9 مئی مقدمات: عمر ایوب، شبلی فراز، حامد رضا سمیت 196 افراد کو سزا
اشاعت کی تاریخ: 1st, August 2025 GMT
فیصل آباد+ اسلام آباد+ساہیوال (نمائندہ خصوصی+ نوائے وقت رپورٹ+نمائندہ نوائے وقت) انسداد دہشت گردی کی عدالت نمبر 3 کے جج جاوید اقبال نے 9 مئی کے تین مختلف کیسز کا فیصلہ سناتے ہوئے کل 288 ملزمان میں سے 196 کو سزائیں سنا دیں جبکہ 88کو بری کردیا ہے۔ سینٹ میں اپوزیشن لیڈر شبلی فراز، قومی اسمبلی میں اپوزیشن لیڈر عمرایوب، سنی اتحاد کونسل کے سربراہ اور فیصل آباد سے منتخب ایم این اے صاحبزادہ حامد رضا، زرتاج گل، اشرف سوہنا، شیخ راشد رفیق، محمد احمد چٹھہ سمیت 196 افراد کو سزائیں سنائی ہیں۔ خصوصی عدالت نے حساس ادارے کے دفتر پر حملہ آور ہونے اور جلاؤ گھیراؤ کرنے کے تھانہ سول لائن کے مقدمہ نمبر 832کا فیصلہ سناتے ہوئے 185 میں سے 108 افراد کو 10، 10 سال کی سزا سنائی جبکہ فواد چوہدری، خیال کاسترو، ندیم سندھو، زین قریشی، عبداللہ دمڑ، رانا اسد محمود ، صاحبزادہ حسن رضاسمیت 77 کو بری کر دیا۔ سزا پانے والوں میں شبلی فراز، شیخ راشد رفیق، عمر ایوب، اشرف سوہنا ، رائے حسن نواز، رائے مرتضیٰ اقبال، زرتاج گل، فرح آغا، فرخندہ کوکب، بلال اعجاز، محمد احمد چٹھہ،چوہدری آصف علی، رائے حیدر خان، حبقوق گل، شکیل احمد نیازی، سردار عظیم اللہ، مہر محمد جاوید، محمد انصر اقبال، کنول شوزب، صاحبزادہ حامد رضا، جنید افضل ساہی، تہمینہ ریاض، رانا آفتاب ، بابر سلیم سمیت 108افراد شامل ہیں۔ جنید افضل ساہی کو تین برس سزا سنائی گئی جو سب سے کم ہے۔ اسی مقدمہ میں رکن پنجاب اسمبلی رانا اسد محمود، پی ٹی آئی ویسٹ پنجاب کے سابق صدر فیض اللہ کموکا، ملک جہانزیب زیبی، خرم اعجاز کاہلوں، سابق صدر ڈسٹرکٹ بار بلال اشرف بسرا، صاحبزادہ حسن رضا، ایم پی اے حسن ذکاء نیازی، رکن قومی اسمبلی مخدوم زین قریشی، سابق سیکرٹری بار رانا ایم اے بابر، شہباز امیر علی، رانا اسرار احمد خان، زاہد محمود، عبدالرزاق خان، نرگس ناہید، سابق ایم پی اے جوئیل عامر سہوترا، ندیم آفتاب سندھو کو بری کردیا گیا۔ عدالت نے تھانہ غلام محمد آباد کے مقدمہ نمبر 1277میں 67 میں سے 60 افراد کو سزائیں سنا دیں جبکہ 7 کو بری کردیا۔ عدالت نے پولیس وین نذر آتش کرنے کے کیس کا فیصلہ سناتے ہوئے عدالت نے 32میں سے 28 افراد کو سزائیں سنائیں اور 4 کو بری کردیا۔ واضح رہے کہ سپریم کورٹ نے انسداد دہشت گردی کی عدالتوں کو حکم دیا تھا کہ وہ 9 مئی کے مقدمات میں عدالتی کارروائی مکمل کرتے ہوئے ان پر فیصلہ سنائیں اور سپریم کورٹ کی طرف سے دی جانے والی ڈیڈ لائن اگلے ماہ ختم ہو رہی ہے۔ فیصل آباد میں یہ مقدمات پولیس کی مدعیت میں درج ہوئے تھے۔ فیصل آبا د میں نو مئی کے 4مقدما ت درج کئے گئے۔ مزید برآں را نا ثنا ء اللہ کے گھر پر حملہ اور توڑ پھوڑ کرنے کے کیس کا فیصلہ آنا باقی ہے۔ فیصلہ سنانے سے قبل عدالت کے باہر فول پروف سکیورٹی انتظامات کئے گئے۔ 350 سے زائد پولیس جوان اور افسر عدالت کے باہر موجود تھے۔ دوسری جانب انسداد دہشتگردی عدالت نے 26 نومبر احتجاج کیس میں 50 پی ٹی آئی رہنماؤں کے وارنٹ گرفتاری جاری کردیئے۔ عارف علوی، عمر امین گنڈاپور، اسد قیصر، حماد اظہر، عاطف خان، عبدالقیوم نیازی، شبلی فراز، فیصل جاوید اور سلمان اکرم راجہ کے وارنٹ جاری کیے۔ رؤف حسن، مراد سعید، احمد نیازی، شعیب شاہین، اعظم خان سواتی، عمر ایوب، صاحبزاہ حامد رضا، علیمہ خان، شیخ وقاص اکرم، کنول شوزب، شاندانہ گلزار اور شیرافضل مروت کے وارنٹ گرفتاری بھی جاری کیے۔ پی ٹی آئی رہنماؤں کے وارنٹ تھانہ کراچی کمپنی میں درج 2 مقامات میں جاری کیے گئے ہیں۔ تھانہ کراچی کمپنی کی پولیس کی جانب سے وارنٹ گرفتاری جاری کرنے کی استدعا کی گئی تھی۔ 26 نومبر احتجاج کے سلسلے میں تھانہ کراچی کمپنی میں درج مقدمے کی سماعت کے بعد پی ٹی آئی کے 41 رہنماؤں کے وارنٹ گرفتاری عدالت نے جاری کئے جبکہ 9 پی ٹی آئی رہنماؤں کے وارنٹ گرفتاری پہلے ہی جاری ہو چکے ہیں، اس طرح مجموعی طور پر 50 پی ٹی آئی رہنماؤں کے وارنٹ گرفتاری جاری ہوگئے ہیں۔ انسداد دہشت گردی عدالت کے جج ابوالحسنات ذوالقرنین نے ملزموں کے پیش نہ ہونے پر وارنٹ جاری جاری کئے، عدالت نے ملزمان کو فوری گرفتار کرکے پیش کرنے کا حکم دیا ہے۔ جبکہ انسداد دہشت گردی عدالت اسلام آباد نے فیض آباد احتجاج کے کیس میں وزیر اعلیٰ خیبر پی کے علی امین گنڈاپور کی گرفتاری کا حکم دے دیا۔ اے ٹی سی کے جج طاہر عباس سپرا نے بانی پی ٹی آئی عمران خان کی نااہلی پر فیض آباد احتجاج کیس کی سماعت کی اور علی امین گنڈاپور کا اشتہاری کا سٹیٹس برقرار رکھا۔ عدالت نے کہا کہ اسلام آباد پولیس وارنٹ گرفتاری پر عمل کرے، اگر پشاور ہائیکورٹ کا کوئی حکم ہے تو اس پر عملدرآمد کیا جائے۔ کیس پر آئندہ سماعت 6 اگست کو ہوگی۔ واضح رہے کہ تھانہ انڈسٹریل ایریا میں علی امین گنڈا پور سمیت دیگر پی ٹی آئی رہنماؤں کے خلاف مقدمہ درج ہے۔
.ذریعہ: Nawaiwaqt
