خیبر پی کے : وزیراعلیٰ ہاوس ، شمالی وزیرستان مین جرگے ‘ امن کیلئے پاک فوج کی حمایت
اشاعت کی تاریخ: 3rd, August 2025 GMT
پشاور (نوائے وقت رپورٹ) وزیراعلیٰ خیبر پی کے علی امین گنڈا پور کی زیر قیادت وزیراعلیٰ ہاؤس میں قبائلی عمائدین کا جرگہ ہوا۔ علی امین گنڈا پور نے کہا کہ ضم اضلاع میں 20 ارکان کا حتمی جرگہ بنایا جائے گا۔ جرگہ قیام امن کیلئے لائحہ عمل تیار کرے گا۔ جرگہ حکومت سمیت عسکری قیادت سے ملاقات کرے گا۔ مقصد امن و امان کی بحالی پر قبائل سے مشاورت کرنا ہے۔ پسماندگی کے خاتمہ کیلئے قبائلی جرگہ کی تجاویز پر عمل ہو گا۔ اعلامیہ کے مطابق امن کی بحالی کیلئے دہشت گردی اور دہشت گردوں کے خلاف سب ایک ہیں۔ ترقی امن سے منسلک ہے بحالی امن سے ترقی کا عمل تیز کیا جائے گا۔ معدنیات سمیت صوبے کے وسائل نہ کسی نے مانگے اور نہ دیئے اور نہ ہی کسی کو دیں گے۔ حکومت سے سفارش ہے افغانستان سے مذاکرات کیلئے صوبائی حکومت‘ قبائلی مشران کا جرگہ بھیجے۔ جرگوں کے بعد وزیراعلیٰ کی سربراہی میں گرینڈ جرگہ ہو گا۔ ترجمان وزیراعلیٰ کے مطابق جرگے میں خیبر‘ اورکزئی‘ درہ آدم خیل اور حسن خیل کے قبائلی مشران و منتخب نمائندوں‘ 150 قبائلی عمائدین‘ 6 ایم پی ایز‘ تین ایم این ایز‘ ایک سینیٹر‘ مشیر برائے اطلاعات‘ چیف سیکرٹری‘ اعلیٰ حکام نے شرکت کی۔
پشاور (بیورو رپورٹ) شمالی وزیرستان اور ڈی آئی خان میں پاک فوج کے تعاون سے قبائلی مشران و عمائدین کا جرگہ اور گرینڈ بین المسالک امن کانفرنس کا انعقاد کیا گیا۔ پاک فوج کے تعاون سے قبائلی مشران و عمائدین کا اہم جرگہ میران شاہ میں ہوا، جرگے کے دوران مشران و عمائدین نے امن و امان کے قیام اور فتتہ الخوارج کے خاتمے کیلئے پاک فوج کی زیرو ٹالرنس پالیسی کا مکمل ساتھ دینے کا اعلان کیا۔ شرکاء نے پاک فوج، سکیورٹی فورسز اور شہداء کی لازوال قربانیوں کو زبردست خراج تحسین بھی پیش کیا۔ شرکاء نے متفقہ طور پر فتتہ الخوارج اور شر پسند عناصر کی روک تھام اور اس سلسلے میں حکام کے ساتھ مکمل تعاون کی یقین دہانی کرائی۔ مہمان خصوصی جنرل آفیسر کمانڈنگ میجر جنرل عادل افتخار وڑائچ نے قبائلی عوام کی قربانیوں خراج تحسین پیش کرتے ہوئے کہا کہ علاقے میں مکمل امن کیلئے قبائلی مشران کا کردار کلیدی ہے۔ قبائلی مشران و عمائدین نے علاقے میں تعلیم و صحت خصوصا بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا۔ دوسری جانب چہکان ڈیرہ اسماعیل خان میں پاک فوج کے تعاون سے علماء و مشائخ اور مشران کی گرینڈ بین المسالک امن کانفرنس ہوئی جس میں تمام مکاتب فکر سے تعلق رکھنے والے علماء و مشائخ دین اور مشران نے شرکت کی۔ شرکاء نے قیام امن اور فتتہ الخوارج کے خاتمے کیلئے پاک فوج کا مکمل ساتھ دینے کا اعلان کیا اور سکیورٹی فورسز کی لازوال قربانیوں کو زبردست خراج تحسین پیش کیا۔
.ذریعہ: Nawaiwaqt
کلیدی لفظ: قبائلی مشران پاک فوج امن کی
پڑھیں:
وزیراعلیٰ خیبر پختونخوا نے علم پیکٹ پروگرام کا اجرا کردیا
علی امین خان گنڈاپور نے کہا کہ ہماری حکومت کا مشن بچوں کو معیاری تعلیم دینا ہے، بجٹ کا 21 فیصد ابتدائی و ثانوی تعلیم کیلئے رکھا ہے۔ اسلام ٹائمز۔ وزیراعلیٰ خیبر پختونخوا علی امین خان گنڈاپور نے ’علم پیکٹ پروگرام‘ کا اجرا کردیا۔ علی امین خان گنڈاپور نے کہا کہ ہماری حکومت کا مشن بچوں کو معیاری تعلیم دینا ہے، بجٹ کا 21 فیصد ابتدائی و ثانوی تعلیم کیلئے رکھا ہے۔ انہوں نے کہا کہ گزشتہ سال اسکول سے باہر 13 لاکھ بچوں کو اسکولوں میں داخل کروایا گیا اور رواں سال مزید 10 لاکھ بچوں کو اسکولوں میں داخل کرانےکا ہدف مقرر کیا گیا ہے۔ وزیراعلیٰ خیبر پختونخوا نے مزید کہا کہ سرکاری اسکولوں میں بچوں کو مفت کتابیں، اسٹیشنری اوربیگز کی فراہمی کا منصوبہ شروع کررہے ہیں۔
کرشمہ کپور اور آنجہانی سنجے کپور کے تعلقات پر سنیل درشن کے حیران کن انکشافات