اسلام آباد: زندہ جلائی گئی خاتون کا مرنے سے قبل ریکارڈ ہوا ویڈیو بیان عدالت میں پیش
اشاعت کی تاریخ: 28th, July 2025 GMT
اسلام آباد:
اسلام آباد میں زندہ جلائی گئی خاتون کا مرنے سے قبل ریکارڈ کیا گیا ویڈیو بیان عدالت میں پیش کردیا گیا، عدالت نے سسر کی درخواست ضمانت مسترد کردی۔
ایکسپریس نیوز کے مطابق ڈسٹرکٹ اینڈ سیشن کورٹس اسلام آباد میں تھانہ کرپا کی حدود میں خاتون کو زندہ جلانے کے معاملے میں خاتون کے سسر مستاسب کی درخواست ضمانت بعد از گرفتاری پر سماعت ہوئی۔ ایڈیشنل ڈسٹرکٹ اینڈ سیشن جج راجہ آصف محمود نے کیس پر سماعت کی۔
مرحومہ خاتون کی جانب سے منیر احمد ایڈوکیٹ، ایمن ملک ایڈوکیٹ اور محمد سہیل ایڈوکیٹ عدالت میں پیش ہوئے۔
کیل کی جانب سے خاتون کا مرنے سے قبل ریکارڈ کیا گیا ویڈیو بیان عدالت میں پیش کردیا گیا۔ وکیل کے موبائل پر جج کو ویڈیو بیان سنایا گیا۔
منیر احمد ایڈوکیٹ نے بتایا کہ خاتون جلنے کے باعث 1 ماہ اور 1 دن بعد پمز ہسپتال انتقال کر گئی تھی۔ خاتون کی مدعیت میں سسر اور خاوند کے خلاف مقدمہ درج ہے۔ خاتون ویڈیو بیان میں خود بتا رہی ہے اسے کس نے جلایا، ملزم کو ضمانت دی تو مرحومہ کے 11 سالہ بچے کی جان کو خطرہ ہوگا، خاتون کا 164 کا بیان اور مرنے سے پہلے ویڈیو بیان موجود ہے۔ منیر احمد ایڈوکیٹ کی جانب سے مختلف 35 کیسز کا حوالہ دیا گیا۔
عدالت نے خاتون کے سسر کی ضمانت بعد از گرفتاری کی درخواست مسترد کردی۔ مرحومہ خاتون کی مدعیت میں تھانہ کرپا میں مقدمہ درج ہے۔
خاتون کا ویڈیو بیان
خاتون نے اپنے ویڈیو بیان میں کہا کہ شام کو لڑائی ہوئی مجھے مارا گیا، سسر نے مجھے گندی گندی گالیاں بھی دیں، میں باہر بھاگی تاکہ کوئی بچائے، پیچھے سے شوہر بھی آگیا، باہر اور لوگوں نے بھی دیکھا شوہر گھسیٹ کر دروازے کے اندر لے آیا، شوہر نے گھسیٹ کر پکڑا اور سسر نے اوپر پیٹرول پھینکا اور آگ لگائی، کمرے کے دو دروازے تھے آگ کے بعد سسر باہر چلا گیا، شوہر دوسرے دروازے سے نکلا مجھے آگ لگی تھی میں بھی پیچھے بھاگی، میں چیختی چلاتی رہی کافی دیر بعد مجھ پر پانی پھینکا، 2 گھنٹے میں وہی پڑی رہی، کسی نے ہاتھ نہیں لگایا کوئی اسپتال لے کر نہیں گیا۔
خاتون نے ویڈیو بیان میں کہا کہ دو گھنٹے بعد ہسپتال لے کر آئے، راستے میں مارتے اور ڈراتے رہے کہ تم سے بچے کو چھین لیں گے، مجھے کہا کہ تم کہنا میں سلنڈر سے جلی ہوں، میرے کانوں میں جو زیور تھا وہ بھی اتار لیا گیا، اسپتال میں بھی لاکر مجھے پانی نہیں دیا گیا، ڈاکٹر نے کہا تو پانی دیا گیا، اسپتال میں بھی ڈراتے رہے کہ بھائیوں کو بتایا تو تمہیں اور بچے کو نقصان پہنچائیں گے، میرا بچہ بھی انہی کے پاس ہے، میری یہ حالت سسر اور خاوند کی وجہ سے ہے۔
واضح رہے کہ جاں بحق خاتون کا سسر اور شوہر اڈیالہ جیل میں قید ہیں۔
.
ذریعہ
ذریعہ: Express News
کلیدی لفظ: عدالت میں پیش خاتون کا
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی