بانی نے کہا ملک میں جھوٹی گواہیوں پر سزائیں دی جا رہی ہیں۔، علیمہ خان
اشاعت کی تاریخ: 22nd, July 2025 GMT
فائل فوٹو۔
بانی پاکستان تحریک انصاف (پی ٹی آئی) کی بہن علیمہ خان نے کہا ہے کہ بانی نے کہا ملک میں جھوٹی گواہیوں پر سزائیں دی جا رہی ہیں۔
راولپنڈی میں میڈیا سے گفتگو کرتے ہوئے علیمہ خان نے کہا کہ نورین نیازی اورعظمٰی خان کو آج ملاقات کی اجازت نہیں دی گئی، پہلے چھ، چھ لوگوں کو ملاقات کی اجازت دی جاتی تھی پھر 2 بہنوں پر لے آئے۔
انھوں نے کہا کہ آج انہوں نے ساری بہنوں کی ملاقات بند کر دی ہے، آج بشریٰ بی بی اور بانی پی ٹی آئی کی ملاقات ہوئی ہے۔
علیمہ خان نے کہا کہ ایک وکیل ظہیر عباس چوہدری کی ملاقات ہوئی ہے، عدالتی احکامات کی کھلی خلاف ورزی ہو رہی ہے۔
انکا کہنا تھا بانی پی ٹی آئی نے کہا ہے کہ وہ کورٹ میں پیش ہونا چاہتے ہیں۔ بانی نے کہا پاکستان میں ایلیٹ کلاس وسائل چوری کر رہے ہیں، ملک میں جھوٹی گواہیوں پر سزائیں دی جا رہی ہیں۔
علیمہ خان نے کہا بانی نے کہا رول آف لاء کیلیے تحریک چلانا پڑے گی، انھوں نے ہدایت کی ہے کہ یکجا ہو کر تحریک پر فوکس کریں۔
علیمہ خان نے کہا کہ تحریک کا اعلان اس لیے کیا ہے کیونکہ سارے راستے بند ہوگئے ہیں، بانی کے بچے پاکستان آئیں گے، ان کے پاس نائیکوپ ہے، بانی کو مکمل طور پر قید تنہائی میں رکھا گیا ہے۔
انھوں نے کہا سینیٹ الیکشن پر پارٹی موقف دے گی، بانی پی ٹی آئی کو معلوم نہیں کہ باہر کیا ہو رہا ہے۔
دریں اثنا پی ٹی آئی کے رہنما سلمان اکرم راجہ نے کہا کہ 9 مئی کے کیسز میں سزائیں دینا انتہائی افسوسناک ہے۔ہم سپریم کورٹ جائیں گے اپنا مقدمہ لڑیں گے۔
انہوں نے کہا کہ پارٹی کے اندر اختلاف رائے ہوتا ہے یہ کوئی بڑی بات نہیں۔
.ذریعہ: Jang News
کلیدی لفظ: علیمہ خان نے کہا بانی نے کہا پی ٹی آئی نے کہا کہ
پڑھیں:
ہم نے 5 اگست کے حوالے سے عمران خان کا پیغام پی ٹی آئی لیڈرشپ کو پہنچا دیا تھا، علیمہ خان
بانی چیئرمین پاکستان تحریک انصاف عمران خان کی ہمشیرہ علیمہ خان نے کہا ہے کہ ہم نے 5 اگست کے حوالے سے دو ہفتے پہلے عمران خان کا پیغام پی ٹی آئی کی لیڈرشپ کو پہنچا دیا تھا کہ عمران خان نے کیا کہا ہے، اس سے زیادہ ہم کیا کر سکتے ہیں، وہ کہہ رہے ہیں کہ وہ پلان کر رہے ہیں اور ان شاء اللہ وہ کریں گے۔
یہ بھی پڑھیں: شیرافضل مروت کے علیمہ خان سمیت پی ٹی آئی قیادت پر الزامات
اڈیالہ جیل کے باہر میڈیا سے گفتگو کرتے ہوئے، عمران خان کے بیٹے کب پاکستان آ رہے ہیں؟ اس سوال کے جواب میں علیمہ خان نے کہا کہ ان کے بیٹے امریکا گئے ہیں، جب وہ امریکا سے واپس آئیں گے تو پاکستان بھی آئیں گے۔
علیمہ خان سے صحافی نے سوال کیا کہ عمران خان کے بیٹے 5 اگست سے پہلے پاکستان آئیں گے یا بعد میں؟ جواب میں انہوں نے کہا کہ اس پر میں ابھی بات نہیں کروں گی۔
