بے نظیر ہیومن ریسورس، گریڈ 20 کے 2 ریجنل کنسلٹنٹ کی لوٹ کھسوٹ
اشاعت کی تاریخ: 4th, August 2025 GMT
خلاف ضابطہ تعیناتی کے بعد کروڑوں روپے کی کمیشن وصولی ، سیکریٹری بے بس
تیمور سیال اور سلیمان دشتی اخراجات اور فنڈ کی فائلوں پر 20 سے30 فیصد کمیشن
بینظیر بھٹو شہید ہیومن ریسورس ریسرچ بورڈ میں بدانتظامی، گریڈ 20 میں دو ریجنل کنسلٹنٹ تیمور سیال اور سلیمان دشتی کئی سال سے غیر قانونی طور پر تعینات، ٹریننگ کے فنڈز پر کروڑوں روپے کمیشن وصولی کا الزام، سیکریٹری منور مٹھانی دونوں افسران کو عہدوں سے فارغ کرنے میں ناکام ہو گئے۔ جرات کو موصول دستاویز کے مطابق بینظیر بھٹو شہید ہیومن ریسورس ریسرچ بورڈ میں انجنیئر تیمور سیال کو 28 ستمبر 2012 کو ریجنل کنسلٹنٹ کے طور پر ایک سال کے کانٹریکٹ کے طور تعینات کیا گیا، جبکہ تیمور سیال پیپلز پارٹی ضلع جنوبی کے جنرل سیکریٹری کے سیاسی عہدے پر موجود تھے، بعد میں انجنیئر تیمور سیال کے کانٹریکٹ میں سیاسی پشت پناہی کے باعث اضافہ ہوتا رہا، 27 آکتوبر 2017 کو حکومت سندھ کے محکمہ سروسز اینڈ جنرل ایڈمنسٹریشن نے نوٹیفکیشن جاری کیا کہ بورڈ میں مستقل افسر کی تعیناتی تک انجنیئر تیمور سیال کنسلٹنٹ کے طور تعینات ہونگے، سابق چیف سیکریٹری فخر عالم نے 21 نومبر 2023 کو نوٹیفکیشن جاری کر کے تیمور سیال کو بینظیر بھٹو شہید ہیومن ریسورس ریسرچ بورڈ سے ٹرمینیٹ کردیا۔ جبکہ بورڈ میں سلیمان دشتی کو 22 جنوری 2008 کو ایک سال کے کانٹریکٹ پر کنسلٹنٹ تعینات کیا گیا، سال 2011 میں وزیراعلی سندھ کو سمری ارسال کی گئی کہ سلیمان دشتی اور مختیار دھامراھ کے کانٹریکٹ میں اضافہ کیا جائے جس کے بعد محکمہ سروسز اینڈ جنرل ایڈمنسٹریشن نے 14 اکتوبر 2011 کو نوٹیفکیشن جاری کیا کہ پروجیکٹ مکمل ہونے تک سلیمان دشتی کنسلٹنٹ رہیں گے، جبکہ 11 جولائی 2018 کو پروجیکٹ مکمل ہونے تک کنسلٹنٹ کے طور پر تعیناتی کا آرڈر منسوخ کیا گیا۔ بینظیر بھٹو شہید ہیومن ریسورس ریسرچ بورڈ کے سیکریٹری منور علی مٹھانی کے آشیرباد سے انجنیئر تیمور سیال اور سلیمان دشتی کنسلٹنٹ کے عہدوں پر غیر قانونی طور پر براجمان ہیں، دونوں افسران نے تنخواہ اور مالی مراعات کی مد میں کروڑوں روپے بٹورے ہیں۔ ذرائع کا کہنا ہے کہ بورڈ میں انجنیئر تیمور سیال، سلیمان دشتی اور سکندر بھٹی ٹریننگ کورسز کے اخراجات اور فنڈز کے فائلز پر 20 سے 30 فیصد کمیشن وصول کرتے ہیں جو کہ کروڑوں روپے ہوتے ہیں۔
.ذریعہ: Juraat
کلیدی لفظ: انجنیئر تیمور سیال کے کانٹریکٹ کروڑوں روپے سلیمان دشتی کنسلٹنٹ کے کے طور
