پولینڈ میں ناٹو کی فضائی حدود کی خلاف ورزی پر روسی سفیر کو طلب کیا گیا ہے۔ خبررساں ادارے کے مطابق روسی ڈرون نے پولینڈ کی فضائی حدود کی خلاف ورزی کی تھی جس پر پولینڈ نے اسے مار گرایا تھا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام