حکومت خود ہی زائرین کے راستے میں رکاؤٹیں پیدا کر رہی ہے، علامہ مقصود ڈومکی
اشاعت کی تاریخ: 28th, July 2025 GMT
علامہ مقصود ڈومکی نے کہا کہ زائرین کے لئے محفوظ راستے اور مناسب سکیورٹی فراہم کرنا حکومت کی آئینی و اخلاقی ذمہ داری ہے، جبکہ یہاں حکومت خود ہی انکے راستے میں رکاؤٹیں پیدا کر رہی ہے۔ اسلام ٹائمز۔ مجلس وحدت مسلمین پاکستان کے مرکزی سیکرٹری نشر و اشاعت علامہ مقصود علی ڈومکی نے کہا ہے کہ زائرین کیلئے زمینی راستوں کی بندش کا فیصلہ بدنیتی پر مبنی اور قابل مذمت ہے۔ لاکھوں زائرین نواسہ رسول (ص) حضرت امام حسین علیہ السلام کے عشق میں یہ سفر کرتے ہیں۔ حکومت زائرین کی راہ میں رکاؤٹیں ڈالنے سے اجتناب کرے۔ ان خیالات کا اظہار انہوں نے مجلس وحدت مسلمین حیدرآباد کے دفتر کے دورے کے موقع پر ضلعی صدر سید وقار حیدر اور مختلف تنظیمی ذمہ داران سے ملاقات کے موقع پر گفتگو کرتے ہوئے کیا۔ ملاقات کے دوران ملکی موجودہ حالات اور زائرین کے مسائل پر تفصیلی گفتگو ہوئی۔
اس موقع پر گفتگو کرتے ہوئے علامہ مقصود علی ڈومکی نے کہا کہ چہلم شہدائے کربلا کے موقع پر ہر سال پاکستان سے لاکھوں عاشقان اہل بیتؑ کربلا کا بائے روڈ سفر کرتے ہیں، جو امام حسین علیہ السلام سے ان کی والہانہ عقیدت اور عشق کی علامت ہے۔ مگر افسوس کی بات ہے کہ وفاقی وزیر داخلہ محسن نقوی کی جانب سے زائرین کے بائے روڈ سفر پر پابندی کا بیان دیا گیا۔ زائرین کے بائے روڈ سفر پر پابندی قابل مذمت اور ناقابل قبول ہے۔ زائرین کے لئے محفوظ راستے اور مناسب سکیورٹی فراہم کرنا حکومت کی آئینی و اخلاقی ذمہ داری ہے، جبکہ یہاں حکومت خود ہی ان کے راستے میں رکاؤٹیں پیدا کر رہی ہے۔ انہوں نے کہا کہ تعجب ہے کہ سکھ یاتریوں کے لئے حکومت خصوصی انتظامات کرتی ہے۔ وزراء ان کے استقبال کے لئے موجود ہوتے ہیں، مگر نواسۂ رسول (ص) حضرت امام حسین علیہ السلام اور اہل بیت پیغمبر علیہم السلام کے روضوں کی زیارت کے لئے جانے والے زائرین کو مسلسل روکا جا رہا ہے۔ انہیں تنگ کیا جاتا ہے اور ان پر سفری پابندیاں لگائی جا رہی ہیں۔
انہوں نے حکومت پاکستان کو متنبہ کیا کہ وہ زائرین کے مسائل کے حل کی جانب فوری طور پر سنجیدگی سے توجہ دے۔ اگر اس مقدس سفر پر رکاؤٹیں کھڑی کی گئیں تو ملت جعفریہ بھرپور احتجاج کا حق محفوظ رکھتی ہے۔ علامہ ڈومکی نے کہا کہ علامہ ناصر عباس جعفری نے جس جرات، استقامت اور بصیرت کے ساتھ پاکستان کے مظلوم عوام، خصوصاً ملت جعفریہ کے حقوق کی ترجمانی کی ہے، وہ قابل تعریف ہے۔ قوم ان کے قیادت پر فخر کرتی ہے۔ در ایں اثناء علامہ مقصود علی ڈومکی نے رانی پور میں وادی زہراء پہنچ کر شبیہہ زیارت کربلا کی زیارت کی۔ اس موقع پر انہوں نے غلام حسین ملاح کی عشق و عقیدت سے لبریز دینی خدمات کو زبردست خراج تحسین پیش کیا۔ انہوں نے کہا کہ رانی پور میں وادی زہراء کا قیام سر زمین سندھ کے عاشقان اھل بیت کے لئے خوبصورت تحفہ ہے۔
ذریعہ
ذریعہ: Islam Times
کلیدی لفظ: ڈومکی نے کہا علامہ مقصود میں رکاؤٹیں زائرین کے نے کہا کہ انہوں نے کے لئے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار