روس نے کینسر کی ویکسین کی پہلی انسانی آزمائش کی تاریخ کا اعلان کر دیا
اشاعت کی تاریخ: 3rd, August 2025 GMT
روس میں کینسر کے مریضوں کو ایک نئی، ذاتی نوعیت کی ویکسین آئندہ چند ماہ میں دی جانا شروع ہو جائے گی۔
یہ اعلان روس کے معروف ادارے گمالیا ریسرچ انسٹیٹیوٹ آف ایپیڈیمیالوجی اینڈ مائیکروبایالوجی کے ڈائریکٹر الیگزینڈر گِنٹسبرگ نے کیا۔
یہ بھی پڑھیں:پاکستان اور عالمی ادارہ صحت کے درمیان بچوں کے کینسر کی مفت ادویات کی فراہمی کا معاہدہ
یہ ویکسین mRNA اور مصنوعی ذہانت (AI) پر مبنی ایک انقلابی دوا ہے، جو ہر مریض کے جینیاتی ڈیٹا اور مخصوص رسولی (ٹیومر) کی بنیاد پر تیار کی جاتی ہے، اور صرف اسی مریض پر مؤثر ہوتی ہے۔
گِنٹسبرگ نے روسی خبر رساں ایجنسی ریا نووستی کو بتایا کہ ویکسین کی آزمائشی مرحلہ آئندہ چند ماہ میں ماسکو کے دو بڑے کینسر اداروں، ہیرتسن ریسرچ انسٹیٹیوٹ اور بلوکھن کینسر سینٹر، کے تعاون سے شروع کیا جا رہا ہے۔
ویکسین کی تیاری گمالیا مرکز میں ہو گی، جبکہ مریضوں پر ٹرائلز مذکورہ طبی مراکز کریں گے۔
ذاتی نوعیت کی ویکسین، مخصوص مریض کے لیے تیارگنتسبرگ کے مطابق یہ دوا مکمل طور پر ہر مریض کے لیے مخصوص تیار کی جاتی ہے، اور کسی دوسرے شخص پر استعمال نہیں ہو سکتی۔
یہ بھی پڑھیں:ناقص آئل میں کباب فرائی، ’چپلی کباب کے ساتھ کینسر فری ہے‘
یہ ویکسین ابتدائی طور پر میلانوما (جلدی کینسر کی ایک قسم) کے مریضوں کے لیے تیار کی گئی ہے، اور اس نے جانوروں اور محدود انسانی تجربات میں حوصلہ افزا نتائج دیے ہیں۔
ویکسین کیسے کام کرتی ہے؟ویکسین انسانی جسم کے مدافعتی نظام کو تربیت دیتی ہے کہ وہ مخصوص ٹیومر پروٹینز (نیوانٹیجنز) کو پہچانے اور تباہ کرے۔
یہ عمل سائٹوٹاکسک لمفوسائٹس کے ذریعے پورے جسم میں پھیلے کینسر خلیات کو ختم کرتا ہے۔
ضابطہ جاتی منظوری اور قوانینچونکہ یہ ویکسین ہر مریض کے لیے منفرد ہوتی ہے، اس لیے اس کی منظوری کے لیے روس میں ایک خاص ریگولیٹری فریم ورک تشکیل دیا گیا ہے، جو روایتی ادویات کے برعکس ہے۔
دیگر اقسام کے کینسر کے لیے توسیعگمالیا انسٹیٹیوٹ، جو عالمی سطح پر کووِڈ-19 ویکسین Sputnik V کے موجد کے طور پر جانا جاتا ہے، اب پینکریاٹک، گردے اور پھیپھڑوں کے مہلک کینسر جیسی بیماریوں کے لیے بھی AI مدد یافتہ ویکسینز پر کام کر رہا ہے۔
بین الاقوامی دلچسپیروسی وزارت صحت کے مطابق ملک میں اس وقت تقریباً 40 لاکھ کینسر کے مریض موجود ہیں اور سالانہ 6 لاکھ 25 ہزار نئے کیسز رپورٹ ہوتے ہیں۔
اگر یہ ویکسین محفوظ اور مؤثر ثابت ہوتی ہے تو یہ روسی صحت کے نظام میں ایک انقلابی سنگِ میل ہو سکتی ہے۔
گنتسبرگ نے تصدیق کی کہ دنیا کے کئی طبی ادارے روس سے تعاون کے خواہش مند ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس کینسر گمالیا انسٹیٹیوٹ گِنٹسبرگ.