کلیدی لفظ: ں کے وارنٹ گرفتاری افراد کو سزا کو بری کردیا کو سزائیں پی ٹی ا ئی شبلی فراز کا فیصلہ عدالت نے فیصل ا
پڑھیں:
شہر قائد؛ ایک گھنٹے میں 3 حادثات، ماں بیٹے سمیت 4 افراد جاں بحق، 2 زخمی
کراچی:شہرقائد میں پیرکی صبح ایک گھنٹے کے دوران 3 مختلف ٹریفک حادثات میں ماں بیٹے سمیت 4 افراد جاں بحق اور2 زخمی ہوگئے۔ 2 جان لیوا ٹریفک حادثات ہیوی ٹریفک کے باعث پیش آئے۔
قائد آباد تھانے کےعلاقےلانڈھی اسپتال چورنگی کے قریب تیزرفتارواٹر ٹینکرنے موٹرسائیکل سواروں کوکچل دیا، جس کے نتیجے میں موٹرسائیکل پر سوارخاتون سمیت 2 افراد جاں بحق اورایک نوجوان زخمی ہوگیا، جنہیں ایمبولینس کے ذریعے جناح اسپتال منتقل کیا گیا۔
اسپتال میں متوفیہ خاتون کی شناخت 45 سالہ رئیسہ زوجہ احمد اور جاں بحق نوجوان کی شناخت 20 سالہ ارمان ولد احمد جب کہ زخمی نوجوان کی شناخت 24 سالہ حسنین ولد احمد کے نام سے کی گئی۔
حادثے میں جاں بحق ہونے والی خاتون اورنوجوان ماں بیٹا ہیں جب کہ زخمی ہونے والا بھی خاتون کا بیٹا ہے۔ حادثے کے بعد پولیس نے واٹرٹینکرکوتحویل میں لینے کےبعد تھانے منتقل کردیا گیا۔
ایس ایچ اوعنایت اللہ مروت کے مطابق حادثے میں جاں بحق و زخمی ماں بیٹے لانڈھی کے رہائشی تھے، تینوں ایک مل میں کام کرتے تھے۔ حادثے میں جاں بحق ماں بیٹے ایک ہی موٹر سائیکل پرسوارتھے۔ پہلے ان کی موٹر سائیکل کسی دوسری موٹر سائیکل سے ٹکرائی اور اسی دوران عقب سے آنے والا ٹینکر ان پرچڑھ گیا۔ حادثے کے بعد واٹر ٹینکر کا ڈرائیور موقع پر سے فرارہوگیا۔
دوسری جانب موچکو تھانے کےعلاقے بلدیہ ناردرن بائی پاس حاجی خواستی گوٹھ کے قریب ٹریفک حادثے میں ایک نوجوان جاں بحق اوردوسرا زخمی ہو گیا، جنہیں فوری طورپرایدھی ایمبولینس کے ذریعے سول اسپتال ٹراما سینٹر منتقل کردیا گیا۔ جاں بحق نوجوان کی شناخت 28 سالہ شہباز اورزخمی کی شناخت 25 سالہ داؤد ولدیت اسلم کے نام سے کی گئی۔ ترجمان ایدھی کے مطابق حادثہ تیز رفتار ٹرالر کی ٹکر کے باعث پیش آیا ۔
ساحل تھانے کے علاقے ڈیفنس فیز 08 کریک وسٹا اپارٹمنٹ کے قریب ٹریفک حادثے میں ایک شخص جاں بحق ہو گیا، جس کی لاش قانونی کارروائی کے لیے چھیپا ایمبولینس کے ذریعے جناح اسپتال منتقل کی گئی۔ جہاں جاں بحق شخص کی شناخت 35 سالہ یار جان ولد نورمحمد کے نام سے کی گئی۔ ریسکیو حکام کے مطابق متوفی شخص تیز رفتارنامعلوم گاڑی کی ٹکر کے باعث پیش آیا ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام