ناجائز تعلقات: معاشرتی بگاڑ کی جڑ اور عدالتی تنبیہ
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
251201-03-3
وجیہ احمد صدیقی
عدالت عظمیٰ کے جسٹس علی باقر نجفی نے نور مقدم قتل کیس کے اضافی نوٹ میں ایک ایسی حقیقت کو اُجاگر کیا ہے جو ہمارے معاشرے کی اخلاقی تباہی کی عکاسی کرتا ہے۔ انہوں نے لکھا: ’’میں نے بھی دیکھا ہے کہ موجودہ کیس upper society میں پھیلنے والے اس رجحان کا براہ راست نتیجہ ہے جسے ہم ’لِوِنگ رِلِیشن شِپ‘ کہتے ہیں، جس میں معاشرتی مجبوریوں کو نظر انداز کر دیا جاتا ہے تاکہ نہ صرف ملک کے قانون بلکہ اسلام شریعہ کے قانون کی بھی خلاف ورزی کی جائے، جو اللہ تعالیٰ کے خلاف براہ راست بغاوت ہے۔ نوجوان نسل کو اس کے خوفناک نتائج نوٹ کرنے چاہیے جیسے موجودہ کیس میں، جو سوشل رِفارمسٹس کے لیے بھی بحث کا موضوع ہے‘‘۔ یہ الفاظ نہ صرف نور مقدم کیس کی روشنی میں ایک عدالتی تنبیہ ہیں بلکہ پورے معاشرے کے لیے ایک واضح وارننگ بھی، کیونکہ اللہ تعالیٰ نے مسلمانوں میں ناجائز تعلقات کو پروموٹ نہیں کیا بلکہ انہیں سخت حرام قرار دیا ہے۔ قرآن مجید میں ارشاد ہے: ’’وَلَا تَقرَبْوا الزِّنَا اِنَّہْ کَانَ فَاحِشَۃً وَسَائَ سَبِیلًا‘‘ (سورہ الاسراء: 32) یعنی زنا کے قریب بھی نہ جاؤ، یہ بہت بڑی فحاشی اور برا راستہ ہے۔ جسٹس نجفی کا نقطہ نظر بالکل درست ہے کیونکہ آج کل خاص طور پر elite طبقے میں ’لِوِنگ ان‘ یا ناجائز رشتوں کا رجحان بڑھ رہا ہے، جو اسلامی تعلیمات، پاکستانی قانون اور معاشرتی اقدار کی کھلی خلاف ورزی ہے۔
لیکن جسٹس باقر نجفی کے اس اختلافی نوٹ کے ساتھ ان کے خلاف پروپیگنڈا بھی شروع ہو گیا ہے ٹیلی ویژن پر ایسے لوگ آ رہے ہیں جو اپنے آپ کو ریلیشن شپ کونسلر کہتے ہیں اور ان تعلقات کا انتظام کرتے ہیں پرانے زمانے میں ان انتظام کرنے والوں کو دلال کہا جاتا تھا آج کل ریلیشن شپ کونسلر کہا جاتا ہے، اور ان ناجائز تعلقات کو گویا معمول کی بات قرار دیا جا رہا ہے یہ نہایت خطرناک رجحان ہے جس کا نتیجہ اسی قسم کے قتل و غارت گری کی صورت میں نکلتا ہے۔
پاکستان پینل کوڈ کی شق 497 (زنا) اور حدود آرڈیننس 1979 اسے جرائم قرار دیتے ہیں، مگر جدید دور میں سوشل میڈیا اور ویسٹرن کلچر کی نقل نے اسے ’آزادی‘ کا نام دے دیا ہے۔ نور مقدم کیس اس کی زندہ مثال ہے جہاں 27 سالہ نور کو اس کے ’لِوِنگ پارٹنر‘ ظاہر جعفر نے اسلام آباد کے ایک فلیٹ میں سرقلم کر دیا۔ مختلف شہروں سے دوسرے واقعات جیسے لاہور کا سعدیہ طلعت کیس، کراچی کا عائشہ احمد کیس، اسلام آباد اور ملتان کے قتل کیسز، اور ایف آئی اے کی رپورٹ میں شامل سوشل میڈیا پر ناجائز تعلقات کی تشہیر واضح کرتے ہیں کہ یہ مسئلہ کتنی سرعت سے ہمارے معاشرے کو بگاڑ رہا ہے۔ اس رجحان کے نتائج خوفناک ہیں: خاندان بکھرتے ہیں، بچے یتیم ہوتے ہیں، اور جرائم بڑھتے ہیں۔ عدالتی نوٹس اور قوانین کی سختی کے ساتھ نفاذ ہی اس بگاڑ کو روک سکتے ہیں۔ نوجوانوں اور سماجی اصلاح پسندوں کو چاہیے کہ اسلامی تعلیمات کی روشنی میں نکاح کو اہمیت دیں اور اناجائز تعلقات کو روکنے کے لیے کام کریں۔
ذریعہ: Jasarat News
کلیدی لفظ: ناجائز تعلقات
پڑھیں:
علیمہ خان نے عمران خان سے ملاقات نہ کرانے پر سپرنٹنڈنٹ اڈیالہ جیل کیخلاف درخواست دائرکردی
data-id="863a0a8" data-element_type="widget" data-widget_type="theme-post-content.default">
اسلام آباد: علیمہ خان نے عمران خان سے ملاقات نہ کرانے پر سپرنٹنڈنٹ اڈیالہ جیل کے خلاف توہین عدالت کی درخواست دائر کر دی۔ انہوں نے مؤقف اختیار کیا ہے کہ 24 مارچ کے عدالتی حکم پر عمل نہ ہونے پر سپرنٹنڈنٹ اڈیالہ جیل کے خلاف اسلام آباد ہائیکورٹ میں کارروائی کی جائے۔
درخواست میں کہا گیا ہے کہ عدالتی حکم کی خلاف ورزی پر ذمہ داران کے خلاف توہین عدالت کی کارروائی شروع کی جائے اور قصورواروں کو قانون کے مطابق سزا دی جائے۔ اس درخواست میں سپرنٹنڈنٹ اڈیالہ جیل، وفاقی سیکرٹری داخلہ اور سیکرٹری داخلہ پنجاب کو فریق بنایا گیا ہے۔
اسلام آباد ہائیکورٹ میں میڈیا سے گفتگو کرتے ہوئے علیمہ خان نے کہا کہ عدالتوں کے دروازے عوام کے لیے بند ہوتے جا رہے ہیں، عدالتی احکامات نہ ماننا عدالتوں کی توہین ہے، اور عمران خان کو کسی بھی طرح نقصان نہیں پہنچایا جا سکتا۔
گولارچی، محتسب اعلیٰ کی کچہری ، شہریوں نے شکا یتوں کے انبار لگا دیے