آج کا دن اس امر کی یاد دہانی ہے کہ ہیپاٹائٹس ایک قابلِ علاج مرض ہے; صدرِ مملکت
اشاعت کی تاریخ: 27th, July 2025 GMT
سٹی 42 : صدر مملکت آصف علی زرداری نے کہا ہے کہ آج کا دن اس امر کی یاد دہانی ہے کہ ہیپاٹائٹس ایک قابلِ علاج اور قابلِ انسداد مرض ہے۔
صدر مملکت آصف علی زرداری نے کہا ہے کہ آج، ہیپاٹائٹس کا عالمی دن اس عزم کے ساتھ منایا جا رہا ہے کہ ہیپاٹائٹس جیسے خطرناک مرض کے بارے میں شعور اُجاگر کیا جائے اور اس کے پھیلاؤ کو روکنے اور اس پر قابو پانے کے لیے مشترکہ اقدامات کو فروغ دیا جائے۔ پاکستان میں ہیپاٹائٹس صحت عامہ کا ایک سنگین مسئلہ بنا ہوا ہے، جہاں لاکھوں افراد تشخیص میں تاخیر، ناکافی آگاہی اور غیر مؤثر طبی سہولیات کے باعث خاموشی سے اس مرض کا شکار ہو رہے ہیں۔ یہ صورتِ حال نہ صرف ہمارے نظامِ صحت پر بوجھ ڈال رہی ہے بلکہ قومی معیشت کو بھی متاثر کر رہی ہے۔
اے سی شالیمار اور پیرافورس پرمسلح لینڈمافیاکاحملہ ؛ پولیس نے دو ملزم گرفتار کرلیے
صدر آصف علی زرداری نے کہا کہ ہیپاٹائٹس کو بجا طور پر ’’خاموش قاتل‘‘ کہا جاتا ہے کیونکہ یہ مرض عموماًایسی اسٹیج پر جا کر ظاہر ہوتا ہے جب جگر کو ناقابلِ تلافی نقصان پہنچ چکا ہوتا ہے۔ اگر بروقت علاج نہ ہو تو یہ مرض جگر کی ناکامی اور سروسس جیسے مہلک نتائج کا سبب بن سکتا ہے۔ اس کے خاموش پھیلاؤ نے اسے ایک ’’خاموش وبا‘‘ بنا دیا ہے۔ تاہم یہ ایک قابلِ علاج اور قابلِ انسداد مرض ہے، بشرطیکہ اس کی بنیادی وجوہات کا بروقت اور مؤثر سدباب کیا جائے۔ انہوں نے کہا کہ ہیپاٹائٹس کے خلاف مؤثر جدوجہد کے لیے مربوط اور منظم قومی حکمتِ عملی کی ضرورت ہے۔ ہمیں وسیع سطح پر آگاہی مہمات، ویکسینیشن، بروقت اسکریننگ اور علاج تک رسائی کو یقینی بنانا ہوگا۔ یہ خدمات خاص طور پر دور دراز اور پسماندہ علاقوں تک پہنچانا ناگزیر ہے۔ ساتھ ہی صحت کے عملے کی تربیت، انفیکشن کنٹرول کے سخت اقدامات اور خون کی منتقلی و طبی طریقہ کار کے سخت ضوابط پر عملدرآمد بھی لازمی ہے۔
چیٹ جی پی ٹی سے احتیاط ؛ اوپن اے آئی کے چیف ایگزیکٹو سام آلٹمین نے اہم مشورہ دے دیا
صدر مملکت نے کہا کہ ہیپاٹائٹس سے بچاؤ کے لیے عوامی شعور کو ہماری کوششوں کا مرکز ہونا چاہیے۔ جتنا زیادہ ہمارے عوام کو اس مرض کے خطرات کا علم ہوگا، اتنا ہی بہتر طریقے سے وہ اپنی اور اپنے خاندان کی حفاظت کر سکیں گے۔ آگاہی مہمات کے ذریعے ہم ذمہ دارانہ طبی طرزِ عمل کو فروغ دے سکتے ہیں اور لوگوں کو اس بیماری سے بچاؤ کے لیے درکار معلومات مہیا کر سکتے ہیں۔ انہوں نے کہا کہ آج اس اہم دن میں تمام فریقین،حکومتی اداروں، طبی ماہرین، نجی شعبے، میڈیا اور سول سوسائٹی سے اپیل کرتا ہوں کہ وہ ایک مؤثر اور مشترکہ حکمتِ عملی کے تحت ہیپاٹائٹس کے خلاف یکجا ہو کر کام کریں۔ ہم اجتماعی کوششوں سے اس چیلنج پر قابو پا سکتے ہیں۔
اربعین کیلئے زمینی راستے سے ایران اور عراق جانے پر پابندی عائد
انہوں نے کہا کہ آج کا دن اس امر کی یاد دہانی ہے کہ ہیپاٹائٹس ایک قابلِ علاج اور قابلِ انسداد مرض ہے۔ باہمی تعاون اور مربوط کوششوں سے ہم اس چیلنج کو ضرور شکست دیں گے اور ایک صحت مند اور ہیپاٹائٹس سے پاک پاکستان کی جانب بڑھیں گے
