ایف آئی اے نے حوالہ ہنڈی اور غیرقانونی کرنسی ایکسچینج میں ملوث 16ملزمان کوگرفتارکرلیا
اشاعت کی تاریخ: 28th, July 2025 GMT
کوئٹہ (اُردو پوائنٹ اخبارتازہ ترین - اے پی پی۔ 28 جولائی2025ء) فیڈرل انویسٹی گیشن ایجنسی(ایف آئی اے) نے حوالہ ہنڈی اور غیرقانونی کرنسی ایکسچینج میں ملوث 16ملزمان کوگرفتارکرلیا۔ ترجمان ایف آئی اے کے مطابق ڈائریکٹر جنرل ایف آئی اے رفعت مختار راجہ کی ہدایت پر ایف آئی اے بلوچستان زون نے حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیا۔
ایف آئی اے نے مختلف چھاپہ مار کارروائیوں میں حوالہ ہنڈی اور غیر قانونی کرنسی ایکسچینج میں ملوث 16 ملزمان کوگرفتارکرلیا ،گرفتار ملزمان میں محمد رمضان، احمد ، عبدالکریم ، خیر محمد ، عبد الاحد ، رحمت اللہ ، عبد الباقی ، علاالدین ، عبدلمالک ، عبد الصمد اور سید گل ،گرفتار ملزمان میں مہدی ، سعید خان ، حاجی نذیر، حاجی عبد الواحد اور اسداللہ بھی شامل ہیں۔(جاری ہے)
ترجمان کے مطابق ملزمان کو چھاپہ مار کارروائیوں میں بلوچستان کے مختلف علاقوں سے گرفتار کیا گیا ،چھاپہ مار کارروائیوں میں ملزمان سے مجموعی طور پر 39 لاکھ 61 ہزار پاکستانی روپے برآمد ہوئے جبکہ غیر ملکی کرنسی کی مد میں 6047.9 ملین ایرانی ریال ، 15 لاکھ 56 ہزار عراقی دینار، 8800 افغانی، 1000 کورین وان ، 400 ترکش لیرا اور 144 امریکی ڈالر برآمد ہوئے ملزمان سے موبائل فونز اور حوالہ ہنڈی سے متعلق دیگر شواہد بھی برآمد کر لیے گئے ۔ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے ،ملزمان کو گرفتار کر کے تفتیش کا آغاز کر دیا گیا ہے ۔
ذریعہ: UrduPoint
کلیدی لفظ: تلاش کیجئے کرنسی ایکسچینج میں ملوث حوالہ ہنڈی اور ایف آئی اے
پڑھیں:
تعلیمی اداروں کے قریب منشیات فروشی میں ملوث ملزم سمیت 5 گرفتار
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)اینٹی نارکوٹکس فورس (اے این ایف) نے تعلیمی اداروں کے اطراف اور مختلف شہروں میں منشیات اسمگلنگ کے خلاف کارروائیوں کے دوران بڑی کامیابی حاصل کرلی۔ ترجمان اے این ایف کے مطابق ملک بھر میں کی جانے والی پانچ کارروائیوں میں پانچ ملزمان کو گرفتار کرلیا گیا، جن کے قبضے سے مجموعی طور پر 108.61 کلوگرام منشیات برآمد کی گئی، جس کی مالیت ایک کروڑ 12 لاکھ روپے سے زائد بتائی جاتی ہے۔نارتھ ناظم آباد میں واقع ایک یونیورسٹی کے قریب کارروائی کے دوران ملزم کے قبضے سے 36 کلو چرس برآمد کی گئی۔ ابتدائی تفتیش میں ملزم نے اعتراف کیا کہ وہ تعلیمی اداروں کے طلبہ و طالبات کو منشیات فروخت کرتا تھا۔ اے این ایف کی دیگر کارروائیاں ملک کے مختلف شہروں میں کی گئیں، جن کا مقصد نوجوان نسل کو منشیات کے زہر سے محفوظ بنانا اور منشیات فروش نیٹ ورک کو جڑ سے اکھاڑ پھینکنا ہے۔ ترجمان نے مزید بتایا کہ گرفتار ملزمان کے خلاف مقدمات درج کرکے تفتیش شروع کردی گئی ہے، جبکہ مزید گرفتاریوں کا امکان ظاہر کیا گیا ہے۔
پنجاب میں بغیر گرین اسٹیکر گاڑیاں فوری طور پر بند کرنے کا فیصلہ