پڑھیں:
سرکاری ملازمین کے لیے بڑی خوشخبری ؛ کرایہ داری سیلنگ میں 85 فیصد اضافہ منظور
سٹی 42: وفاقی ملازمین کے لیے کرایہ داری سیلنگ میں 85 فیصد اضافہ کردیا گیا۔وزارت ہاؤسنگ نے کرایہ داری سیلنگ کے اضافے کا نوٹیفکیشن جاری کر دیا۔
وزارت ہاؤسنگ و ورکس کا نیا اضافہ یکم نومبر 2025 سے نافذ ہوگا، رہائشی کرایہ داری سیلنگ کی شرحیں فنانس ڈویژن کی مشاورت سے مقرر کیا گیا ۔
وفاقی حکومت کے تمام ملازمین (بی ایس-1 تا 22) کے لیے اضافے کی منظوری دے دی گئی ، اضافہ کا اطلاق چھ خاص اسٹیشنز پر ہو گا۔
آئی سی سی سہ ماہی اجلاس کا آغاز آج سے دبئی میں ہو گا
بڑے شہروں میں کرایہ جات میں اضافہ سرکاری ملازمین کو بڑھتے کرایوں میں بڑا ریلیف دے گا۔وفاقی وزیر ہاؤسنگ میاں ریاض حسین پیرزادہ نے وفاقی ملازمین کو مبارکباد دی۔ ریاض حسین پیرزادہ نے کہا وزارت ہاؤسنگ ملازمین کی سہولت کے لیے پرعزم ہیں۔
اسلام آباد میں 17,400 سرکاری رہائشی مکانات جبکہ 43,000 سے زائد رجسٹرڈ درخواست گزار ہیں ۔ وفاقی کابینہ کی منظوری کے بعد سرکاری ملازمین کے رینٹل سیلنگ الاونس میں اضافے کا نوٹیفکیشن جاری کیا گیا ۔ نوٹیفیکشن کے مطابق تمام سرکاری ملازمین کے رینٹل سیلنگ الاونس میں 85 فیصد اضافہ کیا گیا ہے ۔
سال 2025 کا روشن ترین سپر مون کل رات آسمان پر نمودار ہوگا
وزارت ہاوسنگ اینڈ ورکس نے اسلام آباد، راولپنڈی، لاہور کراچی پشاور اور کوئٹہ کیلئے نئی رینٹل سیلنگ ریٹس جاری کر دیے ۔اسلام آباد میں کام کرنے والے بی پی ایس ایک اور دو کے ملازمین کو اب 13ہزار روپے ماہانہ ملیں گے ۔
گریڈ 1 اور 2 کے ملازمین کو باقی 5 شہروں میں 12 ہزار 193 روپے ملیں گے ۔گریڈ 3 اور 6 تک کے ملازمین کو اسلام آباد میں 20 ہزار 313 روپے ملیں گے ۔
جبکہ دوسرے پانچ شہروں میں 3 سے 6 تک کے ملازمین کو 17 ہزار860 روپے ماہانہ ملیں گے ۔گریڈ 17 اور 18 کے افسران کو اسلام آباد میں اب 76 ہزار 122 روپے ملا کریں گے ۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
17،18 کے افسران کو باقی 5 شہروں میں 66 ہزار 411 روپے ماہانہ ملیں گے ۔
اسلام آباد میں گریڈ 19 کے افسر کو 1 لاکھ 12 ہزار ،گریڈ 20 کے افسر کو 1 لاکھ 27 ہزار روپے ملیں گے ۔
اسلام آباد میں گریڈ 21 کے افسر کو 1 لاکھ 52 ہزار 183 روپے جبکہ گریڈ 22 کے افسر کو 1 لاکھ 82 ہزار 121روپے ماہانہ ملیں گے ۔
تمام نئے رینٹل سیلنگ الاونس کا اطلاق یکم نومبر 2025 سے ہو گا
190 ملین پاؤنڈ: سیشن جج کی تعیناتی چیلنج کرنے کا کیس نومبر کے دوسرے ہفتے میں لگانے کی ہدایت