مصر کے وزیر خارجہ 2 روزہ دورے پر آج پاکستان پہنچیں گے
اشاعت کی تاریخ: 29th, November 2025 GMT
مصر کے وزیر خارجہ ڈاکٹر بدر احمد عبدالعاطی 2 روزہ دورے پر آج پاکستان پہنچیں گے۔اس اہم دورے کا محور پاکستان اور مصر کے دیرینہ اور خوشگوار تعلقات کو قرار دیا گیا ہے، ترجمان دفتر خارجہ کا کہنا ہے معزز مہمان اور وزیر خارجہ اسحاق ڈار کی ون آن ون اور وفود کی سطح پر ملاقاتیں ہوں گی۔دونوں رہنماؤں کے درمیان ملاقات میں دوطرفہ تعلقات اور علاقائی و عالمی امور پر تبادلہ خیال ہوگا، مذاکرات میں غزہ کی تازہ صورتحال بھی زیرغور آئےگی، مصری وزیر خارجہ کا دورہ دونوں ممالک میں شراکت داری مزید مضبوط کرے گا۔
.ذریعہ: Nawaiwaqt
پڑھیں:
وزیراعظم شہباز شریف کا پرتپاک استقبال کے ساتھ 2 روزہ دورہ منامہ
وزیراعظم محمد شہباز شریف دو روزہ دورے پر بحرین کے دارالحکومت منامہ پہنچ گئے ہیں۔
منامہ ائیرپورٹ پر بحرین کے ولی عہد و وزیراعظم شہزادہ سلمان بن حمد الخلیفہ، بحرینی نائب وزیراعظم خالد بن عبداللہ الخلیفہ، بحرینی وزیر خارجہ ڈاکٹر عبد اللطیف بن رشید الزایانی اور بحرینی قیادت کے سینیئر ارکان نے وزیراعظم اور پاکستانی وفد کا پرتپاک استقبال کیا۔
وزیراعظم 26 سے 27 نومبر تک بحرین میں قیام کریں گے، اور دورے میں نائب وزیراعظم، وزیرخارجہ سینیٹر محمد اسحاق ڈار، وزیر داخلہ سید محسن رضا نقوی، وفاقی وزیر اطلاعات و نشریات عطا اللہ تارڑ، وزیر مملکت بلال اظہر کیانی اور دیگر سینئر افسران بھی وفد کے ساتھ شامل ہیں۔
Crown Prince and Prime Minister of Bahrain H.R.H. Salman bin Hamad Al Khalifa receives Prime Minister Muhammad Shehbaz Sharif at Bahrain International Airport in Manama on 26 November 2025.@AmirSaeedAbbasi @TararAttaullah pic.twitter.com/Qt4cPAj2Ob
— Media Talk (@mediatalk922) November 26, 2025
دورے کے دوران وزیراعظم محمد شہباز شریف بحرین کی قیادت کے ساتھ اعلیٰ سطحی ملاقاتیں کریں گے، جن میں بحرین کے بادشاہ شاہ حمد بن عیسیٰ الخلیفہ، ولی عہد و وزیراعظم شہزادہ سلمان بن حمد الخلیفہ اور نائب وزیراعظم شیخ خالد بن عبداللہ الخلیفہ سے ملاقاتیں شامل ہیں۔
مزید پڑھیں: وزیراعظم شہباز شریف بحرین کے 2 روزہ سرکاری دورے پر روانہ
یہ دورہ پاکستان اور بحرین کے دیرینہ خوشگوار تعلقات کی عکاسی کرتا ہے اور اس کا مقصد دونوں ممالک کے درمیان نتائج پر مبنی اور تزویراتی شراکت داری کو فروغ دینا ہے۔
اس دورے سے روایتی گرمجوشی اور دوستانہ تعلقات میں اضافہ ہوگا، شراکت داری کی نئی راہیں متعین ہوں گی، اور عوام سے عوام کے روابط مزید مضبوط ہوں گے، جو باہمی مفاد میں تعاون کو فروغ دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحرین وزیراعظم محمد شہباز شریف ولی عہد و وزیراعظم شہزادہ سلمان بن حمد الخلیفہ،
سب تماشا ہے!