.ذریعہ: City 42
کلیدی لفظ: نے کہا کہ ایک قابل مرض ہے کے لیے
پڑھیں:
سابق سینیٹر مشتاق احمد نے وزیر خارجہ کے بیان کو شرمناک اور قابل مذمت قرار دے دیا
لاہور (اُردو پوائنٹ اخبارتازہ ترین۔ 26 جولائی 2025ء) سابق سینیٹر مشتاق احمد نے وزیر خارجہ کے بیان کو شرمناک اور قابل مذمت قرار دے دیا، کہا اسحاق ڈار عافیہ صدیقی کی ظالمانہ قید کو اس لیے درست قرار دے رہے ہیں تاکہ عمران خان کی غیر قانونی قید، سیاسی انتقام کا جواز پیش کر سکیں۔ تفصیلات کے مطابق سابق سینیٹر اور جماعت اسلامی کے سینئر رہنما مشتاق احمد کی جانب سے عافیہ صدیقی کی قید سے متعلق وزیر خارجہ اسحاق ڈار کے بیان پر ردعمل دیا گیا ہے۔ مشتاق احمد کا کہنا ہے کہ "اسحاق ڈار صاحب، کیا آپ کو عافیہ کیس کا علم ہے؟۔ موجودہ حکومت کا عمران خان کیخلاف اپنے سیاسی انتقام کو جواز فراہم کرنے کیلئے مظلوم ڈاکٹر عافیہ کیخلاف فراڈ امریکی عدالتی کاروائی کو درست قرار دینا شرمناک حرکت ہے،میں اس کی شدید الفاظ میں مذمت کرتا ہوں۔(جاری ہے)
اسحاق ڈار نے ایٹلانٹک کونسل میں خطاب کرتے ہوئے عافیہ صدیقی کی دہائیوں پر محیط ظالمانہ قید کو "قانونی طریقہ کار" کے تحت درست قرار دیا، تاکہ وہ اپنی حکومت کی جانب سے عمران خان کی غیر قانونی قید کا جواز پیش کر سکیں۔
یہ شہباز حکومتِ کی جانب سے ناقابل معافی حرکت ہے۔ قانونی طریقہ کار" اس چیز کو نہیں کہتے جس میں عافیہ کو بچوں سمیت پاکستان سے اغواء کیاجائے،غیر قانونی طور پر،پاکستانی اور بین الاقوامی قوانین کو پامال کرتے ہوئےافغانستان اور پھر امریکا منتقل کیاجائے۔عافیہ کے خلاف کوئی گواہ نہ ہو، جھوٹ بولا جائے اور تمام مقدمہ ہی جھوٹ پر مبنی ہو۔اسےانصاف کی ناکامی کہا جاتا ہے، نہ کہ قانونی طریقہ کار۔" واضح رہے کہ اسحاق ڈار نے عافیہ صدیقی کو ہونے والی سزا بالکل درست قرار دیتے ہوئے کہا کہ امریکا میں عافیہ صدیقی کو ہونے والی سزا بالکل درست اور باقاعدہ پراسس کے بعد ہوئی۔ نائب وزیر اعظم اور وزیر خارجہ سینیٹر اسحاق ڈار نے بانی پی ٹی آئی عمران خان کی عدالتوں سے سزا سے متعلق سوال پر عافیہ صدیقی کیس کا حوالے دیتے ہوئے کہا ہے کہ پاکستان میں منصفانہ قانونی عمل اس وقت بھی جاری ہے، اس کیس کو سیاسی رنگ نہ دیا جائے۔ امریکا میں اٹلانٹک کونسل میں بانی پی ٹی آئی عمران خان سے متعلق سوال پر اسحاق ڈار نے کہا جب کوئی ریاست کے مقابل ہتھیار اٹھائے گا اور وہ سب کچھ کرے گا جو نو مئی کو کیا گیا تو قانون اپنا راستہ لے گا۔ ان کا کہنا تھا کہ پاکستان میں منصفانہ قانونی عمل اس وقت بھی جاری ہے، اس کیس کو سیاسی رنگ نہ دیا جائے، جس طرح عافیہ صدیقی کئی عشروں سے امریکا میں قید ہیں، نہ جانے کب تک رہیں گی، اس پر یہ کہنا مناسب نہیں کہ منصفانہ قانونی عمل اختیار نہیں کیا گیا۔ انہوں نے مزید کہا کہ بانی پی ٹی آئی سیاست سے پہلے چندے کے لئے میرے پاس آتے تھے۔ نائب وزیر اعظم نے کہا کہ اگست 2014 کے دھرنے سے معاشی نقصان ہوا، کوئی پاپولر لیڈر ہے تو اسے کوئی حق نہیں کہ سیکیورٹی تنصیبات پر حملہ کرے۔
مہاتیر محمد 100 سال کے ہوگئے؛ طویل عمر کا راز بھی بتادیا