ایک اذان، 22 شہادتیں: دنیا بھر میں آج یوم شہدائے کشمیر منایا جا رہا ہے
اشاعت کی تاریخ: 13th, July 2025 GMT
مظفرآباد (نیوز ڈیسک) مقبوضہ کشمیر کی آزادی کی خاطر جانوں کا نذرانہ دینے والے 22 کشمیری شہداء کو خراج عقیدت پیش کرنے کیلئے آج دنیا بھر میں یوم شہدائے کشمیر منایا جا رہا ہے، حریت کانفرنس کی کال پر مقبوضہ وادی میں ہڑتال کی گئی ہے۔
اس دن کی مناسبت سے دنیا بھر میں مقیم کشمیری ریلیاں، جلسے، جلوس اور تقریبات منعقد کر رہے ہیں جن میں تحریکِ آزادی کشمیر کے ان بائیس عظیم شہداء کو خراج عقیدت پیش کیا جا رہا ہے۔
13 جولائی 1931ء تحریک آزادی کشمیر کا وہ تاریخی سنگِ میل ہے جب عبدالقدیر نامی کشمیری کے مقدمے کی سماعت جیل میں جاری تھی، جیل کے باہر ہزاروں کشمیری جمع تھے، وقتِ ظہر آیا، ایک نوجوان نے اذان شروع کی، جسے ڈوگرہ فوج نے گولی مار دی، پھر دوسرا، تیسرا، چوتھا اسی طرح یکے بعد دیگرے 22 جوان شہید کر دیئے گئے، مگر اذان مکمل ہوئی اور تاریخ گواہ بن گئی کہ یہ قربانی کشمیر کی آزادی کی بنیاد ہے۔
کشمیری عوام ہر سال اس دن کو یومِ شہداء کشمیر کے طور پر مناتے ہیں، سات دہائیوں سے زائد عرصہ سے وہ بھارت کے غاصبانہ قبضے کے خلاف جدوجہد میں مصروف ہیں، اور قربانیوں کی لازوال داستان رقم کر رہے ہیں۔
بھارت نے آج بھی مقبوضہ جموں و کشمیر کو ظلم و جبر کی آماجگاہ بنا رکھا ہے، گزشتہ تین دہائیوں میں 96 ہزار سے زائد کشمیری شہید کئے جا چکے ہیں، دو لاکھ سے زائد بچے یتیم ہو چکے ہیں، اور ہزاروں کشمیری بھارت کی بدنامِ زمانہ جیلوں میں قید ہیں۔
صدرِ مملکت اور وزیراعظم پاکستان نے بھی یومِ شہدائے کشمیر کے موقع پر اپنے پیغامات میں ان شہداء کو خراجِ عقیدت پیش کیا ہے۔
جنگ کے دوران اسرائیلی حملے میں ایرانی صدر کے زخمی ہونے کا انکشاف
.ذریعہ: Daily Ausaf
پڑھیں:
مقبوضہ کشمیر میں انسانی حقوق کی سنگین خلاف ورزیاں قابل مذمت ہیں ، جاوید قصوری
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی)امیر جماعت اسلامی پنجاب محمد جاوید قصوری نے بھارت میں نافذ کیے گئے سخت اور جابرانہ قوانین، خصوصاً پبلک سیفٹی ایکٹ (پی ایس اے) اور غیر قانونی سرگرمیاں (روک تھام) ایکٹ (یو اے پی اے) کے تحت بڑھتی ہوئی غیر معینہ اور غیر منطقی حراستوں پر شدید تشویش کا اظہار کیا ہے۔ انہوں نے کہا کہ ان قوانین کے مسلسل اور بے دریغ استعمال نے بھارت میں منظم ریاستی جبر کو قانونی تحفظ فراہم کیا ہے، جس کے نتیجے میں تقریباً 2800 افراد کو پابندِ سلاسل کیا گیا ہے، جن میں صحافی، طلبہ، انسانی حقوق کے رضاکار اور سیاسی کارکن شامل ہیں۔ان خیالات کا اظہار انہوں نے مقبوضہ کشمیر سے متعلق اقوام متحدہ کی رپورٹ پر تشویش کا اظہار کرتے ہوئے کیا۔انہوں نے نفرت انگیز تقاریر، ہجومی تشدد اور کشمیریوں و مسلم برادری کو ہراساں کرنے کے بڑھتے ہوئے واقعات کو انتہائی افسوسناک اور قابلِ مذمت قرار دیا۔ اس صورتحال نے بھارت کے اندر بنیادی انسانی آزادیوں، اظہارِ رائے کے حق اور جمہوری اقدار کو شدید نقصان پہنچایا ہے۔ ان کا کہنا تھا کہ بھارت میں اقلیتوں کے خلاف منظم نفرت اور تعصب پر مبنی ماحول ایک سنگین انسانی بحران کی شکل اختیار کر چکا ہے، جس نے عالمی برادری کی تشویش میں بھی اضافہ کیا ہے۔امیر جماعت اسلامی پنجاب نے بھارت پر زور دیا کہ وہ مذہبی اقلیتوں، بالخصوص مسلمانوں کے خلاف ہونے والے ظلم و ستم کو فوری طور پر بند کرے اور انسانی حقوق کے عالمی معیارات کی پاسداری یقینی بنائے۔محمد جاوید قصوری نے واضح کیا کہ پاکستانی قوم مقبوضہ کشمیر سے متعلق اقوام متحدہ کی رپورٹ پر گہری تشویش کا اظہار کرتی ہے اور مسئلہ کشمیر کے پرامن، منصفانہ اور دیرپا حل کے اپنے اصولی مؤقف پر قائم ہے۔ مسئلہ کشمیر کا حل اقوام متحدہ کی سلامتی کونسل کی قراردادوں اور کشمیری عوام کی امنگوں کے مطابق ہونا چاہیے، کیونکہ اس تنازع کا حل نہ صرف خطے کے امن کے لیے ضروری ہے بلکہ جنوبی ایشیا کی ترقی اور استحکام کا ضامن بھی ہے۔انہوں نے عالمی برادری سے اپیل کی کہ وہ بھارت میں انسانی حقوق کی بگڑتی ہوئی صورتحال کا نوٹس لے اور کشمیریوں سمیت تمام مذہبی اقلیتوں کو تحفظ فراہم کرنے کے لیے موثر کردار ادا کرے۔ امیر جماعت اسلامی پنجاب نے کہا کہ جماعت اسلامی عالمی انسانی اقدار، انصاف اور مظلوم اقوام کی حمایت کے لیے اپنی جدوجہد جاری رکھے گی۔
ترقیاتی بجٹ کرپشن کی نذر ہو جاتا ہے، نواز خان ناجی