پی ٹی آئی 5 اگست احتجاج: ‘اسلام آباد نہیں جائیں گے، صوابی انٹرچینج موٹروے پر احتجاج ہوگا’
اشاعت کی تاریخ: 3rd, August 2025 GMT
پاکستان تحریک انصاف (پی ٹی آئی) نے عمران خان کی رہائی کے لیے خیبر پختونخوا میں 5 اگست کے احتجاج کو حتمی شکل دے دی ہے۔ اس کے تحت صوابی موٹروے انٹرچینج پر بڑا احتجاج کیا جائے گا اور خیبر پختونخوا سے اسلام آباد کی جانب کوئی ریلی نہیں جائے گی۔
پی ٹی آئی کے ایم این اے اور پشاور ریجن کے سینیئر رہنما عاطف خان کے مطابق 5 اگست کو صوبے بھر میں بانی پی ٹی آئی کی رہائی کے لیے احتجاج کیا جائے گا۔ انہوں نے بتایا کہ پشاور-اسلام آباد موٹروے کے صوابی انٹرچینج پر مرکزی احتجاج ہوگا جس میں مردان، صوابی اور چارسدہ کے کارکنان اور قائدین شرکت کریں گے۔
یہ بھی پڑھیے: پی ٹی آئی احتجاج: کیا عمران خان کی رہائی کے امکانات بڑھ گئے؟
انہوں نے کہا کہ تینوں اضلاع سے کارکنان ریلیوں کی شکل میں صوبائی انٹرچینج پر پہنچیں گے اور بانی چیئرمین کی رہائی کے لیے پُرامن احتجاج کریں گے۔
پشاور اور نوشہرہ میں احتجاج کہاں ہوگا؟عاطف خان نے بتایا کہ عمران خان کی رہائی کے لیے تمام اضلاع میں احتجاج ہوگا۔ پشاور اور ضلع خیبر کا مشترکہ احتجاج پشاور میں ہی ہوگا، جبکہ نوشہرہ کے کارکن جی ٹی روڈ پر خیرآباد کے مقام پر جمع ہو کر مظاہرہ کریں گے۔
انہوں نے دعویٰ کیا کہ کارکنان متحرک ہیں اور بانی پی ٹی آئی کی رہائی تک چین سے نہیں بیٹھیں گے، بانی پی ٹی آئی کی رہائی کے لیے تحریک جاری رہے گی۔
‘اسلام آباد نہیں جائیں گے’پی ٹی آئی کے 5 اگست احتجاج کے حوالے سے وزیراعلیٰ ہاؤس میں ایک اجلاس بھی ہوا، جس میں احتجاج کے حوالے سے پلان کو حتمی شکل دی گئی۔ پی ٹی آئی کے نوجوان رہنما اور صوبائی وزیر برائے اعلیٰ تعلیم مینا خان آفریدی نے بتایا کہ 5 اگست کو بانی چیئرمین کی رہائی کے لیے احتجاج کا حتمی فیصلہ کر لیا گیا ہے اور تمام اضلاع میں احتجاج و مظاہرے ہوں گے۔
یہ بھی پڑھیے: پی ٹی آئی احتجاج: عمران خان سمیت درجنوں سینیئر رہنماؤں کے خلاف اقدام قتل اوردہشتگردی کا مقدمہ درج
انہوں نے بتایا کہ پی ٹی آئی خیبر پختونخوا نے 5 اگست کو اسلام آباد نہ جانے کا فیصلہ کیا ہے اور احتجاج صرف صوبے میں ہی ہوگا۔
‘پشاور احتجاج کی قیادت وزیراعلیٰ کریں گے’مینا خان آفریدی نے بتایا کہ پشاور میں بڑا احتجاج ہوگا اور نواحی علاقوں سے بھی کارکنان اس میں شرکت کریں گے۔ انہوں نے بتایا کہ وزیراعلیٰ علی امین گنڈاپور پشاور میں ہی احتجاجی ریلی کی قیادت کریں گے۔ تمام ریلیاں اضلاع کی سطح پر نکالی جائیں گی۔
احتجاج پُرامن ہوگا: اسد قیصرسابق اسپیکر قومی اسمبلی اور پی ٹی آئی کے مرکزی رہنما اسد قیصر نے کہا ہے کہ عمران خان نے 5 اگست سے ملک بھر میں تحریک شروع کرنے کا اعلان کیا ہے، جس کے لیے تیاریاں مکمل کر لی گئی ہیں۔
یہ بھی پڑھیے: پی ٹی آئی رہنماؤں کو سزائیں، سینیٹ اور قومی اسمبلی میں پی ٹی آئی کی کتنی نشستیں رہ گئی ہیں؟
انہوں نے بتایا کہ صوبائی تنظیم مختلف مقامات پر احتجاج کرے گی۔
‘ہماری تحریک پُرامن ہے اور قانون و آئین کے دائرے میں رہتے ہوئے ہماری جدوجہد جاری رہے گی۔’