5 اگست کے حوالے سے تحریک انصاف کی لیڈرشپ کو عمران خان کا پیغام پہنچا دیا تھا اب اس سے زیادہ ہم کیا کر سکتے ہیں عمران خان کے بیٹے امریکہ جا رہے ہیں وہ واپسی پر پاکستان آئیں گے۔
علیمہ خان pic.twitter.com/fk11TEJVwh
— Ahmad Hassan Bobak (@ahmad__bobak) July 22, 2025
کیا وہ پشاور اتریں گے؟ اس سوال کے جواب میں علیمہ خان نے کہا کہ وہ چھپ کے کیوں آئیں گے، جب وہ آئیں گے، سب کے سامنے آئیں گے، وہ پاکستانی شہری ہیں، تو وہ کیوں نہیں آ سکتے؟ کیا وہ اپنے والد کو ملنے نہیں آ سکتے؟
ان کا کہنا تھا کہ ہم عمران خان کا کیس سپریم کورٹ میں لے کر جا رہے ہیں، ہم یہی کر سکتے ہیں، ہم ہر فورم پر ان کا کیس لے کر جائیں گے، یہ بہت حد ہو گئی ہے، چلو ٹھیک ہے آپ نے ظلم کرنا ہے، لیکن ہماری عدالتوں کو بھی تو کچھ کرنا پڑے گا۔
عمران خان کے لیے آواز اٹھانے کی ضرورت ہے , وہ اس وقت قید تنہائی میں ہیں – کتابیں تک نہیں دی جا رہیں ہمیں عمران خان کو رہا کروانا ہے –
علیمہ خان
pic.twitter.com/M4X3tV3OwQ
— PTI (@PTIofficial) July 22, 2025
انہوں نے کہا کہ عمران خان قیدِ تنہائی میں ہیں، ان کے پاس نہ اخبار ہے، نہ کوئی ٹی وی ہے، نہ ان سے کسی کو ملاقات کرنے دی جاتی ہے۔ آدھا گھنٹہ بہنیں جاتی ہیں، اس کے علاوہ عمران خان سے کسی کی ملاقات نہیں ہوتی۔ ان کو اب کتابیں بھی نہیں دی جاتیں، وہ قرآن پڑھتے ہیں، نماز پڑھتے ہیں اور تھوڑی ورزش کرتے ہیں، لیکن وہ قیدِ تنہائی میں ہیں۔ ان حالات میں عمران خان کے لیے ہمیں آواز اٹھانی ہے اور ہمیں ان کو باہر نکالنا ہے، ہمارا اس وقت یہی مقصد ہے۔
یہ بھی پڑھیں: عمران خان کی پارٹی کو ذاتی لڑائیاں ختم کرکے تحریک چلانے کی ہدایت، علیمہ خان
انہوں نے کہا کہ اب وقت آ رہا ہے کہ لوگ عمران خان کے لیے نکلیں گے، عمران خان رہا ہوں گے، انہوں نے جتنا ظلم کرنا تھا کر چکے ہیں، لیکن اگر عمران خان کی زندگی خطرے میں ڈالیں گے تو ہم چپ نہیں بیٹھیں گے۔
اہم ترین
علیمہ خان کا سپریم کورٹ جانے کا اعلان
عمران خان کی isolation پر سینٹ ٹکٹ کی وجہ سے پردہ آ چکا تھا عمران خان کو قید تنہائی میں رکھا ہوا ہے ہم سپریم کورٹ جا رہے ہیں ۔
علیمہ خان pic.twitter.com/66GHMEvDON
— Ahmad Hassan Bobak (@ahmad__bobak) July 22, 2025
پی ٹی آئی کوشش کرکے 5 سینیٹرز بنوا سکتی تھی، 18 ووٹ زیادہ پڑے ہیں، ایک اور سینیٹر بن سکتا تھا، اس حوالے سے آپ کیا کہیں گی؟ اس سوال کے جواب میں انہوں نے کہا کہ ہمیں ٹیکنیکل چیزوں کا نہیں پتا، ہمارا فوکس سینیٹ کی سیٹوں پر پیچھے رہ گیا عمران خان کی قیدِ تنہائی کی وجہ سے، ہم نے 5 اگست کے حوالے سے پی ٹی آئی لیڈرشپ کو عمران خان کا پیغام پہنچا دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست we news اڈیالہ جیل تحریک انصاف علیمہ خان عمران خان
بانی پی ٹی آئی کا ٹی وی، اخبار ایک ہفتے سے بند ہے: نورین نیازی