ذریعہ
ذریعہ: WE News
کلیدی لفظ: کینسر ویکسین کی یہ ویکسین مریض کے کے لیے
پڑھیں:
پاکستانی نژاد سعدیہ زاہدی عالمی ایئرلائنز تنظیم کی پہلی خاتون ڈائریکٹر جنرل مقرر
پاکستانی نژاد ایگزیکٹو سعدیہ زاہدی کو انٹرنیشنل ایئر ٹرانسپورٹ ایسوسی ایشن کا نیا ڈائریکٹر جنرل مقرر کر دیا گیا ہے۔
وہ یکم نومبر 2026 کو اپنے عہدے کا چارج سنبھالیں گی اور آئی اے ٹی اے کی تاریخ میں اس منصب پر فائز ہونے والی پہلی خاتون ہوں گی۔
سعدیہ زاہدی آئی اے ٹی اے کی 9ویں ڈائریکٹر جنرل ہوں گی، وہ اس سے قبل ورلڈ اکنامک فورم میں منیجنگ ڈائریکٹر اور منیجنگ بورڈ کی رکن کے طور پر خدمات انجام دے رہی ہیں۔
یہ بھی پڑھیں: ایمیریٹس 2026 میں بھی سب سے بہترین ایئرلائن بن گئی
آئی اے ٹی اے کے بورڈ آف ڈائریکٹرز کے چیئرمین اور لاٹام ایئرلائنز گروپ کے چیف ایگزیکٹو آفیسر روبرٹو الوو نے اپنے بیان میں کہا کہ بورڈ سعدیہ زاہدی کی تقرری پر انتہائی خوش ہے۔
انہوں نے کہا کہ ورلڈ اکنامک فورم میں سعدیہ زاہدی کا طویل اور شاندار تجربہ آئی اے ٹی اے کو عالمی ایئرلائن صنعت کی مؤثر آواز کے طور پر مزید مضبوط بنائے گا۔
ان کے مطابق عالمی فضائی نقل و حمل ایک کھربوں ڈالر کی صنعت ہے جس نے دنیا کو بہتر انداز میں جوڑنے میں اہم کردار ادا کیا ہے۔
Saadia Zahidi becomes IATA's first woman leader and first non-airline-operator director general since 1985, arriving from the WEF with economics and global-convening credentials rather than operational airline experience.
Willie Walsh departs on a high note—credited with… pic.twitter.com/GR2LdSf4eN
— Airline Weekly (@Airline_Weekly) July 23, 2026
روبرٹو الوو نے کہا کہ سعدیہ زاہدی کی تقرری ایسے وقت میں ہوئی ہے جب بین الاقوامی ماحول تیزی سے تبدیل ہو رہا ہے۔
’ٹیکنالوجی اور جغرافیائی سیاسی تبدیلیاں مستقبل میں ہوا بازی کی صنعت کی سمت متعین کریں گی، جبکہ سعدیہ زاہدی کے پاس وہ صلاحیت موجود ہے جس کے ذریعے وہ صنعت کی ضروریات کو مؤثر انداز میں اجاگر کر سکیں گی۔‘
سعدیہ زاہدی گزشتہ 2 دہائیوں سے زائد عرصے سے ورلڈ اکنامک فورم سے وابستہ ہیں، انہوں نے ادارے کے سینٹر فار دی نیو اکانومی اینڈ سوسائٹی کی بنیاد رکھی اور اس کی سربراہی بھی کر رہی ہیں۔
مزید پڑھیں: ایئرلائن ریٹنگز 2026: محفوظ ترین فل سروس اور لو کاسٹ ایئرلائنز کی ٹاپ 25 فہرست جاری
اپنی تقرری پر اظہارِ خیال کرتے ہوئے سعدیہ زاہدی نے کہا کہ وہ ایسے اہم مرحلے پر آئی اے ٹی اے کے مشن کو آگے بڑھانے کو اپنے لیے اعزاز سمجھتی ہیں۔
سعدیہ زاہدی نے اکنامکس میں اسمتھ کالج سے بیچلر، دی گریجویٹ انسٹی ٹیوٹ سے بین الاقوامی معاشیات میں ایم فل، جبکہ ہارورڈ یونیورسٹی سے ماسٹر آف پبلک ایڈمنسٹریشن کی ڈگری حاصل کر رکھی ہے۔
وہ پاکستانی اور سوئس، دونوں ممالک کی شہریت رکھتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی اے ٹی اے اسمتھ کالج اکنامکس انٹرنیشنل ایئر ٹرانسپورٹ ایسوسی ایشن ایئرلائنز گروپ ڈائریکٹر جنرل سعدیہ زاہدی سوئس شہریت ہارورڈ یونیورسٹی\ ہوا بازی ورلڈ اکنامک فورم
بھارت سے جنگ اور افغانستان میں کارروائی خارج ازامکان نہیں، وزیردفاع