صوابی میں میڈیا سے بات کرتے ہوئے انہوں نے کہا کہ عمران خان کو 5 اگست کو گرفتار کیا گیا تھا اور اسی دن کو یومِ سیاہ کے طور پر منایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست احتجاج احتجاج بانی پی ٹی آئی پی ٹی آئی عمران خان.ذریعہ: WE News
کلیدی لفظ: 5 اگست احتجاج بانی پی ٹی آئی پی ٹی ا ئی انہوں نے بتایا کہ کی رہائی کے لیے بانی پی ٹی آئی پی ٹی آئی کے پی ٹی آئی کی احتجاج ہوگا اسلام آباد کریں گے اگست کو
پڑھیں:
قوم کو خوفزدہ کیا جا رہا ہے، 5 اگست کا احتجاج ملک گیر تحریک ہوگی، سلمان اکرم راجا
پاکستان تحریک انصاف (پی ٹی آئی) کے سینیئر رہنما اور معروف وکیل سلمان اکرم راجا نے کہا ہے کہ 9 مئی کے واقعات کی آڑ میں منتخب عوامی نمائندوں کو دہشت زدہ کرنے کی کوشش کی جا رہی ہے۔
انہوں نے کہا کہ آج ہمارے ایک ساتھی کو عمر قید کی سزا سنائی گئی ہے جبکہ 2 سرکاری ملازمین کی شہادت کے مقدمے میں 10، 10 سال کی سزائیں سنائی گئیں۔
یہ بھی پڑھیے: حکومت کا پی ٹی آئی کے 5 اگست کے احتجاج پر ردعمل اس کے رویے سے مشروط ہوگا، وزیردفاع
سلمان راجا کا کہنا تھا کہ ہم پر ایک ہی الزام ہے کہ 9 مئی کی سازش کے لیے کسی میٹنگ میں شریک ہوئے، مگر حقیقت یہ ہے کہ ایسا کچھ نہیں ہوا۔ انہوں نے کہا کہ یہ سزائیں کسی مہذب جمہوری ملک میں نہیں دی جاتیں۔ پورا ملک اس وقت خوف کی فضا میں ہے، جو کسی ترقی یافتہ ریاست کی علامت نہیں۔
انہوں نے دعویٰ کیا کہ یہ تمام مقدمات 5 اگست کے ممکنہ ملک گیر احتجاج کے خوف سے قائم کیے جا رہے ہیں۔ یہ بھول ہے ان لوگوں کی کہ وہ ہمیں دبا سکیں گے۔ ہم بھاگنے والے نہیں، ہم آئین و قانون کی جنگ لڑ رہے ہیں، 5 اگست کا احتجاج ملک گیر تحریک ہوگی۔
یہ بھی پڑھیے: عمران خان ہی پارٹی کے قائد ہیں، شاہ محمود کی سربراہی کی خبریں بے بنیاد ہیں: سلمان اکرم راجہ
انہوں نے کہا کہ ہم سزاؤں کے خلاف اپیل ضرور کریں گے مگر 26ویں آئینی ترمیم کے بعد عدالتوں کی صورتحال سب کے سامنے ہے۔ اس کے باوجود ہم پیچھے نہیں ہٹیں گے۔
سلمان اکرم راجا نے انکشاف کیا کہ ان کی وزیراعلیٰ علی امین گنڈاپور سے بات ہوئی ہے جنہوں نے بتایا کہ بعض مخصوص علاقوں میں داعش اور ٹی ٹی پی کے لوگ موجود ہیں اور بعض عام شہریوں کے گھروں میں جنگجو پناہ لیے ہوئے ہیں۔ انہوں نے زور دیا کہ جہاں بھی آپریشن ہو، وہاں مقامی لوگوں کی رضامندی سے کیا جائے۔
یہ بھی پڑھیے: 9 مئی مقدمات: عمر ایوب، شبلی فراز اور زرتاج گل سمیت 108 افراد کو سزائیں، فواد چوہدری و دیگر بری
پی ٹی آئی کے اندرونی معاملات پر بات کرتے ہوئے سلمان اکرم راجہ نے کہا کہ پارٹی میں ٹکٹوں کی تقسیم میرٹ پر ہونی چاہیے۔ ٹکٹ کسی پیسے والے کو نہیں بلکہ گراؤنڈ ورکر کو ملنا چاہیے۔ جو 6 نام سینیٹ کے لیے دیے گئے وہ سب بانی کی مرضی سے دیے گئے تھے۔ کل کے سینیٹ الیکشن میں جو امیدوار (مشعال یوسفزئی) سامنے آیا، وہ بھی بانی کا فیصلہ تھا۔
آخر میں انہوں نے کہا کہ ہم اپیل کرتے ہیں کہ سب سیاسی قوتیں بیٹھیں اور ملک کو مل کر آگے لے جائیں۔ ہم پنجاب کے مظلوموں، بے گھر افراد، بلوچستان کے عوام کی جنگ لڑ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست احتجاج پی ٹی آئی تحریک انصاف سلمان اکرم راجہ
سندھ حکومت کی جدید سہولیات "کینسر مریضوں کیلئے امید کی کرن" قرار