پاکستان میں جاں بحق جرمن اولمپیئن کی لاش کی بازیابی کی کوششیں ترک
اشاعت کی تاریخ: 1st, August 2025 GMT
پاکستان کے بلند و بالا پہاڑ لیلا پیک پر چڑھائی کے دوران ہلاک ہونے والی جرمن اولمپیئن بایاتھلون کھلاڑی لورا ڈاہلمایر کی لاش کی بازیابی کی کوششیں خطرناک حالات کے باعث ترک کر دی گئی ہیں۔
یہ بھی پڑھیں:حکومت پاکستان کا جرمن کوہ پیما لورا ڈہلمیئر کے جاں بحق ہونے پر گہرے دکھ کا اظہار
31 سالہ لورا ڈاہلمایر بدھ کے روز 5,700 میٹر (18,700 فٹ) کی بلندی پر چڑھائی کے دوران پتھروں کے گرنے سے ہلاک ہو گئی تھیں۔
وہ 2018 کے ونٹر اولمپکس میں دو طلائی تمغے جیت چکی تھیں اور دنیا کی نمایاں ترین خواتین بایاتھلون ایتھلیٹس میں شمار ہوتی تھیں۔
میڈیا رپورٹس کے مطابق ان کی انتظامی ایجنسی نے جمعرات کو بتایا کہ جائے حادثہ کے خطرناک حالات کے سبب لاش کو واپس لانے کا آپریشن روک دیا گیا ہے۔
ایجنسی کے مطابق پاکستانی الپائن کلب سے مشاورت کے بعد متوفیہ کے اہل خانہ صورتحال پر نظر رکھے ہوئے ہیں اور ممکنہ طور پر آئندہ کسی مناسب وقت پر بازیابی کی کوشش کی جا سکتی ہے۔
یہ بھی پڑھیں:جرمن اولمپیئن لارا ڈاہل مائر پاکستان میں کوہ پیمائی کے دوران جان گنوا بیٹھیں، انوکھی وصیت کیا تھی؟
ریسکیو ٹیم کے رکن اور معروف جرمن کوہ پیما تھامس ہوبر نے میڈیا کو بتایا کہ ڈاہلمایر کی زندگی میں خواہش تھی کہ اگر ان کی جان بچانے یا لاش واپس لانے میں کسی دوسرے کی جان کو خطرہ ہو، تو ان کی لاش وہیں رہنے دی جائے۔ اسی خواہش کے احترام میں بازیابی روک دی گئی۔
امریکی کوہ پیما اور ریسکیو ٹیم کے رکن جیکسن مارویل نے خبر رساں ادارے اے ایف پی کو بتایا کہ اگر ہم لورا کی مرضی کے خلاف ان کی لاش نکالنے کی کوشش کریں تو یہ بے ادبی ہوگی۔
حادثے کے وقت لورا کے ساتھ موجود ان کی کوہ پیمائی ساتھی مارینا ایوا کراوس نے اسکردو میں پریس کانفرنس کرتے ہوئے بتایا کہ میں نے دیکھا کہ ایک بھاری پتھر لورا پر گرا اور انہیں ایک چٹان سے ٹکرا دیا۔ اس کے بعد وہ دوبارہ حرکت نہیں کر سکیں۔
واضح رہے کہ لورا ڈاہلمایر کی موت کوہ پیمائی کے دوران پیش آنے والے مہلک حادثات کی ایک تازہ مثال ہے، جو شمالی پاکستان کے دشوار گزار اور بلند پہاڑی سلسلے قراقرم کی سختیوں کو ظاہر کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی کوہ پیما جرمن اولمپیئن جیکسن مارویل لورا ڈاہلمایر.ذریعہ: WE News
کلیدی لفظ: جرمن اولمپیئن جیکسن مارویل جرمن اولمپیئن کے دوران کوہ پیما بتایا کہ کی لاش
پڑھیں:
جرمن وزیر خارجہ کا دورہ اسرائیل، مقصد جنگ بندی پر زور
اسلام آباد (اُردو پوائنٹ ۔ DW اردو۔ 31 جولائی 2025ء) * جرمن وزیر خارجہ کا دورہ اسرائیل، مقصد جنگ بندی پر زور
جرمن وزیر خارجہ کا دورہ اسرائیل، مقصد جنگ بندی پر زورجرمن وزیر خارجہ یوہان واڈے فیہول دو روزہ دورے پر آج جمعرات کو اسرائیل پہنچ رہے ہیں۔ ان کے اس دورے کا مقصد غزہ پٹی کے بحران کے تناظر میں جنگ بندی اور اس تباہ شدہ علاقے میں انسانی صورتحال کو بہتر بنانے پر زور دینا ہے۔
وفاقی جرمن وزیر خارجہ اپنے اس دورے کے دوران مختلف فریقوں سے ملاقاتیں کریں گے اور مشرق وسطیٰ کے تنازعے کے بارے میں برلن حکومت کی پوزیشن واضح کرنے کی کوشش کریں گے۔ یوہان واڈے فیہول کی اسرائیلی وزیر خارجہ گیدون سعار اور فلسطینی اتھارٹی کے نمائندوں سے ملاقاتیں بھی متوقع ہیں۔
(جاری ہے)
جرمن چانسلر فریڈرش میرس کے مطابق ان مذاکرات کے دوران یہ امر بھی زیر غور آ سکتا ہے کہ آیا جرمنی اسرائیل کے خلاف ممکنہ پابندیوں کی حمایت کرے گا۔
واضح رہے کہ یورپی کمیشن نے اسرائیل کی ’’ہورائزن یورپ‘‘ نامی ریسرچ فنڈنگ پروگرام میں شرکت کو فوری اور جزوی طور پر معطل کرنے کی سفارش کی ہے۔ اس اقدام کا مقصد اسرائیل پر دباؤ ڈالنا ہے تاکہ وہ غزہ پٹی میں انسانی بحران کا فوری اور پائیدار طور پر سدباب کرے۔
فریڈرش میرس نے اسی ہفتے اپنی سکیورٹی کابینہ کے ایک اجلاس کے بعد کہا تھا کہ جرمنی غزہ پٹی میں جامع اور مستقل جنگ بندی پر زور دے رہا ہے۔ برلن حکومت نے حماس اور اسرائیلی حکومت دونوں سے مطالبہ کیا ہے کہ وہ ایک ایسے معاہدے تک پہنچیں، جس کے تحت یرغمالیوں کی رہائی، جن میں جرمن شہری بھی شامل ہیں، ممکن ہو سکے اور حماس کے دہشت گردوں کو غیر مسلح کیا جا سکے۔
ابتدائی منصوبے کے مطابق جرمن وزیر خارجہ یوہان واڈے فیہول کو اپنے فرانسیسی اور برطانوی ہم منصب وزراء کے ساتھ اسرائیل کا مشترکہ دورہ کرنا تھا، تاہم یہ منصوبہ عملی شکل اختیار نہ کر سکا۔
ادارت: عاطف توقیر، مقبول ملک
یہودی درندوں کے حملوں سے 79 مسلمان غزہ میں شہید